الحمد لله من 3 ايام كنت ماشي على دائري المنيب بعد المريوطية و العربية كنت لسة غاسلها و مبلولة ميه و انا ماشي بيها فالمهم كنت ماشي 90 او 100 عشان كان في رادار فالمهم جيت افادي عربية من عاليمين فزودت السرعة لقيت اتوبيس واقف جيت ارجع الحارة الوسطانية تاني لقيت عربية ماتريكس كابس جامبي و قعد يكلكسلي ف جيت افرمل عشان الحق ملبسش فالاوتوبيس لقيت الABS اشتغل و العربية مبتقفش يعني هلبس هلبس ..قمت مفادي الاوتوبيس قبل ما البس فيه بمتر تقريبا و كسرت الدريكسيون لقيت العربية بتعوم بيا في الطريق و عرضت و دخلت فالسور الخرسانة الفاصل اللي عالشمال ..
الحمد لله اني كنت لابس الحزام و لقيت الair bag اتفتحت فلحقتني قبل ما البس بصدري فالدريكسيون بس من الخبطة حسيت بألم رهيب في ظهري.. و لقيت العربية دخنت و الrpm ارتفع لوحده خفت العربية تولع قمت طافيها و نزلت منها .. لقيت الناس اتلموا و قعدو يحاولوا يفتحوا الكبوت وفصلوا البطارية .. و زقوها على جمب الطريق عشان يمشوا الشارع...

الحمد لله على كل شيء بس انا الصراحة حبيت احكي تجربتي في الحادث و يا ريت يا جماعة تساعدوني في تصليح عربيتي علما بأني مش مأمن عليها و الخبطة وصلت للماتور و زحزحته من مكانه و الكهربا بتاعتها كلها باظت..
بجد يا جماعة انا محتاج مساعدتكوا عايز اعرف اتصرف ازاي و اصلحها فين