استشارة فى صيانة النيو اكسنت

**BooDElGn** · 22-02-2009 01:22 PM

السلام عليكم يا أعضاء المنتدى الكرام
كنت عايز استشيركم فى حاجة انا دلوقتى عندى عربية نيو اكسنت 2008 داخلة على 5000 كيلو و انا شاريها من سبعة شهور تقريبا و كانت عاملة حادثة فى الربع الورا يمين من تلاتة شهور و الحمدلله دلوقتى اضبطت بس انا عملتها برة التوكيل ما علينا دلوقتى سؤالى انا اروح صيانة 5000 الاف ولا اروح عند 5000 الاف اغير زيت و فلتر فى البنزينة و خلاص ايه رايكم انيه افضل مع العلم انى استعمالى للسيارة مش كتير ولا المشواير بيها لمسافات طويلة الا فى اوقات قليلة بس فيترى اتابع مع التوكيل فى الصيانات ولا ابقى اغير زيت و فلتر برة و خلاص و لو هعملها برة اعملها فين بالضبط نظرا لان انا فى الاسكندرية بس و انا كمان معرفش صناعية هنا فى الاسكندرية فعلشان كده كنت مفضل التوكيل فايه رأيكم و اسف على الإطالة و جزاكم الله ألف خير

**EslaM_NagY** · 22-02-2009 01:33 PM

لو عملتها برة الضمان حيضيع عليك.
والتوكيل حيكشفلك على العربية بالكمبيوتر عشان لو فيها حاجة يظبطها.

**Eng_yahia_ali** · 22-02-2009 02:18 PM

5000 الف كيلوا في 7 شهر استهلاك قليل
يبقي خليك في التوكيل عشان كده هتروح مرتين بس في السنه ومش هتحس بيهم واضمن من غيرهم

**حماده المصري** · 22-02-2009 05:06 PM

خليك بين البينين وانت استعمالك خفيف ولا هتفرق توكيل من ميكانيكي
روح مركز معتمد هتبقى اسعاره كويسه

عشان التوكيل كان بيهسهس الفتره الي فاتت وعامل صيانه تدفع فيها وصيانه مجانيه ف طبعا مغلي سعر الصيانه الي هتدفع فيها
والله اعلم ممكن يكون اتلغى العرض ده

عامه كده كده في ال 5 الف بيغغيروا زيت وفلتر والصيانه العاديه تربيط والكلام ده وعربيتك مش محتاجه

يامركز معتمد يا اما محطه بنزين عادي
بس هات الفلتر من منفذ بيع للتوكيل