فيرنا 2009 وأسئلة للفرناوية

معلش كنت غايب عن النتدى شوية لظروف خارجة عن ارادتى .. تحياتى لكل الزملاء الاعضاء و مشرفين المنتدى ...

الحمد لله اشتريت عربية فيرنا 2009 كاملة مانيوال و ذلك قبل التخفيضات بيومين فقط !! ... ما علينا ..

بعد ما رخصت بحوالى الف ومائة جنيه و امنت بحوالة تلاتة ...

العربية عاملة معايا لحد اليوم حوالى 605 كم فى عشرة ايام , و خلال الفترة دى الحمد لله مافيش عيوب ظهرت الا ما كان عندى فكرة عنه أصلاً :

1- الثبات مش قوى فى الملفات عند الخمسين كم فى الساعه ( ماعدتش ال 90 كم فى الساعه فى الطوالى عشان التليين , ف مقدرش احكم عليه , بس انطباعى ان العلربية خفيفة وهى فاضية , اقصد مفيهاش غيرى :-))).

2- رحت مشوار و حمولة السيارة أربعة افراد بدون امتعه , مفيش مطب بلا استثناء الا و بطن العربية يحك و يحرق دمى !!

3- أيقنت ان البلد دى لا يصلح فيها غير السيارة الاوتوماتيك وهى ملحوظة بعيدة عن السيارة و لكنها نصيحة لاى مقبل على شراء سيارة.
عدا ذلك أداء العربية مرضى ليا ( حتى الان ) ومفيش تعليقات لكن توجد أسئلة للاخوة الفرناوية الاعزاء :

1-أكتشفت ان انذار العربية ضد المفاتيح المقلدة فقط اى بدون استخدام ريموت المفتاح للسنتر لوك , والسؤال هو هل يمكن فى صيانة الالف بركبولى سينسور انذار ضد السرقة و القعاد على العربية بما انها مصطبة فى الشارع !
ولا اشترى واحد و اديهلهم يركبوه ؟ و فى الحالة دى ترشحولى ايه نوعه و بكام و اجيبه منين ؟

2- فى يوم التراب اللى فات عملت ناصح وقفلت الزجاج و فتحت مروحه التكييف من غير تبريد , لقيت العربية اتمات تراب برده , فاكتشفت عدم وجود فلتر , والسؤال هو :
ممكن اطلبه منهم برده فى صيانة الالف و لا بيتباع رره و بكام ؟

3- طبعاً استلمت العربية لمبة البنزين منورة و بتشحط , يا ريت حد يدلنى هى أول ما بتنور بيكون فيه اد ايه باقى فى التنك بالتقريب ..

4- استهلاك البنزين ما قولقوش عليه , ايه ده وحش استهلاك ..
تقريباً معدل الاستهلاك حوالى 200 كم للصفيحه , هل هوه ده العادى ولا ممكن يتحسن و هايعمل ايه مع التكييف ؟

5- فى صيانة الالف نصحونى انى اجيب زيت موبيل 5000 من عند التوكيل على طول , حد عنده تعليق ؟ هوه بيفرق فى التمن و هل بيغيرو الفلتر و لا لأ ؟

6- أحجز بالتليفون فبلها بأد ايه و هل فيه مشكلة انى اعدى الالف كيلو لما اروحلهم ؟ هل يوم الجمعه زحمة و لا احسن اشوف يوم السبت ؟

شكراً لكم جميعاً و عقبال عند اللى لسه ما جبش عربية..

أخوكم / وليد .

مبروك يا برنس
و ربنا يباركلك فيها
و معلش في مقلب السعر :)
ربنا يعوض عليك
نيجي للاسئله
1- بص هي العربيه خفيفه بس الي مزودها الجنط و الكاوتش الرفيع نصيحه بجمله المصاريف بيع الكوتش وهو جديد علشان يجيب تمن كويس و غير بكاوتش كومهو و جتط 14 عرييض هتحس بقرف كبييييير و لو مش كده شويه و تتعود عليها
2- علبه الشكمان كبيره زياده تعود عليها و ان كان سمعت انه ممكن استبدالها بعلبه الفيفا و انسي موضوع الحك بعديها
بس ده مجرد سماع مش متاكد
3- من قال لااعلم فقد افتي في موضوع الانذار انا اصلي جايبها هاف اوبشن فالانذار الي مش عاجبك ده مش عندي اساسا هههههههههه
4- مفيش فلتر تكييف في الفيرنا علشان كده استخدمه الدائره المغلقه افضل دائما
5- بيبيقي فيه 5 لتر يعني ادامك 50 كيلو تقريبا
6- الاستهلاك هيتجسن جدا بعد صيانه الالف متقلقش
بص العربيه دي بتنزل و تاخدها حاجه و بعد صيانه الالف حاجه تانيه اهدي عليها هي لسه في التليين متقيمهاش الان انا وصلت ل 10 الاف كيلو اهه الحمد لله و كل شويه احس الحمد لله بتحسن فيها
7 هيونداي توصي بشل و بيستخدموه في التوكيل
و مش هيفرق اوي في التمن
8 تجز بمده كافهي علشان تضمن تختار معاد حلو

