ماروتي جديدة ولا 128 جديدة

**ggggggggg** · 22-02-2009 11:30 PM

انا معايا 40,000 جنيه ومش ينفع ازود عليهم جنيه واحد...
ومش عايز اجيب مستعمل لأني دوخت وكلهم نصابين ولازم يكون المستعمل من واحد ثقة وتعرفه وده مش متوفر ليه ومش هيتوفر..
المهم انا عايز جديد.. جديد وبس ومحتار بين الماروتي سعرها وصل الى 35,250 جنيه وال128 سعرها وصل الى 39,000
ياريت تدلوني بسرعة اجيب اي واحدة منهم ولاسباب ايه.
وتقبلوا تحياتي ... و في انتظار نصائحكم.

**tarek_wahba** · 22-02-2009 11:56 PM

عن ثقة و من خلال تجربة لماروتي افضل انا معايا ماروتي 2008 ماشاء الله عليها بسافر بيها و بروح كل حتة و مريحاني

**ggggggggg** · 23-02-2009 12:15 AM

شكرا يا استاذ طارق على سرعة الرد..
بس ال128 1300 سي سي واوسع وتكبر والفرق بينهم في السعر مش كتير ....... مش عارف .. طيب ياريت حد يعمل مقارنة بينهم ولكم الشكر

**robeir** · 23-02-2009 10:08 AM

ممكن حضرتك تشوف كل مميزات وعيوب الماروتى فى الرابط ده.
و طبعا القرار لحضرتك.الموضوع شيق جدا .
http://www.nilemotors.net/Nile/showthread.php?t=14710

**mahmoud_magdy** · 23-02-2009 10:14 AM

انا شايف ان الماروتي احسن
مش هيكون فيها اعطال زي 128
وهتشتغل معاك فتره كبيره ومش هتقول لا
وعلى فكره وسها الداخلي مناسب
5 اشخاص حجم متوسط
4 اشخاص حجم تقيل وممكن 5 كمان
وموفره جدا في البنزين وقطع غيارها على حسب ما اسمع رخيصه

**ggggggggg** · 23-02-2009 10:54 AM

طيب بالنسبة للموتور ال 128 1300سي سي لكن الماروتي 800 سي سي مش عارف هو انا لو جبت 128 جديدة وحافظت عليها هتبقى برده مشاكلها كتيرة واستهلاكها للبزين عالي؟؟؟؟

**Abdm** · 23-02-2009 11:34 AM

أنا مش هقول أكتر من الاخوة قالوة الماروتى أفضل من 128 بكتير جدا وكفاية أقوى التقفيل بتاع الماروتى 100 100 لكن 128 الجديدة أسوأ من المستعملة وتعتبر كأنك شارى عربية مستعملة وهتفضل أيدك فيها على طول كأنها مستعملة اتكل على الله واعمل استخارة وباذن الله هترسى على الماروتى الزيرو كفاية ان قطع غيارها يابانى ومعمرة . وبالتوفيق ان شاء الله . واطلع على الرابط دة هيفيدك جدا.

http://www.nilemotors.net/Nile/showthread.php?t=14710

**mahmoud_magdy** · 23-02-2009 11:47 AM

حضرتك انا واحد صاحبي معاه العربيه واستهلاك البنزين معاه كويس جدااااا وكمان العربيه بتجيب سرعه عاليه عالطريق لكن طبعا الثبات بيكون قليل

**ggggggggg** · 23-02-2009 12:09 PM

متشكر جدا يا Abdm وانا بالفعل اطلعت على الرابط ده وقريأته بالتفصيل وكنت مقتنع جدا بالماروتي .... ولكن لقيت ال 128 ارخص سيدان في مصر وموتور اقوى ده الي خلاني احتار تاني.
بالنسبة لاخ musiccairo حضرتك تقصد اي عربية؟؟؟
الماروتي ولا ال 128؟؟؟؟؟

انا محتار جدا لان ناس تشكر في الماروتي وناس تشكر في ال128 نفسي حد يكون جرب العربيتين ويفيدني ويفيد الاعضاء.
تقبلوا تحياتي

**robeir** · 23-02-2009 12:43 PM

وياريت كمان حضرتك تشوف بنفسك العربيتين و تركبهم حتى ولو فى المعرض و تشوف هترتاح اكتر لمين ممكن صغر الماروتى يضايقك و كبر ال 128 ما يفرقش معاك .ولو فى حد من الاسره هيستعمل العربيه ياريت تشوفه هو كمان هيرتاح لمين فيهم و علشان العربيتين زيرو ده معناه انهم المفروض مش هيكون فيهم اى مشاكل لسنوات قادمه المهم احتياجك و ارتياحك لمين ده اللى يمكن يفرق دلوقتى بين العربيتين .
وربنا يوفقك و تفرحنا معاك لما تشترى.