اليوم كانت نهايه رالى كاس مصر
وفازت اسبرنزا تيجو بالمركز الخامس فى فئى الـ T2
وسأوافيكم بكل الفيديو والصور بس انا لسة راجع من الصحراء وعايز انام بكرة ان شاء الله
سلام
نقل لمنتدى الاسبيرانزا بمعرفتى
مشرف القسم العام
عرض للطباعة
اليوم كانت نهايه رالى كاس مصر
وفازت اسبرنزا تيجو بالمركز الخامس فى فئى الـ T2
وسأوافيكم بكل الفيديو والصور بس انا لسة راجع من الصحراء وعايز انام بكرة ان شاء الله
سلام
نقل لمنتدى الاسبيرانزا بمعرفتى
مشرف القسم العام
حمد الله عى السلامه منتظرين الصور
مش اسبرنزة دية صينى فى الصحراء غريبة
مستنين منك التقرير يا باشا وحمد لله علي سلامتك
مستنين على احر من الجمر
حمدا الله ع سلامتك
ان شاء الله لما ارجع النهاردة هاحاول احط لكم اكبر قدر ممكن من الصور والفيديو علشان تستمتعوا باللى انا استمتعت بيه
على فكرة اسبرنزا تيجو دى مش صينى دى مصرى يا جماعه بتاعه ابو الفتوح ابهرت كل اللى فى الرالى وكفاية اقلكم انها اخدت مركز خامس ونادر الخياط مركز سادس
بيتهيألى كده كفاية صح
ياريت نشوف صور ليها وهى فى الصحراء
الف مبرررروك
و عاوزين الصور والفيديو
والاهم مواصفات العربيه
شكرا ع الخبر
ومستنين الصور
يا جماعه انا باحاول من امبارح ارفع الصور والفيديو لكن مش عارف
حمدا لله على السلامة
ياريت تقوللنا مدى قوة السباق (ماعنديش أي خلفية عنه) و مركز خامس من كام مشارك واي تفاصيل توضح لواحد خام زي حالاتي ايه مدى قوة العربية. (اخويا بيفكر فيها وبيسألنى)
المركز الخامس على فئة الـ T2 اى السيارات الغير معدلة يعنى عربيى تدخل الرالى بلا اى تعديل سوى تركيب قفص حماية داخلى فقط
الخامس من 18 فريق شاركوا فى السباق
3 فئة الـ T1 السيارات المسموح بالتعديل فيها
7 فئة الـ T2 السيارات الغير مسموح بالتعديل فيها
8 فئة الريد العربات الحرة
التيجوا قوية قوية قوية بدرجة ازهلت كل المشاركين فى الرالى
ومش ممكن انسى ابدا جملة عم الراليهات فى مصر كبير الراليهات عزام الفاروقى لما سلم على على خط النهاية وقال بالحرف مبروك انا ما كنتش متوقع انها تكمل الرالى ابدا بس واضح انها عربية جامده
احنا حطينا الصور على الفيس بوك لانى مش عارف احطها اهنا اوكى يا ولاد
اه على فكرة بأمانه الله كل اللى اتغير اثناء الرالى ردياتير فقط لان حصل اصطدام فى جبل رملى فالردياتير اتخرم فغيرناه
لكن اقسم بالله العربية ما غيرنا فيها اى شىء سوى الرادياتير فقط ورجعين باستوك قطع الغيار كله كامل بالتمام والكمال ولا حتى فردة كاوتش انخرم ولا فرقعت من الهبد اللى اتهبدته فى الغرود والجبال والمناطق الصخرية طوالى الرالى كله بالست مراحل بتوعه مش عايز اقولكم ان احنا عدينا عى قضبان سكة حديد كام مرة
انتم متخيلين يعنى ايه بتعدوا جبال وقضبان سكة حديد
على العموم ربنا ما ضيعش تعبنا ابدا والحمد لله عدينا بيها وجبنا مركز مش بطال ابدا
اه نسيت اقول لكم ان التيجوا اول مرة تدخل رالى فى العالم مش فى مصر بس
وانتظرونا فى رالى فيونوى فى ابريل ان شاء الله
يا جماعة فين الصور أو الفيديو أو حتى رابط الفيس بوك
ألف شكر على الصور بس أصلاً مفيش ولا صورة للتيجو فالموضوع كلو ملامحتهاش حتى معدية في ولا صورة.... ولا إيه ؟؟؟
للأسف مفيش أي صور للتيجو خالص
لو أنت عندك صور ليها جرب ترفعها على الموقع ده http://imageshack.us وحط اللينكات بتاعتها في أيقون اسمها ادخال صورة أو هات اللينكات وحطها في الرد على طول واحنا نبقى نشوفهم
دى بعض الصور للتيجو فى الرالى من على الفيس بوك:
http://photos-a.ak.fbcdn.net/photos-...56352_8528.jpg
