بروتون جيـن 2 .. بروتون بـرسـونــا

**momenhamdy** · 13-03-2009 09:47 PM

المشاركة الأصلية كتبت بواسطة hanyosman

شكرا يا استاذى لكن انا عايز راي صريح انوه عربية احسن عشان انا متردد جدا بين البرسونا والاوبترا وانا شايف ان البرسونا الاتومتك ممتازة وخاصه الفول اوبشن بس ايه رايك فيها من نحيه الماتور و الفيتيس

اولاً يا باشا بالنسبة للموتور هو من تصميم شركة لوتس الانجليزية و بصراحة مفيش اي حد اشتكي من الاداء بتاعوا نهائي و لكن كل الفكره ان صوتوا عالي نسبياً و دا راجع ان اداء المحرك رياضي شوية
بالنسبة للفتيس فهو فتيس الانسر الكريستاله الاتوماتيك وبصراحة ادائه 10/10 وزي الفل
ودا رأي بصراحة في الموتور و الفتيس بشكل واضح
وربنا يوفقك الي الاختيار السليم بأذن الله

**Ayman_52** · 13-03-2009 10:25 PM

المشاركة الأصلية كتبت بواسطة momenhamdy

اولاً يا باشا بالنسبة للموتور هو من تصميم شركة لوتس الانجليزية و بصراحة مفيش اي حد اشتكي من الاداء بتاعوا نهائي و لكن كل الفكره ان صوتوا عالي نسبياً و دا راجع ان اداء المحرك رياضي شوية
بالنسبة للفتيس فهو فتيس الانسر الكريستاله الاتوماتيك وبصراحة ادائه 10/10 وزي الفل
ودا رأي بصراحة في الموتور و الفتيس بشكل واضح
وربنا يوفقك الي الاختيار السليم بأذن الله

+1000000

الصراحه البيرسونا عربيه ماشاء الله عليها..جميله جدا

حضرتك ممكن كمان لما تركبها وتجربها تقدر تحكم اكتر.

وربنا يوفقك للخير ان شاء الله

**tutankhamoun** · 14-03-2009 07:58 AM

المشاركة الأصلية كتبت بواسطة amek

طب لو سمحت اخبار ارتفاع العربيه عن الارض اييه ؟ هل هى زى اللانوس والفيرنا؟.....ولا الافيو والاوبترا؟
اصل انا عايز عربيه متحوكش منى عشان طريقى كله مطبات بس البيرسونا عجبانى مووووووووووت؟

إن شاء الله ......... و لا مطب مع كامل التحميل بيوصل للعربية

المشاركة الأصلية كتبت بواسطة hanyosman

انا فى مرحلة شراء سيارة جديده وانا محتار بين عدد من السيارات نيو اكسنت ابوبترا و برسونا(اتومتيك) رجاء الافاده بس بسررررررررررررررررعة

أنا لو مكانك
هانطلع الأوبترا من المقارنة دي ( عربية أمريكاني ... لعنة الله عليهم ) .
هانتكلم على هيونداي .... و بروتون .
أنا أفضل البيرسونا .... لأنها فيها حاجة أكتر من النيو أكسنت .
ثبات أفضل .
وسع صالون أفضل كسيارة عائلية .
شكل أفضل ( أذواق ) .
شنطتها أكبر .
صاجها أقوى .
كماليات أكثر في الموديل الأعلى سعرا 85 ألف جنيه .

المشاركة الأصلية كتبت بواسطة maby3rafnesh

ممكن اعرف الفرق بين البروتين جين 2

والبروتين برسونا

وخصوصا لو فيه فرق فى الصالون من جوه فى مساحته وكبره او صغره ..

وانا داخل على 3 شهور بدور على عربيه ولسا بفكر واشترى واتأنى وكانت اخر حاجه وصلتلها هيا الهونداى الاكسنت .. وبعد كده الالنترا بس لقيت تمنها هيبقى غالى عليا شويا

فا انتو ايه رايكم البروتن ولا الاكسنت ..؟!

مع العلم ان كله قالى حجم الاسكنت مع ان صلونها صغير اكبر بكتير من حجم البروتين!!

البروتون جين 2 و بروتون بيرسونا هما نفس العربية
واحد هاتش باك و التانية سيدان
و أصلا البيرسونا كان أسمها جين 2 سيدان و بعدين غيروا الأسم علشان الناس ما تتلخبطش .

