حادث غريب للياريس , و الاتهام موجه لعيب بالصيانة

**Samir Elshahawy** · 22-02-2009 01:34 AM

السادة أعضاء نايل موتورز الكرام..

في حادث غريب لأحدي سيارات الشركة و هي من طراز "ياريس 2008 - اوتوماتيك" , تشير التحقيقات الأولية الي عيب خطير حدث أو أهمال تم أثناء عملية الصيانة الأخيرة , حيث كادت أحدي السيارات المؤجرة من قبل الشركة التي أعمل بها و هي من طراز (ياريس 2008) أن تنقلب أثناء سفر أحد مهندسي الشركة بها علي طريق (المنصورة/دمياط) لولا العناية الألهية التي انقذت المهندس و السيارة من حادث مروع أدي ألي أصطدام السيارة ببرادورة الطريق مما نتج عنه تلفيات بالاكصطدام و الجنوط جهة اليسار

و بالكشف تبين أن مسامير رباط الأطارات (الاربع أطارات) كانت محلولة مما ادي الي أختلال توازن السيارة و أصطدامها بجانب الطريق و قد تلافي قائد السيارة الاصطدام بسيارة نقل بمقطورة كانت تسير علي يمينه

التحقيق المبدئي بالشركة يشير أن السيارة كانت في الصيانة التي تمت بمعرفة الشركة المؤجرة و التي تتعامل مع أحد فروع التوكيل , و جاري أستكمال التحقيق الذي تم تكليفي للقيام به

وربنا يسترها معانا جميعا و يكفينا شر الطريق

**magyver** · 22-02-2009 01:44 AM

ازااااي يعني المسامسر كاانت مفكوكة ولو مفكوكة كانت زمانها باانت
اول ماطلع بالعربية
صح ولا لا وربنا يسترها معانا جميعاااا

ياااااااارب

**Samir Elshahawy** · 22-02-2009 01:59 AM

المشاركة الأصلية كتبت بواسطة magyver

ازااااي يعني المسامسر كاانت مفكوكة ولو مفكوكة كانت زمانها باانت
اول ماطلع بالعربية
صح ولا لا وربنا يسترها معانا جميعاااا

ياااااااارب

كانت مفكوكة وقت الحادثة

لكن أنا أعتقد انها ماكانتش مربوطة كويس أو مش مربوطة صح و بدأت تحل علي الطريق الي أن حدث ماحدث

**nabaster** · 22-02-2009 05:25 AM

المشاركة الأصلية كتبت بواسطة SE_coralsea

كانت مفكوكة وقت الحادثة

لكن أنا أعتقد انها ماكانتش مربوطة كويس أو مش مربوطة صح و بدأت تحل علي الطريق الي أن حدث ماحدث

لو الفرده محلوله ومش مربوطه كويس وانتا طالع هتسمع صوت خبط جامد تحت في العفشه

**nomercy22** · 22-02-2009 10:39 AM

الحمد للة وربنا ستر

**memoo_1st** · 22-02-2009 10:51 AM

لو التحقيق اثبت فعلا ان العيب دا من الصيانة وانها مكنتش مربوطة كويس يبقى فعلا دا اهمال جسيم وعيب كبير قوي في حق تويوتا ايجبت .
والحمد لله ان المهندس زميلك محصلوش حاجة وربنا يسترها علينا جميعا يارب .

**momenhamdy** · 22-02-2009 11:07 AM

اولاً الف حمد لله علي سلامه الباشمهندس زميل حضرتك
ثانياً ممكن العجله فعلاً كانت مفكوكة لأي غرض في التوكيل بمعني غرض الكشف علي التيل او ما شابه ذلك وبعدين ركب العجله و حط المسامير بتاعتها من غير ميربط كويس ( شبط المسامير فقط )
بس انا مفتكرش ان الموضوع حيعدي علي تويوتا ايجيبت و بعدين يا جماعة للاسف مصر مهما وصل فيها جوده الشئ لازم تلاقي برده نسبه عدم وعي من الاخرين
والحمد لله علي كل شئ و قدر الله ما شاء فعل ...

**tamohsen** · 22-02-2009 03:14 PM

يهمنا برده نعرف مين المركز اللي الشركه بتعمل عنده الصيانه؟

**zeyad1810** · 23-02-2009 03:41 AM

الحمد للة انها جت على كدة
دة اهمال ممكن يخلى ناس تموت
بس بردة المفروض اى حد بيعمل صيانة والكاوتش عندة يتفك لازم يراجع على رباط المسامير بنفسة انا دايما بعمل كدة

-

الموضوع: حادث غريب للياريس , و الاتهام موجه لعيب بالصيانة

LinkBack

أدوات الموضوع

عرض

حادث غريب للياريس , و الاتهام موجه لعيب بالصيانة - انشر الموضوع فى :

-

-

-

-

-

المواضيع المتشابهه

حادث غريب ...!!!

حادث غريب جداً !

حادث سرقة غريب جدااا !!

شفت حادث غريب انهرده لل 127

عملاق كروي.....لعيب والله لعيب

الكلمات الدلالية لهذا الموضوع

المفضلات

المفضلات

ضوابط المشاركة