الف مبروك
وشرح واافى جدا
وبجد منظر الصور يقطع القلب
رقم العضوية : 4157
تاريخ التسجيل : 15Jan2008
المشاركات : 57
الحالة :
السلام عليكم ورحمة الله وبركاته
الحمد لله بعد حيرة وتردد شديد ركبت انذار لسيراتو
أنا بصراحة بكتب الموضوع للعبرة والعظة، لأن بصراحة مصر اتقان ابسط الأعمال فيها وصل لدرجة رهيبة.
وبشكر م/أحمد إسماعيل شكر خاص لأنه كان معايا بالتليفون في كل الخطوات.
المهم أنا كنت عرفت من احمد اسماعيل (كبير السيراتاوية) ان فيه نوع أنذار كويس اسمه ادريان من عند ادريان، بصراحة أنا مكنتش مخطط للموضوع ،كنت بركن في جامعة الدول بالصدفة لقيت فرع من فروع أدريان قدامي دخلت اتفرجت على الأنواع ولاقيت ان احسن نوع هو ادريان على الأقل التقفيل بتاعه ممتاز عن الأنواع الأخرى، المهم توكلت على الله و واخترت شكل من شكلين كانوا موجدين عنده وديه صورة العلبة و2 ريموت :
الجهاز عليه ضمان سنة ولو ضاع الريموت هو بيعملك واحد بالرقم الموجود عليه وثمنه 275 شامل التركيب
الجهاز زي ماهو واضح في الصورة فيه خمس وظائف ومنهم فتح الشنطة
والصنيعي بدء الشغل وديه شوية صور لقطتها وهو شغال :
طبعا مناظر تقطع القلب ، العربية اول مرة يتفك فيها مسمار.
بصراحة الراجل كان شغله كويس والى حد كبير كان فاهم بيعمل ايه، وفجاءة قلي فيه مشكلة، خير؟؟، قلي محتاج كتاوات عشان الشنطة تتفتح بالريموت، طيب ياعم مش الشنطة كهربتها موجدة وبتتفتح من جو بالزر الي في التابلوه، قلي لأ انا محتجين عشان الوصلة نوعها مختلف وقلي كلام غير علمي وغير منطقي عشان كده مش فاكر الي قاله بالظبط، طيب بكام ، ب 50 جنيه، ابدت استيائي بس قلتلهم لو ضروري خلاص، وانا متأكد إنها اشتغالة كبيرة، وجاب الكتوات وركبها، وهو شغال لاقيت في علبة الأنذار حاجة شبه الكتوات قلتله وديه مكنتش تنفع ،قلي لأ ديه عشان تفصل الماتور ومحدش بيركبها، وهي 4 سوكت والي بركبها 5 سوكت، المهم انا شوفته بعد كده بيلغي واحدة من الخمس سكوتس ، المهم الموضوع كله من اول ماوصلت لغاية مامشيت اخد حوالي ساعة ، بصراحة قفل كويس وعزل كل الأسلاك، ولم الدنيا بإستخدام الأفيزات، بشكل عام التقفيل كويس على اقل احسن مستوى شفته حتى ألآن، وفاصلت في موضوع الكتاوات وقلتله مش معقول حتة البتاعة الصغيرة ب 50 جنيه المهم راح منزل 25 جنيه ، واديت 20 جنيه للصنيعي عشان حاسس اني هاحتاجه تاني ،يبقى كله 320 جنيه.