الفروق ما بينهم
سقف البيرسونا أعلى شوية
فطبعا بيديك أحساس بوسع الصالون أكتر
شنطتها أوسع من شنطة الجين 2 مع أن شنطة الجين 2 واسعة
أختلاف طفيف في الشكل الخارجي للتفريق ما بين السيدان و الهاتش باك .

بالنسبة لصالون البروتون مقارنة مع الأكسنت
طبعا الفرق لصالح البروتون و ده واضح جدا من حجم العربيتين
حجم العربية البروتون أكبر من حجم الاكسنت
و دي بقى لازم أنت تروح تتأكد بعينيك و تشوف كل حاجة على الطبيعة و إن شاء الله هاترسي على جين 2 أو بيرسونا .
دي صورة الأثنين من الجنب علشان تشوف أن مفيش فرق غير الشنطة

**hanyosman** · 15-03-2009 05:38 PM

شكرا جزيلا على هذة المعلومات القيمة وفعلا البرسونا عربية جميله جدا بس انتو يا جماعة فى شوية ملاحظات شوفتها فى الاراء بتعات المنتدى عن شوية عيوب فى البرسونا وده بردوا شىء يخوف .
يا ريت توضحولى شوية بالتفصيل على العربية البرسونا الاتومتيك الفول ابشن
وعايز كمان اعرف اقد اشتريها منين بسعر مخفض يكون خصم محترم وانا من الاسكندرية واستحملونى عشان انا قلوق شوية معليش .

**Ayman_52** · 15-03-2009 08:53 PM

المشاركة الأصلية كتبت بواسطة hanyosman

شكرا جزيلا على هذة المعلومات القيمة وفعلا البرسونا عربية جميله جدا بس انتو يا جماعة فى شوية ملاحظات شوفتها فى الاراء بتعات المنتدى عن شوية عيوب فى البرسونا وده بردوا شىء يخوف .
يا ريت توضحولى شوية بالتفصيل على العربية البرسونا الاتومتيك الفول ابشن
وعايز كمان اعرف اقد اشتريها منين بسعر مخفض يكون خصم محترم وانا من الاسكندرية واستحملونى عشان انا قلوق شوية معليش .

ياباشا استفســر براحتك...اهم حاجه لما تشترى عربيه تكون مرتاح ليها وعارف عنها كل حاجه.

اكثر العيوب المنتشره عن البيرسونا هـى..
عيوب التقفيل ..ودى بتكون عباره عن واحد من الازاز بيعلق..فى سنتر بيعلق...الباب بيزيق ...والحاجات دى والله كلها بتتحل فى اول صيانه...ودا بيحصل عادة للــ مش بيراجع على العربيه ساعة الاستلام

ودا موضوع للأخ/عبد الرحمن..كان عنده كام مشكله واتحلت فى مشكله الــ1000

هنــا

اما باقى المشاكل اللى ظهرت لملاكها بتكون حالات فرديه او تهيؤات ..من كتر الاشاعات اللى طلعت عالعربيه

بس بجد والله لما هتركب العربيه دى هتلاقى ان المميزات اللى فيها ..هتخليك مش واخد بالك من العيوب.

كنت عاوز اقول ايه تانى

اه

شويه معلومات عن البيرسونا

هنـــا

ايــه تـانى

لو عند حضرتك اى استفسار اى حاجه مقلق منها ...انا تحت امرك قى اى شىء

وربنا يوفقك للخير ان شاء الله

**hanyosman** · 16-03-2009 08:49 PM

ا امتلك سيارة برسونا 2009 من اقل من شهر و بعد تجربتها بأيام اكتشفت فيها عيوب كتير منها صوت الموتور عالى جدا جدا و كمان الفرامل ضعيفة جدا و كان الكاسيت فيه زنة جامدة و الكاوتش الخارجى من سطح العربية ما كانش واصل لحد الزجاج الامامى و كان فى فواصل فى الشنطة و الاكصدامات بس قالوا انها كده و كان فيه باب تقيل و بيعلق عند القفل .المهم عملت صيانه الالف و قلتلهم ملاحظاتى كلها و ضبطوا الكاسيت و الباب و فكوا الزجاج الامامى و ضبطوا الكاوتش و ركبوه تانى و المفروض انهم ضبطوا صوت الموتور و الفرامل لكن بعد ما اخدها و مشيت لقيت صوت الموتور بيزيد و مزعج جدا و سحب العربية ضعيف و كمان الفرامل ضعيفة و الجديد انى لقيت صوت دائم من الخلف كأن فى شئ مكسور او مفكوك و وديتها تانى للتوكيل و الشكاوى مستمرة .بصراحة نفسى استبدل العربية او يا ريت ارجعها خالص لو ينفع لانى اكتئبت منها جدا و انا مش راضية عن ادائها .بيانات عربيتى: برسونا 2009 كاملة اتوماتيك -1400 كيلو حتى الان-شاسيه رقم188710 -برجاء الاهتمام و اعطائي حل