http://photos-f.ak.fbcdn.net/photos-...56437_6640.jpg
http://photos-b.ak.fbcdn.net/photos-...56665_6804.jpg
http://photos-a.ak.fbcdn.net/photos-...656672_180.jpg
http://photos-g.ak.fbcdn.net/photos-...56678_2944.jpg
http://photos-d.ak.fbcdn.net/photos-...92475_1086.jpg
http://photos-d.ak.fbcdn.net/photos-...57179_3670.jpg
http://photos-a.pe.facebook.com/phot...974800_617.jpg
http://photos-g.ll.facebook.com/phot...5974798_53.jpg
http://photos-a.ll.facebook.com/phot...74440_5593.jpg
http://photos-d.pe.facebook.com/phot...74819_5533.jpg
http://photos-e.pe.facebook.com/phot...74820_5835.jpg
http://photos-a.pe.facebook.com/phot...74824_6750.jpg
http://photos-g.pe.facebook.com/phot...974838_180.jpg
بسم الله ما شاء الله
يعنى العربيه دى زى اللى بتتباع فى السوق !!! بنفس الماتور و العفشه
ولا ماتور اكبر؟
مرسى جدا انكم جبتم الصور هنا
العربية زى اللى بتتباع فى السوق بالضبط اطمئن
أولاً ألف ألف مليون شكر على الصور
بس طب و دي أنهي فئة بقى ال-4X2 Manual ولا 4X2 ستيب ترونيك ولا 4X4 Manual أعتقد انها ال-4X2 Manual عشان مفيهاش فتحت سقف
شكراً
باشا على فكرة انا شفتك من حوالى اسبوعين او تلاتة ف المنطقة الصناعية - 6 اكتوبر - جنب مصنع نيسان - و لفت نظرى جدا القفص الحديد اللى جوه العربية و حكيت عن عربيتك لوالدى و قلتله انا شفت تيجو غريبة جدا بس ما شاء الله العربية تحفة .
ايوه فعلا انا كنت هناك كنت فى طريقى للمصنع
والقفص الحديد ده من شروط الرالى امان يعنى للسائق والملاح
ربنا يخليك هى فعلا عربية جميلة جدا وكانت لفته انتباه كل اللى فى الرالى
وكلهم بلا استثناء كانوا بيتريقوا عليها جامد
بس انا سكت وقلت لهم نتقابل على خط النهاية ردوا عليا كلهم نهاية ايه بس تكمل مرحلة وبعدين فكر فى خط النهاية
بس الحمد لله ربنا ما خيبش ظنى ولا تعب 30 يوم تجهيز وتدريب وخدنا المركز الرابع بجدار فى اول مرة فى العالم تدخل التيجوا رالى فيها بدون اى تعديلات سوى القفص الحديدى اللى انت شوفته وسط دبابات مغيرة ومعدلة كل حاجة
اه نسيت ارد على السؤال
دى عربية تيجو 4فى 4 مانيوال بس احنا قفلنا السقف علشان ممنوع فى الرالى يعنى لحمنا صاج بدل الفتحة وهنا السقف دى شروط الرالى
هى هى العربية اللى بتتباع فى السوق ب 115 الف الدفع الرباعى
انا بالم كل الصور الفيديوا وهاحطهم لكم كلهم على الفيس بوك بس استنوا عليا ليوم الجمعه علشان مشغول اوى فى التحضير للرالى اللى جى
اوكى يا شباب
فين على ال-facebook طيب أنا مش لاقي أي group ولا حاجة أرجوكم فين الرابط بتاع ال-facebook ده :D
ضمنى ليك وانت تشوف كل حاجه
اسمى على الفيس بوك
nasser zakaria yossef
ربنا يخليكم
انتظرونا فى الرالى القادم ان شء الله
انا اسف على مداخلتى الرخمة بس فعلا انا مش مقتنع بيها خالص لييية
جميل انها تفوز فى الرالى و هى بحالتها الاصلية و دة مش معناه انها جميلة
انا اسف عشان بقول كدة بس العربية فازت من كتر ماهى خفيفة وزنا يعنى حاتط متور على شاسية و بتسابق بية و تقريبا وزن بقية العربية لايزكر و دى بقا الميزة الى خلتك تفوز بيها و دة على ما اظن انا مش مهندس بس انا لما شوفتها من اول انطباع ليها انها عربية لعبة بحيث كل حاجة فيها رديئة الخامة و ياريت رديئة بس لا و ضعيفة جدا يعنى مثلا تقدر تقولى المقبض الى ف السقف الى المفروض الواحد يمسكة ما تكون العربية بتتهز اول متمسكة يتنى ف ايدك و كانة هيكسر ..