اي خدمه و يارب اكون افدتك

شل احسن من موبيل

شكراً جزيلاً يا أ/ نايل

الله يبارك فيك يا باشا
- أفهم منك ان معدل استهلاكها العادى 10 كم لكل لتر , مم !! مقلب !!
و طبعاً بيزيد مع استعمال التكييف ... :-(

- موضوع الجنوط مش هاقدر عليه دلوقتى , البند لا يسمح بتاتاً , أنا أصلاً سالف فلوس التأمين ...
فمعلش هأسأل على حاجة مرتبطة .. بلاش تزهق من أخوك .. :-)

- سمعت ان ممكن نعالج حكاية حك المطبات باننا نركب جوز كاوتش فوق المساعدين الخلفيين علشان المساعد ماينضغتش للاخر ؟
صحيح الكلام ده ؟ وهل يؤثر بالسلب على الاتزان أو العفشة و لا ايه ؟
و هل ممكن يعملوه فى التوكيل ؟
معلش أصل الموضوع عاملى هسهس .. :-)

- وكمان عايز أسال عن الفرامل , أنا حاسس انها خفيفة جداً و خصوصاً الخلفية على المور , يعنى لما الجير مايكونش واخد غيار ؟
ليها حل الحكاية دى ؟ رجلشة مثلاً ؟؟

وشكراً ليك مقدماً و لكل الأخوة , على اعتبار ان التوبك ده هايكون مجمع لمجموعه أسئلة مشهورة , بدل ما الواحد يقعد يدور فى سبعتاشر تمناشر جرنال . :-))

حكايه علاج المطبات بجوز كاوتش على المساعديين دى خطر جدا جدا جدا جدا

انت اصلا بتشتكى من ان العربيه مش ثابته يبقى تعليها زياده علشان تزود الوساده الهوائيه تحتيها و تخليها مش ثابته اكتر غلط جدا جدا


الفرامل فى صيانه الالف هاتتظبط بعمل الرجلاش ليها ماتقلقش


استهلاك البنزين هايتظبط جامد جدا جدا بعد ماتاخد سفريه محترمه بالعربيه على سرعه ماتزيدش عن 120 او 140

لازياده عن كلام احمد كار

الف الف شكرا يا دكتور محمد انت الخير و البركه برضو

بص انا هقولك الف مبروك بس العيوب هتيجي انا كان معيا فرنا 2007 و بعتة من 6 شهور و جبت اسبرانزا جميلة و احسن من فرنا و عالية علي الارض ايميلي evramandbavly@yahoo.com لاي استفسار عن اسبرانزا

الراجل جاب العربيه خلاص تقوم تكره فيها سبحان الله

سبحان الله الفيرنا طلع فيها عيوب وبعتها وتفتكر الاسبرانزا هى الى مفيهاش غلطة؟؟؟

اعتقد كلها شهر مش اكتر وتبيع الاسبرانزا.

اسبرانزا ايه يا راجل ده عربية فاشلة فى حد يبيع فيرنا ويجيب اسبرانزا الاسبرانزا ده تعالى اتفرج عليها كمان سنتين تلاتة مش هتلقيها زى الشيرى بالضبط وكمان تلاقى تنمها بقى فى الارض

أشكركم جداً يا جماعه , و يا رب التساؤلات وارشاداتكم تكون مفيدة لكل الناس زى ما أنا استفدت منها..
و لو ممكن اضافتها لتوبيك أسئلة الفيرنا يبقى تمام للافادة العامة.. :-)

شِكراً جزيلاً مرة أخرى و عقبال ما نتقابل على خير

مبروك عليك الفيرنا بموتور الالنترا 2006 ، العربية وَحش كاسر بس انت تعرف تفرملها يامعلم ، فعلا بعد صيانة الالف استهلاك البنزين هاينظبط ، وابقى وصيهم على كده فى الصيانة ، طبعا الكاوتش مقاس 14 هايعليها ويحقق استقرار اكثر ، ولا مقارنة بين الاسبرانزا والفيرنا ، الفيرنا قطع غيارها حنينة وموجودة ولا تقارن بالاسبرانزا ، خلى بالك الموتور اقوى من العربية بكثير ، مرة بعد التليين ابقى جرب بنزين 95 وقولى هاتوقفها ازاى
العربية على سعرها ادائها اكثر من رائع احسنت الاختيار ربنا يباركلك فيها
احلى حاجة فى العربية دى اصدقائك فى المنتدى عارفين كل حاجة عنها ، احمد باشا كار ، ونايل استورم باشا ، واحمد باشا انور ، ومعاك موسوعات فى الفيرنا استفاد بيهم ، ومبروك عليك الوحش الفيرناوى

^^^^^^^^

هو دا اللى انا بقوله دايما ....