الكلام ده من عندكم فى المنتدى وبصراحه هو ده اللى مخوفنى من شراء العربية
ايه رايك برجاء الرد واستحملنى

**m.3abdel3al** · 16-03-2009 09:47 PM

الموتور ناتج من تعاون شركتين انا شايف انهم مبشرين في عالم السيارات و هما لوتس و بروتون لوتس بتصميمها الرائع لعربيات السباق و بروتون بنظرتها المتطورة لشكل و امكانيات العربية الشبابية الاقتصادية

و يا ريت لو عايز تعرف حاجات اكتر تخش على موضوع الاستاذ توت عن مواتير cam pro
و ان شاء الله تحسم الجدل الي جواك

و اتمنا اني اكون فيدتك

**m.3abdel3al** · 16-03-2009 09:57 PM

المشاركة الأصلية كتبت بواسطة hanyosman

ا امتلك سيارة برسونا 2009 من اقل من شهر و بعد تجربتها بأيام اكتشفت فيها عيوب كتير منها صوت الموتور عالى جدا جدا و كمان الفرامل ضعيفة جدا و كان الكاسيت فيه زنة جامدة و الكاوتش الخارجى من سطح العربية ما كانش واصل لحد الزجاج الامامى و كان فى فواصل فى الشنطة و الاكصدامات بس قالوا انها كده و كان فيه باب تقيل و بيعلق عند القفل .المهم عملت صيانه الالف و قلتلهم ملاحظاتى كلها و ضبطوا الكاسيت و الباب و فكوا الزجاج الامامى و ضبطوا الكاوتش و ركبوه تانى و المفروض انهم ضبطوا صوت الموتور و الفرامل لكن بعد ما اخدها و مشيت لقيت صوت الموتور بيزيد و مزعج جدا و سحب العربية ضعيف و كمان الفرامل ضعيفة و الجديد انى لقيت صوت دائم من الخلف كأن فى شئ مكسور او مفكوك و وديتها تانى للتوكيل و الشكاوى مستمرة .بصراحة نفسى استبدل العربية او يا ريت ارجعها خالص لو ينفع لانى اكتئبت منها جدا و انا مش راضية عن ادائها .بيانات عربيتى: برسونا 2009 كاملة اتوماتيك -1400 كيلو حتى الان-شاسيه رقم188710 -برجاء الاهتمام و اعطائي حل

الكلام ده من عندكم فى المنتدى وبصراحه هو ده اللى مخوفنى من شراء العربية
ايه رايك برجاء الرد واستحملنى

الحاجات دي بتتظبط في التوكيل و احتمال ان تطلع عربية بكل العيوب دي ضعييييييف جدا جدا و مع ذلك بتتظبط و بالنسبة للمتور هو صوتو عالي بس مش للدرجة المزعجة دي بص دا صوت الموتور الرياضي العادي و مع ذلك انا بحب الصوت دا جدا بس انا شايف انك لو مشغل الكاسيت على 20 مش هتسمع اي صوت خالص و الفرامل بتتحدد من نوع العربية يعني الاوتوماتيك اقوى من المنيوال لان فرامل الاوتو تعتبر فرامل و دبرياج مع بعض انما بالنسة للخفه فكل ال abs كدا بس اركب ودوس جامد هتقف ومن غير ما تميل او تتزحلق و بالنسبة لواحد ماركبش abs قبل كده هيحس انه هيخيش مهما داس على الفرامل (نفس احساسي اول ما جبت العربية ) بس والله الفرامل بتاعت العربية ممتازة

**M.almaghraby** · 16-03-2009 10:17 PM

بالنسبة لواحد ماركبش abs قبل كده هيحس انه هيخيش مهما داس على الفرامل (نفس احساسي اول ما جبت العربية ) بس والله الفرامل بتاعت العربية ممتازة