وأنا مروح اشتريت شوية حاجات للبيت وبحطها في الشنطة وناسي طبعا أن في الريموت ممكن يفتح الشنطة و بعد ماحطيت الحاجة افتكرت وقلت ياربي مش المفروض الإنذار يشتغل لأني مدستش على زر فتح العربية والغاء الإنذار ، المهم تأكد لي ان الشنطة مش متأمنة وده بالنسبة لي كان من اهم اسباب تركيب الإنذار، المهم كلمة م/احمد إسماعيل وسألته على موضوع الشنطة، فقلي طبعا لازم يعملها هما دايما بيحاولوا يهربوا منها، وعرفت كمان انه معملش امكانية قفل السنتر اتوماتيك بعد اول فرملة بعد تدوير الماتور ،وأن الكتاوات ديه اشتغالة زي ماتوقعت ،المهم اتصلت بيهم في التليفون وهزئتهم وحاول يقنعني ان الشنطة مش ببتأمن المهم قلتله لأ بتتعمل واتعملت عند ادريان الهرم (قصدي على م/احمد اسماعيل راجع موضوعه الخاص بجهاز الإنذار ) وكمان اشتغالة الكتاوات ديه انا هبلعها بمزاجي، قلي خالص تعالى دلوقتي قلتله هاجيلك بكرة وفعلا رحتله تاني يوم وانا متحفز للخناق، ولكن الصنعيي استقبلني وقلتله على الحجتين الي معملهموش، المهم الراجل اعتذر وبدء يشتغل، وحاول يوصل سلك من الشنطة لأحد الأبواب لكن ده تسبب في ان لما الشنطة تكون مفتوحة مؤشر الباب في التابلوه يبان انه مفتوح مع ان الشنطة هي الي مفتوحة، المهم وصل توصيلة لحد قدام بحيث توصل بسلك الزرار المسئول عن فتح الشنطة وكمان وصل دائرة الفرامل بحيث السنتر يقفل بعد تدوير الماتور ومع اول فرملة وجربت على السريع والصنيعي اتأسف تاني واخدت العربية واتكلت على الله، المهم اكتشفت بعد حوالي 5 ايام ان الشنطة لما بفتحها واخلي صباعي شوية على زر فتح الشنطة لمبة البيان في التابلوه تطفي ،غالبا ده اثار جانبية من اثار تركيب الصنيعي ،الموضع مش كبير وانا بشوف مع أحمد إسماعيل اذا كان نفس الموضوع دهب يحصل مع سيارة اخوه ولا لأ.
على فكرة لما قرأت المانيوال لقيت فيه شوية اوبشن حلوة الصنيعي اكيد ميعفرش عنها حاجة زي الغاء خاصية الأهتزاز والغاء الإنذار بالكامل بس لسه مجربتشهمش
الخلاصة :
• متحولش تركب انذار الا للضرورة القصوى نظرا للتدهور احوال الصنيعية في مصر، مفيش حاجة بيركبها صنعيي مصري الا ولازم تضرب حاجة تانية.
• لازم تكون عارف كل امكانيات الأنذار الي هيركب سواء من خبرة سابقة او بقراءة المانيوال قبل التركيب.
• لازم تتفق مع الصنيعي على كل الي هيتم لأن زي ماشفتو لاغى 2 اوبشن من دماغ سيادته ورجع اشتغل وفك تاني.
• مستوى التركيب عند ادريان الى حد كبير كويس بس لازم تاخد بالك من النقط السابقة ولازم تكون واقف على اديه وتحسسوه انك فاهم ومتابع كويس وانك هتظبطه تظبيطه حلوة.
رقم العضوية : 13619
تاريخ التسجيل : 26Jun2008
المشاركات : 2,709
النوع : ذكر
الاقامة : Nasr City
السيارة: Verna 2014 AT
السيارة[2]: Verna 1.6 2007
الحالة :
الف مبروك
وشرح واافى جدا
وبجد منظر الصور يقطع القلب
سبحان الله وبحمده سبحان الله العظيم
لا تظلمن إذا ما كنت مقتدرا --------- فالظلم يرجع عقباه الى الندم
تنام عينك والمظلوم منتبه --------- يدعو عليك وعين الله لم تنم
رقم العضوية : 4616
تاريخ التسجيل : 20Jan2008
المشاركات : 654
النوع : ذكر
الاقامة : Cairo
السيارة: None
السيارة[2]: Renault fluence
دراجة بخارية: None
الحالة :
ده بقى شىء طبيعى فى مصر دلوقتى
فى عربيتى القديمة كنت باركب إنذار فوكس, و برضه الصنايعى لغى كل الأوبشن (ما كانش يعرفها)
لما رحت أستلمها طبعا خليته فك كل حاجة و عملها من تانى زى ما أنا عايز
الراجل كان منبهر جدا من إمكانيات الإنذار مع إنها عادية و فى كل الأجهزة, لكن هوة ما كانش بيقرا الكتالوج أصلا
حاجة تقرف
-----------
م/محمد الدسوقى
ندمان اني اشتريت رينو فلوينس
رقم العضوية : 9524
تاريخ التسجيل : 24Apr2008
المشاركات : 6,381
النوع : ذكر
الاقامة : Cairo
السيارة: Tempra_1996
السيارة[2]: Cerato _2008_Auto
دراجة بخارية: NO
الحالة :
مبروك ياباش مهندس حازم الانذار
معلش هو ده للاسف حال العماله المصرية
الكروته وقلة الضمير وبيتعمل الكلام ده مع الناس الفاهمة
امال الناس الباقية واللى المفروض انها مش طبيعة عملها يعملو ايه ؟!
ولا لازم الواحد يفهم في كل حاجة يعنى علشان محدش يشتغله, ربنا موجود
مبروك مرة تانية والحمد لله انك طلعت من الموضوع باقل الخسائر
Eng.Ahmed Ismail
You Can't Never Ever to Keep a Nice Car in This Country....!!! S.O.S
[sor2]http://www.wasit.net/alrowad/images/hit.gif[/sor2]
كل شيء عن السيراتو
_______________
اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..
اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
______________________
[shfaf2]http://www7.0zz0.com/2011/11/29/23/575740455.gif[/shfaf2]
رقم العضوية : 9419
تاريخ التسجيل : 23Apr2008
المشاركات : 606
النوع : ذكر
الاقامة : Ismailia
السيارة: suzuki maruti 2005
السيارة[2]: Kia Cerato 2008
الحالة :
أولا: مبروك على تركيب الإنذار (اللى المفروض العربية تنزل بيه أساسا)
ثانيا :لما ركبت الإنذار عندى - الصنايعى فصل بين لمبة بيان فتح الشنطة
ولمبة بيان فتح الأبواب فى التابلوه - يعنى لما بفتح الشنطة لمبة بيان فتح الشنطة فقط هى اللى بتنور فى التابلوه ودى حاجة ركبها الصنايعى من عنده ومكنتش موجودة فى علبة الإنذار- هى شبيهة بسلك له طرفان طرف للشنطة وطرف للأبواب وفى نهايته طرف واحد
فحاول تقول للصنايعى اللى ركبلك الإنذار عليها .
لك تحياتى ,,,
رقم العضوية : 11834
تاريخ التسجيل : 29May2008
المشاركات : 672
الاقامة : Nasr City
الحالة :
مبروك يا باشا و موضوع الصنايعيه ده طبيعىىىىىىى ده انا خايف اركب سنتر و انذار فى عربيتى و مكسل علشان جديده و خايف لانى حاسس ممكن يبهدلى العربيه و الاقى الابواب متجرحه و التابلوه حتى لو كنت واقف على دماغه و لو كان نضيف هى مصر خربت من شويه
رقم العضوية : 4157
تاريخ التسجيل : 15Jan2008
المشاركات : 57
الحالة :
رقم العضوية : 4157
تاريخ التسجيل : 15Jan2008
المشاركات : 57
الحالة :
رقم العضوية : 4157
تاريخ التسجيل : 15Jan2008
المشاركات : 57
الحالة :
رقم العضوية : 10089
تاريخ التسجيل : 04May2008
المشاركات : 2,939
النوع : ذكر
الاقامة : أول فيصل ( مصنع الرجال و عرين الأبطال )
السيارة: تغـور من وش منصـور
السيارة[2]: Chevrolet Aveo 2008
دراجة بخارية: Non
الحالة :
معلش نصيحة
الحاجات دي ابقى ركبها عند كلاريون الي فشارع احمد عرابي المهندسين
المفضلات