فكرة جت علي بالي اننا نعمل حملة للسواقة بروقان الواحد شايف حملة ضد شرا العربيات وحملة مقاطعة وحملة ضد اسرائيل وحملة حتي ضد تامر حسني وكله ضد بعضه فجة فبالي اننا نعمل حملة للسواقة بروقان واعتقد دة هيبقاله اثر كويس مش في مودنا بس وحالتنا المزاجية واحنا بنسوق بس لكن هيبقاله تئثير في حياتنا بدل موقت السواقة بيبقي وقت رخم وشايلين فيه الهم ومقضيينه شتيمة في اللي بيغلطو في السواقة وبنرجع دمنا محروق ودة بيئثر علينا سلبا في بقيت اليوم ويمكن يئثر حتي في سواقتنا ويمكن يدفعنا للاخطاء في الطريق وربما يسبب حوادث فياريت كلنا نحاول نخلي وقت السواقة دة وقت راحة وهدوء وعدم حرق في الاعصاب انا مبقولش ان لازم كلنا اول مننزل نقوم مشغلين فيروز وقافلين الازاز وعايشين حياتنا زي مانا بعمل بس يعني في شوية حجات ممكن بردو تؤدي لروقان البال في السواقة يعني الواحد ميعصبش او يحرق دمه علي اي سببب يعني لو ماشي وفي واحد قدامك بارد حبة وماشي بطيء فمتحرقش دمك اوي وتقعد تدوس ديييييد ديييييد في اجراس لحد ميجيلك انت صداع وتوتر في الاعصاب مش هتفرق اوي تمشي علي سرعة تمانين او ستين يعني هوة فرق دقايق بسيطة مالواحد ياما بيضيع دقايق ولو ماشي في طريق ومستعجل حبة بردو حاول تحافظ علي سرعتك وتمشي في حارتك ومش لازم الغورز والجري اللي مش بس بيخض اللي جمبك ويخليهم مقللق وتينشان بسبب المناورات اللي بتعملها دة غير ان دة طبعا خطر والالتزام بالحارة بتاعتك او اتجاه سيرك يعني هوة افضل حاجة ونحاول ديما ناخد كل حاجة من منظورها الكويس مش السيء يعني لبس الحزام عشان نحافظ علي حياتنا مش نقول الحكومة بتتلككلنا ومتفكرش ديما ان في حد متربصلك من المورور او عايزين يمسكولك غلطاط بس ديما اعمل بمقولة امشي عدل يحتار عدوك فيك واعمل كل حاجة صح لمصلحتك انت مش خوفا من العقوبات وساعتها لو فعلا حد غلس عليك بردو راحة لاعصابك وافضل انك تسيبه منه لربنا واكيد حتي اي ظلم عليك هتستفاد بيه انت لو مش في الدنيا هيبقي في الاخرة ودة اكيد الاهم ونحاول ديما نحط نفسنا مكان اللي بيسوق يعني لو حد لسة غشيم سواقة وقام كاسر كسرة غلط افتكر نفسك لما غلط زمان اول ماتعلمت سواقة وكنت تتمني اكيد ان اللي غلط فيه وسببتله ضرر انه يكون شخص متسامح وحاول تبقي متسامح انا مش بدعو للسلبية او الاستسلام او البرود بس دي دعوة لراحة الاعصاب وروقان البال لانننا من زمااااان واحنا بنجررب حرقة الدم ومافادتناش في حاجة فنحاول بقي نجرب روقان البال ونشوف يمكن يكون افضل وشكرا
المفضلات