الموضوع: لية النظرة الدونية للمحامية؟؟؟؟؟؟؟

الموضوع باختصار ان فى ناس كتير او الاغلبية المطلقة بتبص للمحامية انها وحشة و مش محترمة
يعنى انا اعرف محامى هو نفسة بيقول على المحاميات انهم سيىء السمعة ومحترموش اهلهم ولا نفسهم لما اشتغلوا فى المحاماة وفى نفس الوقت كل واحد عايز يخطب من المحامين يقولك اهم حاجة انها تكون مش محامية
ودة اتضح ليا انة تفكير الناس كلها بما فيهم المحامين كل واحد يقلك ازاى واحدة محترمة تتعامل مع الحرامية والبلطجية !!!!!
مع انى شايف ان المحاماة مهنة فيها الصالح وفيها الطالح
يا ترى اى راى الاعضاء؟؟

المشاركة الأصلية كتبت بواسطة نور القمر

انا اول مرة اسمع ان مهنة المحاماه مرفوضه بالنسبة للبنات وان في ناس بتبص للمحامية نظرة دونية
بجد موقف غريب
على كدة بقه الطبيبه اللي تعمل عمليه لمجرم وتخرج رصاصه مثلا من جسمه هي كمان سيئة السمعه
طبعا مع احترامي للجميع بس حقيقي اللي بيفكر التفكير ده متخلف
وانا لا اقصد الاهانة بس ملهاش تفسير غير كدة
مع ملاحظة ان ماليش اي علاقه بالمحاماه علشان محدش يعتبره دفاع شخصي

انا لما قلت نفس كلام الى حضرتك قولتية رد عليا زميلى وقالى تفكير الناس كدة انت مش هتقدر تغير تفكير الناس
انا ضربتلة مثل واحدة خريجة صيدلة مثلا ممكن تتاجر فى الادوية المخدرة تبقى هى ساعتها احسن ولا محامية عادية وشغالها بضمير