الموضوع: هل توافق ان تقرض صديق لك سيارتك الغالية

لا ثم لا ثم لا

المشاركة الأصلية كتبت بواسطة hellboy

تامر باشا . صباح الفل . عمي له حكمه عايز اقولهالكم . عربيتك زي مراتك ماتنفعش تتشحت . وده دليل علي ان هناك عشره حلوه بين العربيه وصاحبها ما يفهمهاش اي حد غريب .

صباح الجمال يا معلم انا معاك بس العلقة دية ممكن تتطور لتصبح اعز ولكن صاج ولا صديق مخلص محتاج

ياجماعه انا شايف ان الموضوع ده منتهى انا ضد الموضوع ده خالص مش علشان خوف على العربيه ولا حاجه علشان أحافظ علىصداقتى مع صديقى اللى المفروض انه غالى عليا جدا والا مش هأديله العربيه طبعا
انا أعرف واحد جارنا استلف عربيه من أحد أصدقائه لأن عربيته كان فيها عطل وكان عنده مشوار هام جدا المهم وهو قبل الصحراوى بشويه هدى عند مطب دخلت فيه عربيه نقل .... طبعا العربيه الله يرحمها مافيهاش حاجه سليمه غير الدريكسيون والحمد لله هوه طلع سليم بس مش عارف يعمل ايه يصلح العربيه ولا يقول لصاحبها ويشوف هو هيصلحها فين ويتكلف هو المصاريف بس طبعا مالك العربيه ممكن مش يرضى ... المهم حط العربيه فى جراج وراح قال لصاحبها صاحب العربيه كانت فاكره بيبالغ قاله ولا يهمك بسيطه بس تعالى أشوفها .. أول ما وصل وشاف العربيه وقع من طوله وأغمى عليه .... طيب ليه الموقف والإحراج ده أنا كنت أجرت عربيه بسواق وتتكلف زى ما تتكلف ولا أقف فى موقف أتمنى ان الأرض تنشق وتبلعنى فيه ....
ولا ايه رايكم

انا من اشد المعارضين اني ادي عربيتي لاي
حد حتى لو كان مين
و بالذات لو كانت ال 206
مش بسبب الحوادث خالص دي حاجة بتحصل قضاء و قدر يعني لا انا هقدر اتدخل فيها و لا اللي سايق عربيتي و عمري ما هعتب عليه
الحكاية كلها ان حاجتي عزيزة عليا اوي و مش بحب اديها لحد و لا اخد حاجة من حد عشان مايقوليش في يوم انتي اخدتي كذا و كذا

و على رأي الاغريق : اللي مش معانا نقدر نعيش من غيره
what we don't have, we do without.

المشاركة الأصلية كتبت بواسطة SaLM!Na

انا من اشد المعارضين اني ادي عربيتي لاي
حد حتى لو كان مين
و بالذات لو كانت ال 206
مش بسبب الحوادث خالص دي حاجة بتحصل قضاء و قدر يعني لا انا هقدر اتدخل فيها و لا اللي سايق عربيتي و عمري ما هعتب عليه
الحكاية كلها ان حاجتي عزيزة عليا اوي و مش بحب اديها لحد و لا اخد حاجة من حد عشان مايقوليش في يوم انتي اخدتي كذا و كذا

و على رأي الاغريق : اللي مش معانا نقدر نعيش من غيره
what we don't have, we do without.

انا شايف ان فى بعض الظروف تلى الواحد يسلفها وربنا يعلى عربيتك