اسعار السيارات هتنزل ولا هتطلع....

**sherifahmed** · 24-02-2009 01:55 PM

يوم ما هتنزل كبيرها 2000 او 3000 مش اكتر

يا راجل يا طيب الاسترا لسا نازله 10000 بحالهم

ومن المؤكد بعد تصريف المخزون الموجود بالسوق سوف تزيد الأسعار لزيادة الطلب وانخفاض المعروض

لن يزيد الطلب عشان 3 حاجات
اول حاجة الناس مش معاها فلوس كاش
تانى حاجة اللى معاه كاش نايم عليه و بيصرف فى الضرورى اوى عشان ممكن مثلا الشركات تمشى موظفين او اللى عنده عمل خاص ممكن يقفل عشان الطلب على السلع و الخدمات قل فى العالم كله
تالت حاجة البنوك وقفت او هاتوقف القروض او هاتخليها بشروط صعبة جدا عشان تتفادى الافلاس و 75% من اللى كانوا شاريين عربيات السنة اللى فاتت كانت كدة

**sherifahmed** · 24-02-2009 02:15 PM

انا معايا تيدا 2009( اما ابتديت افكر اشتريها كان فى شهر نوفمبر 2008 وفضلت مستنى لغاية شهر يناير 2009 ومنزلتش ) الى ان قررت شرائها وحتى الان ونحن مقبلين على شهر مارس لم ينزل سعرها حتى الان واما جيت اشتريها الراجل نزللى فيها 3000 بالعافية كفصال مش اكتر

حضرتك انا شارى الاسترا 2007 و الراجل مارضاش ينزل فيها جنيه واحد و بعدين التيدا بلزات ماتنفعش كمثال قوللى ليه؟ هاقولك

نيسان بشكل عام باطلت تبيع جامد فى مصر و السبب مصنع نيسان اللى فى مصر و انت عارف المصريين و فكرة made in japan و الناس لما تيجى تفكر فى عربية بيفكروا فى تويتا و بعديها متسوبيشى و بعدين هيونداى ومحديش بيجيب سيرة السوبارو و التيدا
انا كل يوم من المعادى لمصر الجديدة و خلال الاسبوع اللى فات شوفت التيدا مرة واحدة بس
وفى عز الارتفاع الرهيب فى اسعار العربيات السنتين اللى فاته كانت التيدا الهاتش اللى سعرها نزل من 125000 اللى 119000