منور يا حمادة

انا لولا الفرامل الممتازة دي كان زماني في السجن مرتين امبارح بس

انا ادي الفرامل بالذات 10/10

**Ayman_52** · 16-03-2009 10:21 PM

المشاركة الأصلية كتبت بواسطة hanyosman

ا امتلك سيارة برسونا 2009 من اقل من شهر و بعد تجربتها بأيام اكتشفت فيها عيوب كتير منها صوت الموتور عالى جدا جدا و كمان الفرامل ضعيفة جدا و كان الكاسيت فيه زنة جامدة و الكاوتش الخارجى من سطح العربية ما كانش واصل لحد الزجاج الامامى و كان فى فواصل فى الشنطة و الاكصدامات بس قالوا انها كده و كان فيه باب تقيل و بيعلق عند القفل .المهم عملت صيانه الالف و قلتلهم ملاحظاتى كلها و ضبطوا الكاسيت و الباب و فكوا الزجاج الامامى و ضبطوا الكاوتش و ركبوه تانى و المفروض انهم ضبطوا صوت الموتور و الفرامل لكن بعد ما اخدها و مشيت لقيت صوت الموتور بيزيد و مزعج جدا و سحب العربية ضعيف و كمان الفرامل ضعيفة و الجديد انى لقيت صوت دائم من الخلف كأن فى شئ مكسور او مفكوك و وديتها تانى للتوكيل و الشكاوى مستمرة .بصراحة نفسى استبدل العربية او يا ريت ارجعها خالص لو ينفع لانى اكتئبت منها جدا و انا مش راضية عن ادائها .بيانات عربيتى: برسونا 2009 كاملة اتوماتيك -1400 كيلو حتى الان-شاسيه رقم188710 -برجاء الاهتمام و اعطائي حل

الكلام ده من عندكم فى المنتدى وبصراحه هو ده اللى مخوفنى من شراء العربية
ايه رايك برجاء الرد واستحملنى

اولا ..ياريت ياباشا تحطلنا لينك الموضوع اللى فيه الشكوى دى..عشان انا الصراحه اول مره اشوفها

نبدا بقى

صاحب الشكوى بيقول انه بعد الصيانه ..صوت الموتور عالى...من البدايه صوت موتور البيرسونا و الجين..عالى مقارنه بباقى انواع العربيات اللى فى نفس الفئه..وده لان شركة لوتس الانجليزيه هى اللى مشتركه فى تصميمه..وهى اصلا تصنع مواتير عربيات السباق..وبالتالى هتلاقى للموتور صوت كده مش مزعج بالعكس بيديك احساس انك راكب اسد..

هو بيقول ان الصوت زاد بعد الصيانه ..ممكن يكون لاكتر من سبب

1-نوعية البنزين مش كويسه
2-المحطه اللى كان بيحط منها مش كويسه وبالتالى الفلتر عاوز يتنظف...ودا اللى بيخلى السحب ضعيف والصوت اعلى
3-وممكن يكون عنده مشكله(بس استبعدها تماما لانها عمرها ماحصلت)

المشكله التانيه...الفرامل...هى فعلا انا بحس انها مش ضعيفه بس بتبقى محتاجه دوسه قويه شويه عشان توقف...وبالتالى هى مش مشكله ...دى هى دى طريقه عمل الفرامل فى البيرسونا...وهى بس محتاجه تعود اول اسبوعين وهتبقى عادى

تالت مشكله ..الصوت اللى ظاهر من الخلف..وهى ظهر فعلا فى كثير من عربيات الجين2 والبيرسونا...ودا حله ان فى حاجه كده ورا الكنيه بيتلف حواليها ورق الشكرتون..والصوت بيختفى تماما.

دا كان بخصوص المشاكل المكتوبه

على فكره ياباشا...حضرتك باردوا ممكن تشوف مميزات العربيه...عشان صدقنى مافيش عربيه كامله.

لو لقيت مشاكل تانيه ..انا موجود

تحيـــــــاتـــى

الموضوع: بروتون جيـن 2 .. بروتون بـرسـونــا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

اجتماع لكل ملاك بروتون مع جميع مديري بروتون في توكيل عز العرب

رسالة الى السيد هشام عز العرب وكيل بروتون وملاك بروتون

عروض بروتون فى صيـف 2010 -, شماسات بروتون الجديده + أكواب بروتون الجديده ,-

صفقة بروتون / فولكس فاجن ... انتهت .. مفيش بروتون الماني :)

الكلمات الدلالية لهذا الموضوع

المفضلات

المفضلات

ضوابط المشاركة