المهم الفوز دة ممكن تنسبة للموتور و العفشة
انما بردو دة مش دليل على ان العربية هتستحمل شوارع المحروسة مدة كبيرة و متنساش ان اصلا العربية جديدة و كل حاجة فيها جديدة مظنش متوقع منها ان فيها حاجة تبوظ او تضرب
بس فعلا انك تعدى الرالى بدون تغيير حاجة فى العفشة او المتور على عربية صينى اظن دة انجاز ...
اسف لمداخلتى الرزلة
مع العلم انى من محبى الاسبرانزا ال516 ...
ربنا يوفقك ..
أنا هأسألك سؤال واحد بس
أنت جربتها؟
ما أعتقدش
أنت عمال تحكى حكايات مش موجودة فى الحقيقة
لو عايز تجربها قولى وانا اجيب لك عربيتى تجربها وهى 4x4 على فكرة
اشكرك
فى مقال بالاهرام للسيارات عن الموضوع دة بتاريخ 27\2
مع الشكر
سؤال هام جدا
1. هل فتيس الأتوماتيك ستيبترونك ولا أتوماتيك عادى ؟
2. متوسط استهلاك البنزين كام ؟؟
مانيول
متوسط استهلاك البنزين من 200 الى 250 كيلو متر فى الصفيحة
لو تسمحلى ليه 4 اسئله عن تجربتك فى استخدام التيجو فى الرالى
1 - كنت شايف فى صوره من الصور الى انت منزلها كان العجلتين الاماميتين مفكوكين بالعفشه القدمانيه ايه العيب الى استدعا فكهم
2- اقصا سرعه وصلت بيها العربيه معاك واحساسك بتماسك العربيه ايه
3- ايه رايك فيها فى المنعطفات وبتقارنها باى موديل عربيه سوقتها
4- قطع غيار المستهلكه فى العربيه وسعرها ويارت تقارنها باسعار نفس قطع الغيار عربيه كنت مستخدمها
سوالى الاخير
مشاركتك فى الرالى الجاى امتا وهل فيه قنوات بتغطى الحدث ومواعيد اذاعتها
وشكرا ليك
م / اسلام
على فكرة يا جماعه انا معايا تيجو مانيول 2*4 وهيا عربية جميلة فعلا صحيح مدخلتش بيها سباق قبل كده بس فعلا تستاهل وموضوع انها خفيفة على الموتور ده مش حقيقى المهندرا سكوربيو نفس الوزن تقريبا ونفس سعه الموتور من الداخل اتيجو افضل بكتير من توزيع المساحة والتجهيزات مع ان التانية اغلا بحوالى 30000 جنيه
فعلا لازم تجربها عشان تحس بيها مننساش ان العربيات ان فئة السباق للعربيات بحالتها الاصلية يعني لو خدنا الشيروكى بحلتها الاصلية او الباجيرو وبرده دى فازت عليهم ده شي جميل
وزي ما قلت انا معايا تيجو وهيا مستحملة شوارع المحروسة ومش هتكون الشوارع اصعب من الرالي الصحراوى