الموضوع: نصر شاهين

ال 132 ال gls احسن من ال 132 ال 2000
البيجو 504 موديل 79 احسن من موديل 80 و 81 و 82 و 83
و ال504 احلي من ال 505 بكتيييييييييييييييير
الفيكترا ال 1600 احسن من ال 2000 بمراحل!
ال 128 ال gls احسن من ال 128 النوفا 100 مره.
الفيكترا الشكل القديم احلي من الشكل الجديد......
ال 131 موديلات السبعينات احسن من الشاهين الجديده التركي دي....
يا تري سمعت حاجه من الكلام دا قبل كده؟؟؟؟؟؟
اكيد سمعت و دا معناه ان الشعب المصري هو كده ما بيحبش يغير و بيحب القديم عن الجديد.
اتكل علي الله و هات الشاهين زيرو عربيه قيمتها دهب بجد و مافيش مشاكل في الشاسيه ولا في اي حاجه عربيه زي الفل و تنحت في الصخر كمان و الانجكشن بتاعها لا في مشاكل ولا الكلام دا.

منصحكش بالشاهين الجديد خالص

بدل ما تشترى شاهين زود شوية على المبلغ وهات فيرنا او لانوس احسن

هو مش هيزود حاجة أساسا ده يمكن يبقي فيه فرق لو جاب لانوس أو فيرنا هاف أوبشن

1000 شكر يا جماعة على الردود وانا مع الاستاذ حازم فى حكاية ان فى مصر دايما بيفضلوا القديم مش عارف ليه ممكن بيكونوا بيبصوا على التوفير على حساب الاداء طبعا مش كل الناس وشكرا مرة تانية :D

1000 شكر يا جماعة على الردود وانا مع الاستاذ حازم فى حكاية ان فى مصر دايما بيفضلوا القديم مش عارف ليه ممكن بيكونوا بيبصوا على التوفير على حساب الاداء طبعا مش كل الناس وشكرا مرة تانية

العفو يا استاذ احمد بس احنا المصريين عندنا حب للقديم و عشره يعني كان عندي 132 زمان زعلت عليها جداا يوم ما اتبعات و كنت بقول م حركب حاجه غيرها في حياتي و لحد انهارده كل ما بشوف 132 بحس بحنين جامد اوي ناحيتها

أنا معايا شاهين 1600 جايبها عالزيرو موديل 2006 و عاملة 30 ألف كلم و زى الفل و معملتش فيها أى حاجة غير الصيانة الدورية و العربية صاروخ و قوية جدا رأيى اتكل على الله و هاتلك شاهين. واحد صاحبى عنده فيرنا و عامله معاه مشاكل كتير نصيحتى شاهين 1600 هى رقم واحد.