إيه رأيكم نخلينا عمليين شوية ونحسبها صح؟!

**memobeeh** · 21-02-2009 10:06 PM

أحبائي أصحاب الفورد الكرام..تقبلوا تحياتي
عاوز أقترح عليكم اقتراح ونناقشه سوا واللي يعرف شيء مفيد يخلي للباقيين فيه نصيب أيضا. طبعا أغلبنا بنحط بنزين 95 حرصا على سياراتنا وموتوراتها وطبعا كلنا عارفين ده بيكلف قد إيه. ومن الآخر هل سمعتم عن حكاية تركيب الغاز على الموتورات الانجكشن..وأفتكر اني قريت حد عامل دراسة جدوى على هذا المنتدى وبيشجع على ذلك. فما قولكم شكر الله أفعالكم؟. يا ريت نناقش -اذا تكرمتم- بالعقل والمنطق وليس بالعاطفة والكلام الجهجهوني. وتقبلوا تحياتي.
محمدين (إسم جدي والله)

**ahmad--ezzat** · 21-02-2009 11:01 PM

المشاركة الأصلية كتبت بواسطة memobeeh

أحبائي أصحاب الفورد الكرام..تقبلوا تحياتي
عاوز أقترح عليكم اقتراح ونناقشه سوا واللي يعرف شيء مفيد يخلي للباقيين فيه نصيب أيضا. طبعا أغلبنا بنحط بنزين 95 حرصا على سياراتنا وموتوراتها وطبعا كلنا عارفين ده بيكلف قد إيه. ومن الآخر هل سمعتم عن حكاية تركيب الغاز على الموتورات الانجكشن..وأفتكر اني قريت حد عامل دراسة جدوى على هذا المنتدى وبيشجع على ذلك. فما قولكم شكر الله أفعالكم؟. يا ريت نناقش -اذا تكرمتم- بالعقل والمنطق وليس بالعاطفة والكلام الجهجهوني. وتقبلوا تحياتي.
محمدين (إسم جدي والله)

احترم فكرتك بشدة يااستاذ محمدين
واسمحلى ارد على فكرة حضرتك ولونى مش من ملاك الفورد
اولا اكيد طبعا فكرة انى احول العربية لغاز بدل البنزين فكرة مربحةبكل المقاييس ولا يا بشمهندس مين عندو الشجاعة انو يعمل كدة
انا مثلا عندى فورد 2008 (مثلا فوكس) وعاملة 1000 كيلو صعب اوى اروح اللعب فيها واحولها من بنزين لغاز ودى اسبابى
1- العربية معتقدش اللى هيحولها لغاز هيعملها صح
2- العربية اصلا مصممة ومتعودة على البنزين وياما هقابل مشاكل نتيجة اللعب فى العربية
3-سحب العربية هيكون وحش جدا جدا اة هتوفر وقود بس هتقرفنى
4- خسرت الضمان والتوكيل (دلو عربيتى فى الضمان مثلا)
5-صوت المحرك هيبقى مضحك جدا (المواتير الغاز اعلى فى الصوت)
6- اعتقد التكلفة هتبقى عالية

اعتقد الاسباب دى كافية جدا انها تمنعنى انى اعمل العمليةدى
بالاضافة ان حضرتك بتقول ان الاغلبية بيحطو بنزين 95 ...حضرتك قصدك 92 ..لان اغلبية الفوردات مش بتقبل 90 (بغض النظر عن الاسكورت والفيستا القديم)
فرايى انا لو حضرتك مستغلى البنزين وانا معاك طبعا انو غالى ..احط 92 العربية مش هتقول لا وهتبقى زى الفل ان شاء الله
وبعدين هيا دى البلد وهو دة اقتصاد مصر فلازم للاسف نتعايش مع هذة الامور:K_crying[1]:
وشكرا لفكرتك يا استاذ محمدين

**m_s_h_a** · 22-02-2009 07:31 AM

بنزين 95 دى اولا احسن للعربيه وعمر موتورها وسحبها التكلفه الواحد مش بيحس بيها قوى الا لما بيستعمل السياره زياده شويه ثانيا الغاز هيكون لعب بالنار والنتيجه الله اعلم خاصة مع الفورد

**memobeeh** · 22-02-2009 12:12 PM

أشكركما على الردين السريعين لكن ما أقصده يا باشمهندس أحمد عزت هو البنزين 95 المنصوص عليه في كتالوج السيارة (معي فورد مونديو 1998) وليس 92 أبدا لأن 92 بيخلي العربية مش مضبوطة ورائحة العادم سيئة للغاية أما 95 فيجعلها سلسة ورائعة جدا في السحب والصوت وفي النهاية لا يفرق كثيرا جدا لأنه بيعمل كيلومتر أكثر من 92 (على الأقل معي عن تجربة).
وبخصوص الفكرة المطروحة أذكر أني قرأت دراسة على هذا الموقع عن فكرة تركيب الغاز للسيارات الانجكشن وهو يزيد فقط 500 جنيه عن تركيبه للسيارات العادية (يعني تكلفته في حدود 6000 جنيه) والمهندس الذي أعد الدراسة يشرح بالتفصيل فوائد وعواقب الأمر..وعلى كل نحن نتشاور وكنا نتمنى لو أن أحدنا من محبي المغامرة سبق له وجرب ذلك ليحكي لنا عن تجربة. وتقبلوا جميعا خالص حبي وتحياتي.

**mkassem** · 24-02-2009 05:19 PM

أنا ياجماعة بفكر انى أغير لغاز طبيعى بس انا خايف من لخبطة الموتور وسحبه هو صحيح الغاز موفر جدا" بس نتيجته مش مضمونه وبرضه خايف من مصنعية التغيير تبوظ العربية ز الحاجة التانيه انا خايف ان ده ينزل سعر العربية اكتر ماهو نازل

**memobeeh** · 26-02-2009 05:44 PM

سلام يا إخوة...
وقعت في هذا المنتدى نفسه على موضوع أحسبه واف عن التحويل الى الغاز الطبيعي وعنوانه هو convert cars to NG step by step --- رجاء التكرم بالتعليق على الأمر بعد مطالعة دراسة الأخ المهندس حتى يمكننا جميعا -أو من يرغب- تكوين رأي ربما يكون أقرب الى الصواب.
مع خالص تحياتي.. 3m(محمدين)

**memobeeh** · 26-02-2009 05:48 PM

العنوان ثانية وآسف لعدم ضبطه في المرة الأولى
http://www.nilemotors.net/Nile/showthread.php?t=47732

**memobeeh** · 14-03-2009 10:12 PM

ماذا في الأمر أيها الاخوة الأفاضل...هل كلكم -ربنا يزيدكم جميعا- في غنى عن توفير الكثير من الأموال التي ننفقها في البنزين لدرجة أنه حتى لم يفكر أحد في مجرد مناقشة الفكرة بعد قراءة الموضوع الذي أحسبه وافيا والموجود في الرابط السابق.
رجاء بحث الأمر ولو من أجل أخيكم الغلبان كاتب هذه السطور..ولعل وعسى..من يدري. قد نتصل الى توافق. مع ملاحظة أن الكثير من السيارات الحديثة (حقن الكتروني كامل) لاسيما التي تعمل تاكسي تعمل بدورة غاز طبيعي الى جانب البنزين.
الرجا التكرم باعطاء الموضوع بعض الاهتمام...ولكم خالص الشكر والتقدير.
3m

**aYaBooY** · 15-03-2009 01:23 PM

سيدي الفاضل موضوع الغاز الطبيعي من المواضيع المحيرة و كتير بيفتوا فيه بس الكل اجمع ان الحرق بتاع الغاز داخل الموتور (حامي) اعلى من البنزين و بالتالي
يكون عمر القطع المتعرضة للحرق اقل و عندما يحول اح د الافراد سيارة هيونداي مثلا للغاز مش مشكلة علشان عمرة الهيونداي او تغير الموتور بتاعها بكام
عمرها ما تكون اكتر من 3000 و غير كدة لو الغاز ده كان مضر مثلا باي حساس تفتكر ممكن يكون بكام اما لو اتكلمنا عن الفورد تفتكر لو انت حبيت تغير موتور العربية او تعمله عمرة التكلفة
تكون كام لو كنت مقرطم على الاخر لن تقل عن ال3000 جنيه اذن مينفعش تقول انه في سيارات حديثة شغالة بالغاز معظم العربيات الي شغالة غاز حديثة كموديل و قديمة كتكنولوجيا الموتور مثل الاكسيل و الاكسنت
و الشاهين اما الفورد انت بتتكلم على تكنولوجيا في الموتور ممكن تظهر في عربيات تانية بعد 5 او 6 سنين من نزولها في الفورد وتاني حاجة لو انت عاوز تحول فورد لغاز يبقي انت مش بس محتاج مركز تحويل سيارات
للغاز لا انت محتاج مركز متخصص تحويل فورد للعمل بالغاز و ده انا معرفش ما مدى توفره علشان انا عارف و عن تجربه ان الفورد لازم الي يعمل فيه اي حاجة يكون فاهم للفورد مش بس للعربيات

**shasha850** · 29-10-2009 07:09 AM

ممكن التحويل و بسيط بس رأيي اتمتع بأول خمس سنوات من عمر السياره اما كل مايقبل حرق بنزين قادر على حرق غاز و شغل التركيب كله خارجي جدا لا تعامل مع الموتور من الداخل