عرض للطباعة
السلام عليكم يا أحلي شباب
عندي استفسار عن موضوع استبدل سيارتك القديمة بأخري مستعمله وقسط الفرق واللي شوفته في ملحق السيارات في الجرنان وهل الموضوع ده حقيقي ولا فيش ونصب وهل فعلا ممكن المعارض دي تاخد عربيتي المستعمله بسعرها في السوق ولا هاتخفس بيها الارض
الرجاء الرد يا جماعه وياريت لو حد يعرف معارض سمعتها محترمه بتشتغل في الموضوع ده ياريت يقولي عليها
وشكرا
اكيد حينزل في تمن عربيتك
في مثل بيقول لو كان في الخير مكنش رماه الطير.
مش معقول ياخد العربيه بسعر السوق اصل دول تجار برضه و عارفين بيعملو ايه .
من غير ما اقرأ حاجه عنهم و انا متاكد
والله في كدة وفي كدة، بس معظمهم بيشتروا باقل سعر ويبيعوا باعلى سعر.
في المانيا سنه 2004 تحديدا واحد صاحبي اشترى قدام عيني سياره mercedes benz E230 diesel موديل 1996 بي حوالي 3400 يورو بس عشان موديلها قدم و صاحبها مش لاقي جراج ليها بسعر مناسب و سعر الديزل
و الكلام ده على عهدتي
و لو كان صاحبي بيعرف يفاصل كان ممكن يأخدها على 2000 او 2500 تقريبا
و على فكره ده كده غالي قولي على عربيه مستعمله تاريخ صنعها 1996 و بتتباع في سنه 2004
يا جماعه انتو كده خوفتوني من المشوار ده لأني كنت عاوز ادخل عربيتي وهي لادا 2107 في عربيه زيرو وتكن النترا او ماتريكس بس ان كده خفت ومتهيألي ابيع العربيه بالطريقه العاديه لأن ده ضمان لحقي
وشكرا يا أجمل شباب
mtema99 ونادر وحازم
العفو يا محمد
ابنك في اديك ما تدورش عليه.يعني عربيتك في ايدك تبيعها بالسعر اللي انت عاوزه انما حتروح لمكتب زي دا حيقابلوك بابتسامه و طريقه معسوله تخليك تسيبلهم العربيه ببلاش كمان و يزودو علي العربيه الجديده ف الاحسن بيع عربيتك براحتك خالص و ما تتنازلش عن مليم من اللي انت طالبه ان شا الله تقعد 6 شهور بس تبقي طالب معقول مش عالي اوي و حيجيلها زبونها لحد عندها ولا تحطها في معرض ولا بتاع يدوب كلم عليها الميكانيكي بتاعك او اكتب ورقه علي الزجاج و بس.و ربنا يحسنلك بيعها و يرزقك باحسن منها
ما اتحرمش منك يا حازم وفعلا الطريقه اللي انته قولت عليها بتاعت الميكانيكي او الورقة علي الازاز طريقه حلوه وضمان لحقي بدل النصب والبهدله وما اتحرمش منك مره تانيه والف شكر علي الرد والنصيحه
العفو يا محمد علي ايه دا اقل واجب يا راجل بس نصيحتي ما تتسرعش لو اتمسك بكلمتك يعني تقول السعر من الاخر و ما تنزلش مليم عنه بيعه غناوه يعني زي ما بيسموها :D و ان شاء الله حيجيلك الزبون اللي يقدرها و يا خدودهااقتباس:
ما اتحرمش منك يا حازم وفعلا الطريقه اللي انته قولت عليها بتاعت الميكانيكي او الورقة علي الازاز طريقه حلوه وضمان لحقي بدل النصب والبهدله وما اتحرمش منك مره تانيه والف شكر علي الرد والنصيحه
لا شكر على واجب و ربنا يديم المعروف و يكرمك في سيارتك الجديده و في بيع الحاليه يارب
بص يا صاحبي انا الفكرة دي مخيشة في دماغي اوي اني انا ادخل عربيتي في عربية جديدة و انا معايا لادا برضه بس 2105 و كنت عايز ابيعها لمعرض عشان مكنتش عايز اعف مين اللي حيركبها لانها عزيزة اوي عندي لكن لقيت المعرض اكيد حيفخس بيها الارض و يرفع لي التانية في السما و خاصة عشان الاقساط فلقيت اني لما اجي اقدم علي الخطوة دي إن شاء الله ادوس علي قلبي بالجزمة و أروح ابيعها لأي حد و يجي لي التمن اللي في دماغي بدل ما المعرض يبيع و يشتري فيا انا ضخصيا لانه اكيد واخدها عشان يستفيد بيها و يبيعها لحد تاني بنسبة ربح كبيرة لانه اكيد مش واخدها عشان سواد عيوننا طبعا و تخيل بقي:
يبقي كسبان من عربيتك القديمة اللي بعتها له كام الف و كسبان من عربيتك الجديدة اللي بعهالك كام الف.
الناس دي مش هبلة و بتحسبها مليون مرة قبل ما يعمل حاجة و هو عارف اوي هو بيعمل ايه.