زيت الموتور و يت الشنبر

**mido01050** · 21-02-2009 08:50 PM

السلام عليكم
أنا لسه جايب عربية لادا 2105 موديل 95 الموتور كويس مبينفخش و لا بيحرق زيت و عايز أغير زيت. أنا استقريت على زيت شل بس مش عارف أجيب المونو x100 و لا أجيب الأحمر , حاجة تانية كمان واحد أعرفه بيقلي حط زيت شنبر على الزيت على أساس انه بيهدي صوت الموتور جدا ( و ده شئ أنا لاحظته في عربيته اللي هي زي عربيتي برده لادا نفس الموديل و هو قلي أن صوتها كان عالى برده قبل ميغير لشل الأحمر و يخلطه بزيت الشنبر) و بيحافظ على الموتور لفترة أكبر
تنصحوني بأي نوع من شل و أحط معاه زيت الشنبر و لا لأ؟
هو أنا لو حطيت زيت الشنبر مرة لازم أحطه بعد كده على طول و لا لو محستش بفرق ممكن الغيار اللي بعده محطوش تاني؟

**samirayad** · 21-02-2009 08:56 PM

طالما كبس الموتور كويس ومفيش نفخ ولا حاجه.....يبقى لاداعى لأستعمال زيت شنبر.................وأنا عن نفسى لا أفضل ذلك.....لأنه ممكن يكون ليه تأثير على آداء دورة التزييت وآداء المحرك طالما المحرك بحاله جيده..........

**tmedhat** · 22-02-2009 05:44 PM

انا بحط زيت الشمبر لعربيتى مع كل غيار زيت

و الموتور عندى ممتاز و العربية عاملة 220 الف

و بستعملة من اكتر من 120 الف كيلو

يعنى من زمااااااان

و لو مامعاييش قلوس بحط الزيت من غير زيت شمبر عادى

لكن مع زيت الاشمبر الموتور بيكون افضل كتير

**H.ibrahim** · 22-02-2009 07:43 PM

هو زيت الشمبر ده نوعه ايه ؟
ولم احب احطه مع الزيت احط اد ايه يعنى ؟
اسف على الاسئلة ولكنى معنديش فكرة عن الموضوع ده واشكركم جدا .

**أشرف فتحى** · 22-02-2009 08:12 PM

المشاركة الأصلية كتبت بواسطة H.ibrahim

هو زيت الشمبر ده نوعه ايه ؟
ولم احب احطه مع الزيت احط اد ايه يعنى ؟
اسف على الاسئلة ولكنى معنديش فكرة عن الموضوع ده واشكركم جدا .

زيت الشمبر ده عباره عن علبه كان زى كان البيبسى بس اطول شويه فيها حوالى 350 ملل زيت يضاف على زيت الموتور عند الغيار ويبقى بحوالى 14 جنيه وده فكرته انه بيزود لزوجه الزيت ويقلل من سرعه احتراقه وبالتالى بيهدى صوت الموتور وبيمنع الدخنه وهو كويس للسيارات القديمه او اللى موتورها خفيف وبيبقى عند بتوع الزيت والبنازين