ممكن يكون اكتشاف حركة بسيطة تحافظ على الكاربيراتير ما يتوسخش

عارفين خرطوم فايز العادم الى طالع من زور تغير الزيت احنا طبعا بنحطه فى عمة الماتور يعنى فوق الكاربيراتير ليه اساسا معمول كده عشان يطلع هوا سخن على الكاربراتير و يسخنه و ده طبعا فى الدول الباردة مش عندنا مش محتجين نسخن البنزين بهوا سخن المهم الخرطوم بتاع فايز العادم ده لو الماتور مش ميه مية يعنى لو فيه اى همسة تبخير التبخير ده بيبقة فيه زيت بيتريب و ينزل يوسخ الكاربيراتير ....الحل خد الخرطوم و طولة و نزله تحت العربية بعيد عن العمة خالص انا جربت و فعلا فكيت العمة و حركت صباعى جوا الكاربيراتير لقيته نظيف جدا مش زى لااول .....ديه فكرة اخويا احمد ...محدش قالى لو غلط قولولى ارجع كل حاجة زى ما كانت

انا كنت عملت زيك كده من نفسى وقولت انه مالوش لازمه
وانه اكيد بخار الزيت ده هيبهدل الكاربراتير
لكن الميكانيكى قاللى لازم تركبه وقعد بصراحه يشرحلى اهميته
بس بصراحه انا مش فاكر الاسباب اللى قالهالى
وطبعا رجعته تانى
بس اكيد الالمان لما صنعو العربيه دى كانو عارفين ان ليه سبب مهم
وطبعا هما كانو عارفين ان العربيات دى هتتصدر لدول زينا
انت برضه اسال جمال الميكانيكى وشوف رده ايه وقولنا

يا باشا عشان يسخن الالبنزين الى المفروض كان متلج فى الدول ديه اما عندنا الجو سخن اما المانيا سااعة هتلر ما كنتش بتفكر فى حد غير المانيا بس

فايظ بخار الزيت اللى بيركب فى العمة

او فى مدخل الكربراتير فى العربيات من غير العمة

مالوش علاقة بالتسخين انما لتزيت الاجزاء المتحركة

بالكربراتير والكلام ده من احد المواقع الاوربية المهتمة

بالكربراتير وكمان من دليل صيانة شركة ويبر اكبر

مصنع للكربراتير

اقتباس:

---

المشاركة الأصلية كتبت بواسطة ahmed_su

فايظ بخار الزيت اللى بيركب فى العمة

او فى مدخل الكربراتير فى العربيات من غير العمة

مالوش علاقة بالتسخين انما لتزيت الاجزاء المتحركة

بالكربراتير والكلام ده من احد المواقع الاوربية المهتمة

بالكربراتير وكمان من دليل صيانة شركة ويبر اكبر

مصنع للكربراتير

---

كلام سليم 100 %
بخار الزيت بيعمل على تزييت و ش البستم و الصبابات و بالتالى حمايتهم من الكسر السريع الناتج عن البرودة الشديدة أو النشفان و خاصة فى الشتاء.

انا كده اقطنعت كلامكم سليم طيب لو الزيت ده بيبخر جامد مش يسد الكاربيراتير يعنى لو الكاتور بيبخر قوى وسؤال تانى فايدة الزيت الى فى العمة ايه و لو مش موجود زيت يبقى ايه ؟؟؟؟ و لو حطيت زيت يبقى زيت عادى ولا زيت معين و الكمية ؟؟؟؟

فعلا افتكرت دلوقتى
هو ده نفس الكلام اللى قالهولى الميكانيكى
اما بخصوص الزيت اللى بيبقى فى العمه ده مش فى اى عمه
يعنى انا العمه اللى عندى مش بيتحط فيها زيت
واللى هيفيدك فى الموضوع ده الاستاذ احمد سالم
لان انا فاكر انى شوفت العمه اللى عنده من النوع ده اللى بيبقى فيها زيت

مستنين رد الاستاذ احمد سالم

انا عندى العمة بيبقى فيها زيت بتاع نص كيلو تقريبا و ده فايدته انه بيبقى عامل زى فلتر و يسقط التراب و الشوائب من الهواء علشان يدخل نظيف على طول على الكربراتير