-
اكسنت 2006 -1300
السلام عليكم يا شباب
انا مساهم جديد في المنتدى ....وسعيد جدا بالمشاركة معاكم ...لاني بصراحه شايف افادة جامده في الموضوع ده ...وعندي استفسارات واكيد انشاء الله هلاقي الاجابة عندكم وخصوصا م. حسام منير لان انا اعرفه من موقع Contact cars
المهم انا معايا اكسنت 2006 الشكل القديم 1300 - طبعا التقفيل زي ما انتم عارفين التقفيل المصري .. بس مش دي المشكلة ....الموضوع اني بعد 120 بحس ان العربية في الهو وسعات بحس ان الدريكسيون بيترج وما فيش ثبات خالص مع ان الموتور كويس جدا وممكن يجيب اكتر والعربية بتبقى ثابتة تحت 100 هي صحيح خفيفه بس ثابته نوعا ما ---- دلوني ممكن حل الموضوع ده ازاي
- ثانيا انا غيرت البوجيهات عند 20000 بس جبت بوجيها بوش الماني اصلي السوبر بلاس الجديده ...بصراحه حسيت بفرق في السحب و توفير البنزين وخصوصا اني نظفت فلتر هوا و غيرت فلتر البنزين ...بس اكتفت بعد كده ان الخلوص بتاع البوجيهات اكبره سنة بسيطة وده بتاع اكسنت 1500 او الللي فيها الحقن الالكتروني ...فهل ده ياثر بعد كده ولا ايه ؟
- ثالثا المساعدين بسمع صوت هوا فيهم عند المطبات ده عادي ولا ايه مع العلم اني مخلي بالي ومبكلش مطبات خالص
معلش طولت عليكم ....وشاكر جدا ولو قدرتم تساعدوني
-
اولاً اهلاً بك يا محمد في نايل موتورز ونتمني انك تكون مبسوط معانا :) .
بالنسبة لسبات الاكسنت فهو معروف انو وحش يعني المشكلة مش من عندك بس لو عاوز ثبات اكتر يبقي تجيب مساعدين سبورتيف وطقم جنوط "14 بكاوتش عرضة 195 على الاقل. اما بالنسبة لغربلة الدركسيون فدي هتبقي حاجة من اتنين يا عاوز ترصص يا عاوز تظبط الزوايا. واخيراً بالنسبة لصوت المساعدين فالصوت دة طبيعي مادام المساعد لسة عفي يعني مش بيتمرجح او مش بينزل وميطلعش، اما حكاية البوجيهات وانها بتاعت الـ1500 فهي لو شغالة كويس يبقي مفيش مشكلة لان انت ممكن تركب بوجيهات رياضية وبتبقي مش زي الاصلية.
-
شكرا يا كبير على النصيحة
انا فعلا نفسي اجنط .......بس ربنا يفرجها ....بس اجنط على الكوتش اللي جاي معاها هو لسه جديد مفرض
-
على فكرة فعلا موضوع صوت المساعد لما بيكون لسه حالته كويسة
-
كان عندي نفس مشكلتك رضض واظبط زوايا وشوف اخبار العفشة اية يا هتتربط ياما هتغير مساعدين مثلا
Content Relevant URLs by
vBSEO 3.6.0 PL2