عرض للطباعة
انا العربية عندى اكتشفت ان زيت الموتور بينقص جامد بس مفيش اي اثار علي الموتور من برة ولا تحت العربية وكمان العربية سحبها كويس ومفيش دخنة خالص والشكمان كمان نظيف والماء داخل الردياتير كمان نظيف والعربية كمان مش بتسخن ومش عارف الزيت بيروح فين هل من افادة يا جماعة
الزيت بينقص
يبقى هناك إحتمالات:
* وجود تسريب للزيت من الماتور من الجوانات أو الأويل سيل
* وجود تهريب للزيت من أويل سيل الصمامات ويصحبه دخنه شبه زرقاء من الشكمان
* وجود تهريب للزيت من الشنابر ويصحبه وجود تدفق عالي من خرطوم الفايظ (خرطوم تهوية الموتور) والذي يصب في مدخل الهواء
لو مكانش الموتور بياكل زيت
يبقى اكيد فية تسريب
زى الاخوة ماقالوا هى حاجة من الاتنين
مشكلة فى الموتور او تسريب
خلى ميكانيكى يكشفلك ع العربية افضل
طيب الزيت بينقص وهو لسه جديد ولا بعد عدد معين من الكيلومتر ؟
ممكن في تهريب انت مش ملاحظه
قلنا موديل العربية و سنة الصنع وازاى بتقيس الزيت و امتى
هو الموضوع ده قديم شويه......وممكن يكون عنده نسب تفويت بسيطه من الصبابات أو من سيلات الصبابات أو من درجة الحبك بين الشنابر والشمايز.........ومتكونش ملحوظه مع خروج العادم (علشان تفويت بسيط ).....بس مع طول فترة تشغيل الزيت بيقل المنسوب فعلا........._ ولازم علشان يستبعد نسب التفويت دى أنه يعمل أختبار كبس لغرف المحرك....ويشوف النسبه كام