حريق الاسكندرية بالصور وما حدث للسيارات

**MeshoMicra** · 22-02-2009 07:56 PM

المشاركة الأصلية كتبت بواسطة Drift_Lover

لا حول ولا قوة الا بالله...
طيب اصحاب العربيات دي ايه مصيرهم.

يعني مثلآ لو الواحد راكن عربيتي تحت عماره وجه حد حدف طوبة علي العربيه كسر القزاز. لازم اجيبه واحاسبه ويتكلف بتصليح العربيه.
بالمثل لو واحد خبط عربيتك....
وماتقوليش قضاء وقدر... ماهو طبعآ قضاء وقدر.
لكن في حاجه اسمها اهمال او استهتار.......................

طيب في موقف زي ده.
انا موقف عربيتي امام مصلحه حكومية.
ورجعت لاقدر الله لاقيتها كوم فحم وشوية صاج...

طبعآ العوض عند ربنا... بس في اهمال ادي الي اتلاف ممتلكات الغير. اللي هي العربيه بتاعتي """""""""" طبعآ لا قدر الله """""""""""

لو انا رفعت قضية تعويض علي المصلحه الحكوية دي... بيتهيأ لي حيبقي في كلام تاني.

ولا انتم ايه رأيكم.

اعتقد الكلام ده مزبوط مليون الميه

زي كده مواحد بيخبط عامود حكومي ويكسره

بيدفوه مبلغ وقدره علشان كسره

المفروض هنا المعامه بالمثل علشان السبب مصلحه حكوميه ((ده بعد القضاء والقدر الي مفروغ منها اصلا))

بس طبعا الكلام ده في المشمش

انت في مصر ياعم الحج

**MohaMed_Refaat** · 22-02-2009 08:54 PM

والعربيات دية اللى فى الصور الماتريكس والاوبترا تاكسيات ولا ملاكى انا حاسس انهم تاكسيات بس فى الحالتين ربنا يصبر اصحابهم ويعوضهم فى مصابهم فى الدنيا والاخرة .

**mahamedaraby** · 22-02-2009 09:00 PM

هما بيقولوا ان سبب الحريق ده ان الاكشاك واخده وصلات كهرباء من عمدان النور فسبب ماس كهربائى ولع الدنيا

علشان يوفر كام جنيه فى الكهرباء دفعوهم كذا الف فى محلات

ربنا يعوضهم خير