الفيرنا افضل اداء محرك فى فئتها .... بس كدا

اقتباس:

---

المشاركة الأصلية كتبت بواسطة moh_kamal67

مبروك عليك الفيرنا بموتور الالنترا 2006 ، العربية وَحش كاسر بس انت تعرف تفرملها يامعلم ، فعلا بعد صيانة الالف استهلاك البنزين هاينظبط ، وابقى وصيهم على كده فى الصيانة ، طبعا الكاوتش مقاس 14 هايعليها ويحقق استقرار اكثر ، ولا مقارنة بين الاسبرانزا والفيرنا ، الفيرنا قطع غيارها حنينة وموجودة ولا تقارن بالاسبرانزا ، خلى بالك الموتور اقوى من العربية بكثير ، مرة بعد التليين ابقى جرب بنزين 95 وقولى هاتوقفها ازاى
العربية على سعرها ادائها اكثر من رائع احسنت الاختيار ربنا يباركلك فيها
احلى حاجة فى العربية دى اصدقائك فى المنتدى عارفين كل حاجة عنها ، احمد باشا كار ، ونايل استورم باشا ، واحمد باشا انور ، ومعاك موسوعات فى الفيرنا استفاد بيهم ، ومبروك عليك الوحش الفيرناوى

---

استاذ محمد
اخبار حضرتك ايه
اخجلتنا بكلامك الجميل
ربنا يكرمك و ده كله من ذوقك و الله

دكتور احمد(نايل استورم باشا) ازى حالك وحال الدراسة ربنا معاك ، دى حقيقة انا استفدت جامد من معرفة جروب نايل موتورز ، ومعلومات خطيرة ودقيقة وحساسة جدا ، وببارك للبرنس تانى على اختياره افضل عربية فى فئتها بلا منازع ، الناهردة كنت فى رمسيس وافتكرت يوم المطر الجامد والعربيات كلها غرقانة والمية واصلة لحد عتبة الباب والفيرنا ماشية زى الفل ، دى حقيقة اجمل حاجة لقيتها فى الفيرنا الجروب بتاعكم والباشمهندس الكريم معانا عاطف باشا عبد السميع ، ولك خالص تحياتى دكتور احمد

ستاذ محمد كيف الحال ياباشا واحشنى و الله على فكره انا شوفتك من كام يوم انا و بلاك فيرنا و كنت طاير معرفناش نجيبك

بجدبجد الف شكرا على الكلام الجميل ده

احمد باشا كار وحشتونى كلكم ، ساعات ببقى راجع من الشغل عايز اوصل البيت باى طريقة ، وانت عارف الفيرنا وشقاوتها :k4:، لو سحبت معاك يالا السلامة ، يمكن ده كان يوم الخميس قبل اللى فات كنت قريب من زهراء مدينة نصر ، او وقت رجوعى ببقى جاى من ناحية نادى الزهور داخل مع المترو ، ارجوا ان نتقابل قريبا ، وتحياتى لبلاك فيرنا وكل الفيرناوية ، يمكن ده كان بنزين 95 :original:، ده ادمان انا خفت العربية تتعود عليه تبقى مشكلة

شكراً لجميع اخوانى الاعزاء:
الاساتذة / احمد كار ، نايل استورم ، احمد انور ، وmoh_kamal67
وأشكر كل من بارك لى و عقبال الجميع يا رب ..

أنا فعلاً بيزيد اعجابى بالعربية كل يوم عن التانى , لكن ما خبيش عليكم اللى مفرحنى فعلاً هو وجود الاخوة فى المنتدى اللى مش بيبخلوا بأى معلومة بل بالعكس طريقة واسلوب المساعدة و المشورة يفرح بجد ..

مش قادر أعمل حاجة غير انى أشكركم تانى و تانى و ارجو ان تقبلونى عضو جديد داخل مجموعه الفرناوية الجامدين جدااااً

انت خلاص بقيت عضو فى عصابه الفيرنا

hi to every one i had a 2009 virna from 3weeks ago and it s don 1060km in this weeks :lovlie02[1]::lovlie02[1]::lovlie02[1]:

يا باشا اهلا بيك بين الفرناوية المجرميين
أولا الف الف الف مبروك واحسنت الاختيار بجد عربية تحفه من كل الجوانب حجما وموضوعا على فكره انا عربية المدام اوبترا مش عايز اقولكم بكون مخنوق ازاي وانا سايقها الفيرنا وحش كاسر العربية متورها غول صعب المنال للعربيات من نفس الفئة او على منها بحاجات بسيطة وده بسبب وزن العربية الخفيف

الف مبروك تاني وربنا يديك خيرها ويكفيك شرها اللهم امين

بالمناسبة انا اخوكم من عشاق الفيرنا عربيتي 2008 كحلى وعاملة 7000 كيلو واللي عايز يتفرج على التعديلات يدخل على اللينك ده

http://www.nilemotors.net/Nile/showthread.php?t=52410

وتحياتي لكل افراد العصابة

اية دا ..؟
هو احنا بقينا عصابة خلاص ؟؟

:d:d

ياراجل هو في اجمل من كده عصابه

اقتباس:

---

المشاركة الأصلية كتبت بواسطة ahmednabeel

ياراجل هو في اجمل من كده عصابه

---

+10000000000000000:Ob_mak1[1]: