الموضوع: الإلنترا في المركز الخامس بتصنيف السيارات الصغيرة بأمركيا

يا باشا قولنا قبل كدا هناك اختلاف واضح جدا بين الالنترا اللى بتنزل مصر والالنترا اللى فى امريكا (اللى فى امريكا مش مصنوعه فى كوريا نهائيا هناك مصنع فى شمال امريكا لصناعة سيارات هيونداى هناك
لا ارى اى فائده من ذكر تصنيفات المواقع لانها تتم على راىء الذى يقيمها وليست شىء عام متفق عليه وياخد به
لا اعرف كيف تتفوق الالنترا على اللانسر الجديده وكورولا الجديده والمينى كوبرونيسان سنترا وسوبارو امبريزا واوبل استرا وكيف تكون فى مكانة واحده مع الجيتا والماذدا 3
كيف يمكن لكيا ريو واسبكترا ان تسبق السيارات المذكوره فى التصنيف
رغم اقتناعى التام بان السياره الالنترا سياره جديره بالاحترام لانها اكثر سياره يمكن ان تكون الافضل فى الرينج السعرى ولكن مع كامل احترامى لا يمكنها ان تنافس السياره المذكوره
وكون ذكر الصحفى او الكاتب او ايهما يكن ان الكورولا كانت مخيبه للامال ولم تحقق المرجو منها هذا رايه الشخصى ولكن اذا كان كلامهم صحيح فكان من الافضل مقارنتها مع الجيل السابق وتوضيح الاختلافات وليس كلاما بدون دليل فهو يعنى لا شىء حتما فى النهايه
ولكم خالص تحياتى

المشاركة الأصلية كتبت بواسطة ahmedfd

شكراً على إهتمامك بالرد و أرجو أن يتسع صدرك لردي.
أمريكا فيها عدد من المصانع و التسهيلات لهيونداي و هي:
1- المصنع الأساسي بولاية ألاباما و ده بينتج السوناتا و السانتا في فقط و إحتمال يصنع الإلنترا الهيبريد بعد ما تنزل في كوريا.
2- مركز هندسي للتصميمات و التكنولوجيا في ولاية ميتشيجان.
3- موقع ضخم للتجارب و الإختبارات Proving Ground في صحراء موهافي بكاليفورنيا (و من هنا جاء إسم كيا موهافي) إتبني فيه طرق بتحاكي الطرق الأمريكية و تراكات إختبار.
http://revver.com/video/938745/insid...oving-grounds/

4- مركز للتصميمات الهندسية و الأبحاث بولاية كاليفورنيا و ده إلي إتصممت فيه الإلنترا اللي بتتصنع في مصنع أولسان في كوريا و تتصدر للعالم كله. (الـ I30 إتصممت في مركز هيونداي للتصميمات في Russelsheim بألمانيا لإنها موجهة للذوق الأوروبي لكن برضه متصنعة في كوريا و هي هي الإلنترا في كل حاجة من موتور لشاسيه لكل حاجة لدرجة إن الأمريكان بيسموها الـ Elantra Euro Hatch أوالإلنترا الهاتش باك الأوروبية)

http://www.hyundaiusa.com/abouthyund...nvestment.aspx


بالنسبة لأسس التقييم فإسمحلي أختلف معاك لإن مكتوب إنه معتمد على:
Our car rankings are based on a consensus of America's top automotive experts. The rankings do not rely on our own tests or U.S. News editors' preferences.

و أسس التقييم بالكامل موجودة في اللينك التالي و داخل فيها تقييمات الخبراء للأداء و التصميم الداخلي و الخارجي و تجهيزات السلامة و تقييمات الإعتمادية من JD-Powers و الجوايز اللي واخداها العربية.
http://usnews.rankingsandreviews.com/methodology/


نييجي بقى لمصر... أنا مازلت عند رأيي إن الإلنترا هنا هي الإلنترا هناك مع إختلاف سعة المحرك لكن نفس جيل المحركات و التكنولوجيا بالإضافة للكماليات الغير طبيعية اللي نازلة هناك و تجهيزات السلامة القوية جداً.
و كونها تاخد تقييم أعلى من الكورولا و الانسر و غيرهم في أمريكا فده لإن التقييم معتمد على خليط كبير و متكامل من الأسس اللي رفع الإلنترا فيها عن منافسينها السعر الأقل و تجهيزات السلامة العالية و الضمان الكبير و إنها واسعة لكن محدش قال إنها بمفهومنا إحنا كعربية إنها ركوبة أحسن من المازدا أو الكورولا أو السيفيك مع تحفظي على اللانسر الجديدة.
هو ذكاء مش أكتر من هيونداي إنها تصمم عربية حديثة و مريحة بإيد الأمريكان للذوق الأمريكي أساساً و تدي عليها ضمان كبير و تجهزها بتجهيزات سلامة تزغلل عين المستهلك الأمريكي.. لكن طبعاً كسواقة و إستمتاع بالسواقة فالمازدا 3 مثلاً بالتأكيد أحسن منها و من الكورولا و السيفيك و اللانسر رغم إن تصميمها أقدم منهم كلهم و ده برضه من التقييمات و المقارنات الكتير. النعومة محدش يقدر يتكلم عن نعومة و إقتصادية الكورولا ... الموتور القوي محدش يقدر يزايد على مواتير الهوندا عامة.
الجيتا طبعاً عربية ممتازة بس بالنسبة لخبراء السيارات في أمريكا الإلنترا أوسع و نفس الكماليات و تجهيزات السلامة بسعر أرخص و ضمان أعلى يبقى تقييمات الإلنترا ممكن تكون أعلى .. ده عادي بالنسبالهم لكن لو في مصر حد قال كدة يبقى فيها إهدار دم

اللينك ده من موقع تويوتا صفحة الكورولا لمقارنة الكورولا بمنافسينها.. حضرتك إختار أي Trim في الكورولا هتلاقي إن by default أول و أكبر منافسينها هما الهوندا سيفيك و الهيونداي إلنترا.. يبقى معنى كدة إن الإلنترا بالتأكيد نفس الفئة...
طب بلاش دي حضرتك إختار في المقارنة مع الكورولا السيفيك و الإلنترا و قارن بنفسك مع التأكيد مرة تانية إن ده موقع تويوتا مش هيونداي و ده من وجهة نظر تويوتا مش هيونداي.
http://www.toyota.com/compare/?model...lla#h_overview

أرجو إني أكون وصلت وجهة نظري بصورة جيدة و في الآخر كلها عربيات

و لسيادتك خالص تحياتي.

انا مقتنع تماما بكلامك وواضح ان حضرتك متابع كويس السوق الامريكى وفاهم
انا كان كلامى بحكم انى جربت اللالنترا وبصراحه عجبتنى واى حد يقولى اللانسر البومه يجبها اقوله ابعد عنها وهات النترا بس بصراحه حسيت الكورولا ركوبه تانيه غير الالنترا وده كان سبب حيرتى ازاى الالنترا تاخد مركز متقدم عنها
وفى الاخر العربيتنين كويسين جدا طالما يلبيان رغبات الزبائن اللى هما انا وحضرتك وناس كتير غيرنا
وربنا يباركلك فى عربيتك
وتقبل تحياتى

المشاركة الأصلية كتبت بواسطة حماده المصري

تويوتا بتركز على الراحه في الركوب اكتر من الثبات وده باين في معظم عربياتها

فرق الخامات يندرج في صالح الكرولا

ولكن فرق السعر في صالح النترا مليون مره

ف مفيش مانع انك تركب عربيه كوري خامات صالونها اقل من الياباني(طبعا مش رديئه وكمان هي افضل مثلا من لانسر او مساويه لها)
وطبعا معاك فرق سعر محترم 20 الف على الاقل ويوصل ل 50 الف
وكمان العربيه ثابته وقطع غيارها محترمه

عامه فرق العماله بيفرق في الاسعار
يعني لو مثلا حاجه كوري محترمه تلاقيها ب 200 جنيه
يوازيها نفس السلعه ياباني ب 400 جنيه
بس في النهايه الاتنين جوده وحده

---------------

بالنسبه للفروق في العربيات الاساسيات بتبقى وحده الاختلافات بتبقى في تجهيزات السلامه فقط

----------------
احيانا بتبقى في فروق جوهريه في بعض العربيات بس مش بتكون هي هي يعني مثلا كورولا 1.8 اوطى من ال 1.3 بس الناس بتفهم غلط بيقولك الخليجي افضل من عندنا بس في النهايه لو نزلت 1.8 مصر هتبقى هي هي

----------------
كان ليا صديق خليجي اشتري هوندا اكورد 2006 زيرو وبعدها بفتره جاتله بعثه اليابان ف شحن عربيته هناك
في اليابان رفضوا يدخلوا العربيه قالوله غير مطابقه لمواصفات السلامه في اليابان مع ان الاكورد ياباني 100%

انا معاك ان تويوتا من اولوياتها الراحه ولكن فكره ان الثبات مش من اولوياتها دى فكره مبتعده تماما والدليل
ان الكورولا 92 و98 معروفين انهم ثباتين جدا وفى نفس الوقت فيهم قدر كويس جدا من الراحه
يمكن حضرتك بنيت الفكره اعتمادا على الكورولا من 2001 الى 2007 ودى فعلا كانت سمعتها سيئه الى حد ما فى موضوع الثبات ولكن لان كل حاجه صعبه تحقيقه فى ان واحد علشان كدا ثباتها مكانش كويس وده عيب من اجل تحقيق مزايا اخرى
هى 1- الوزن الخفيف مما يعنى تسارع اعلى واستهلاك اقل فى الوقود
2- ارتفاع اعلى عن الارض
3- نعومة العفشه(الانعم فى فئتها )
4- كاوتش مقاسه صغير من اجل نعومه العفشه ايضا وكل دى حاجات تعوق اتزان السياره ولكن تلبى رغبات الالاف داخل المدينه وده يدل على ان الكورولا 2001 الى 2007 الغرض الاساسى منها الاستخدام داخل المدينه والسفر على سرعات ليست عاليه
انما التويوتا حبت تدخل الكورولا الجديده فئه اعلى فاهتمت اكثر بالاتزان وده واضح جدا من خلال انها بقت اشبه فى حاجات كتير باختها الاكبر كامرى
انا معاك ان الكورولا يمكن ثباتها اقل شويه من السياره الالمانيه زى الفيكترا والجيتا والاوكتافيا ولكن صدقنى ليس بالفرق الشاسع الذى يتحدث عليه البعض
وهذا الفرق بالنسبه لى لا يفسر لى سر الفرق الكبير فى الاسعار بينهم يعنى من الاخر انا شايف لو هنتكلم على الثبات يبقى بى ام دبليو مش جيتا واوكتافيا لانهم سيارات عاديه جدا مثلها مثل الكورولا والسيفيك ولكن جشع الاسعار السيارات فى مصر خلى العربيات دى كانها سياراتا الصفوه وما هى الا سيارات صغيره ليست للسباقات والغرز كدا ده معناه ان الفرق بينهم مش كبير قوى لدرجة ان ناس بتقول العربيه كذا افضل من عربيه كذا بمراحل (مش فاهم ازاى عربيتين نفس الفئه هيبقى فيه فرق بمراحل) امال لو دخلنا فى الكامرى ولاكورد والاوريون واللكزس والفئه السابعه
انا اسف ان طولت شويه فى الكلام ومعاك الالنترا كويسه جدا بس من غير abs يبقى لا والف لا
يا جماعه ال ايه بى اس اهم حاجه فى العربيه ومحدش يتنازل عنها انا من كام يوم ضربت فرامل جامد فى الشتاء كنت على 110 على ملف ولو مكانش فيه abs كان زمان العربيه عومت منى
وتقبل تحياتى