عايز اتجوززززززززززززززززززززز زززززززززززز

**ahmed ismail** · 28-08-2007 10:20 PM

سلام عليكم ورحمة الله وبرااكاته

اذيكم يا اهل نايل موتورز الكرام

معلهش العنوان غريب شوية

بس بصراحه انا خلاص حنفجر

فقولت اجى انفجر هنا فى المنتدى

ححكيكم القصة

من الاخر كده انا فى جامعة استغفر الله العظيم يعنى فيها شوية اشكال يعنى اللهم عافينا

كل يوم الواحد بيشوف شوية مناظر تخلى الواحد خلاص على اخره

المهم موضوع الجواز بالنسبة لى كمان مش موضوع جسدى بس

انا اصلا مش متعود اكلم بنات اصلا واخد بالراى اللى بيحرم الاختلاط الا فى الضروريات فانا ملتزم بموضوع انى مكلمش بنات خالص خالص الا فى بعض المواقف النادرة العابرة

فبالتالى عندى حاجه كده تقدروا تقولوا عليها فراغ عاطفى ومش عايز اعمل حاجه تغضب ربنا وفى النفس الوقت بسرح كتير

المهم يعنى الواحد حيلاقى واحده جنبة تبقى زوجته امته لحسن خلاص انا بدات احب المخدات عندى فى البيت :lol:

ادعولى كده يا جماعة ان ربنا يعفنى ويعف شباب المسلمين كلهم

اه فيه حاجه نسيت اقولها يا ريت يا جماعة نتزعم اتجاه او نحاول ننشر ثقافة تقليل تكاليف الزاواج والتشجيع على الزواج المبكر طالما الزوج يملك دخل شهرى ثابت من حر ماله

وفى النهاية يا جماعة مش عارف انا ايه اللى كتبته ده بس انا حاسس انى قاعد فى وسط اخواتى الكبار فقلت اتفضض شوية خصوصا ان معنديش اخوات كبار انا اكبر اخواتى

سلام

**إسلام شاهين** · 28-08-2007 10:24 PM

ياباشا فضفض ولا يهمك .
بس إنت ليه ماجوزتش لغاية دلوقتي ؟
لونقص إمكانيات عليك بالصبر والبحث عن بنت الحلال اللي ترضى بقليلك .

وأنصحك بالصيام .

**Ashraf A.Kader** · 28-08-2007 10:27 PM

ماعتقدش ان المشكلة في الامكانيات0 المهم انت تنوي وربنا حيسهل مش تستني حد ينويلك0توكل علي الله

**ahmed ismail** · 28-08-2007 10:27 PM

ياباشا فضفض ولا يهمك .
بس إنت ليه ماجوزتش لغاية دلوقتي ؟
لونقص إمكانيات عليك بالصبر والبحث عن بنت الحلال اللي ترضى بقليلك .

وأنصحك بالصيام .

لسه طالب فى سنة رابعة صيدلة guc

اتجوز ازاى وانا طالب :x

**Nader** · 28-08-2007 10:37 PM

يبقى صوم وهو رمضان داخل كل سنة وانت طيب :) العب رياضة اخرج مع اصحابك اشغل نفسك في اي حاجة والسلام وربنا يعفك.

**ahmed ismail** · 28-08-2007 10:47 PM

بص يا ابو حميد بما انك لسه طالب و خايف علي نفسك يبقي تشوف انسانه كويسه طالما امكانياتك تسمح و تخطبها و ربنا يسهلك .
لو مستحيل الموضوع دا دلوقتي يبقي غض البصر و الالتزام بالاسلام و ربنا حيحميك و يوفقك.

بصراحه يا حزوووم انا رافض موضوع انى اخطب وانا طالب ديه عشان بالتالى فترة الخطوبة حطول لحد ما اخلص وعموما انا محبش الخطوبة تطول عشان اان فى حاجات كتير الناس المخطوبين بيعملوها انا مش ناوى ان شاء الله اعملها زى اقل حاجه ان احنا نخرج مع بعض او نتكلم مع بعض فى التلفون عشان مش معنى ان خطيبها تبقى تحل لى واى كلام واو شئ من هذا القبيل دون وجود طرف اخر مراقب من بعيد يدخل تحت بند الممنوع شرعيا بالنسبة لى على الاقل بالتالى حشوف الناس اللى خاطبة اللى حواليه بتعمل كل حاجه وانا اقعد سنتين يبقى ملهاش لزمة وربط واحده بنت ناس معايا وخلاص و البيت عننى بقى عادى فحيقلولى كل الشباب بتعمل وبتسوى واشمعنى انت وبتاع فملوش لزمة

المه ادعيلى جامد يا حازم يا خويا عشان اخلص الدراسة على طول ساعتها اخطب براحتى

ادعيلى بعنف بالله عليك :shock:

**ahmed ismail** · 28-08-2007 10:48 PM

يبقى صوم وهو رمضان داخل كل سنة وانت طيب العب رياضة اخرج مع اصحابك اشغل نفسك في اي حاجة والسلام وربنا يعفك.

بصراحه يا عم نادر جربت الصوم مفرقش كتير انا عارف والله ان ده حل وحيد بس مش جايب نتيجة معايا

بحاول اشغل نفسي على قد ما اقدر بس زى ما بقولك الموضوع فى ااساس فراغ عاطفى وليس جسدى ده اللى تاعبنى

**vooooo** · 28-08-2007 10:50 PM

لسه طالب فى سنة رابعة صيدلة guc

اتجوز ازاى وانا طالب

لسه قدامك سنه كمان و هتاخد سنه فى التكليف غير ان الشغل بتاعم ممكن يلهيك شويه عن حياتك العاديه و اهتمماماتك

انا مش بعقدك لكن فى الأخر كل حاجه نصيب و رزق من عند الله سبحانه و تعالى

ليا تعليق على كلامك أنك مش بتختلط مع البنات.. شايف ان ده حرام.
شوف يا دكتور احمد ماينفعش انك ماتختلطش مع البنات لأن فى بعض الأحيان هتلاقى بنت هتحب انك تكلمها و مش هتعرف لأنك مكسوف اى مش عارف و بعدين هتعيش دور المكتئب

انا شايف بما انكوا زمايل فى الجامعه يبقى يبقى عادى ان يبقى فيه تعارف بين الولد و البين مادام فى حدود الأدب
ممكن كلامى مايعجبش بعض الأخوه الأعضاء
لكن بقول الكلام ده علشان فيه ناس بعد الجواز بيفتحوا على البحرى .. يسيبوا الوليه قاعده فى البيت و يصيعوا بره

و عليك بالصبر لحد لما تلاقى بنت الحلام صاحبه النصيب
و انت قولت اتجوز ازاى و انا طالب يعنى بترد على نفسك
و ماتقلقش
لكل مجتهد نصيب