الموضوع: بروتون جيـن 2 .. بروتون بـرسـونــا

المشاركة الأصلية كتبت بواسطة mustafa927222

مع احترامي لكلامك أخي الكريم ، انا الي انا شايفه من الإخوة الأفاضل ان معظم رواد البروتون عموما والجين والبيرسونا حسب معرفتي لأكثر من واحد منهم حاجة من اتنين ....إما أول مرة يركبوا عربيات أو كانوا راكبيين عربيات ماركة 128وشاهيين وكده، وده طبعا مش تقليل منهم ، ولكن ده واقع انا شايفة وباين كمان من مشاركات ناس كتير هنا، وده بيدل على عدم الخبرة الي أكيد هتيجي للناس كلهم مع الوقت زي ما جت لنا، وبصراحة انا شايف انك لازم تتكلم كده لأن عندك بروتونن وعلى فكرة احنا عندنا بروتون بس مش بتاعتي انا.

المهم ان احنا هنا على الموقع المفروض بندي صورة واقعية عن السيارة الي بنتكلم عليها ، علشان مش علشان احنا اشترينا حاجة يبقى الحاجة دي لازم تكون أحسن حاجة في الدنيا.
وبعدين انا ركبت البيرسونا ، وكمان الحمد لله ركبت عدد سيارات خاصة كتير لأني أصلا كنا تجار سيارات ، وقبل كده كنت عايش في الخليج وكنت بركب كل سنة عربية زيرو تقريبا ، وعارف كويس يعني ايه امريكاني وياباني وكوري وألماني......

آخر حاجة سعر اعادة البيع للبروتون واقع جدا وده الناس كلها عارفاه ، لكن الحاجة الأهم من كل ده ان العيوب الي انتم بتتكلموا فيها دي مش حاجات سهلة ، خبط في علبة الدريكسيون ، المطبات كلها في ظهرك ، الموتور الي بيسقف ، عيوب التقفيل ، أصوات العفشة والشنطة الي لازم تعملها بشيكرتون؟
وكأنكن بتتكلم على عيوب بسيطة؟ وبنحاول نغمض عنينا على كل العيوب دي وبنقول بس مع كل ذلك ثباتها حلو؟ متقولش احنا بنطير بالعربيات؟
احنا بنتكلم للناس كلها يبقى لازم نتكلم بموضوعية ، دي عيوب جامدة جدا ومش ممكن تلاقيها في عربية تانية ، يعني مثلا الانسر والصني والكورولا والمازدا3مش ممكن تلاقي فيها عيب واحد من الي انت بتقوله.
انا نفسي نبقى موضوعينن ونقول ان البروتون مستقبل شركة كبيرة ولكنها لازالت في مرحلة الخطوات الأولى ، وانا عن نفسي شايف انها هتبقى حاجة جامدة وممكن توصل لمكانة هيونداي الي بدأت بعربيات تعبانه برضو زي البوني والهيونداي استلر ثم الإكسل ثم الأكسنت وبعد كده جت الالنترا والسوناتا قبلها وبدا الانفتاح الجامد الي احنا شايفيينه في الهيونداي، لكن البروتون لسه بدري شويه قدامها كمان10سنين على الأقل علشان تبقى اسم يوثق فيه ويعتمد عليه وساعتها مش هتلاقوا عربية لا بتسقف ولا بتخبط ولا بتزيق وهي زيرو.
انا عارف اني لما اكتب كده في موقع محبين بروتون لازم كلامي يزعل ناس، بس انا بكتب الي انا شايفه حق علشان لو في حد عاوز يكون رأي كويس عن البروتن يدخل ويشوف كلامنا ويحط ايده على العيوب ، لكن الي معاه بروتون انا شخصيا قلبي معاه وعارف هو حاسس بإيه وفي منهم الي قالي ولمحلي بأنه كان شايف انه كان في اختيارات تانية لو كان اختارها كانت بقت أفضل من كده .
ولكن عامة ده قدر ونصيب ، ومحدش يزعل مني ، وان كنت متأكد انه مفيش حد معاه بروتون يحب يسمع الكلام ده .
ولكن قديـــــما قالوا: قـــــل الحــــــق ....... ولو كـــــــــان مــــــــراً

علي فكره انت انسان مستفز
والناس عماله تتكلم معاك بذوق وادب
وانت اصلا مش من ملاك الجين ولا البروتون عموما
فياريت متتدخلش فيما لا تعرفه الا عن طريق السمع وشكلك كده انت اللي مطلع معظلم الاشعات علي البروتون
ياسيدي وفر تعبك ووقتك وخليك في حالك
واتكلم علي العربيه اللي انت راكبها اللي تلاقيها سيات والا 128
بتشبه الجين 2 بالشاهين
انت فعلا في غيبوبه
وشكلها مطوله معاك
بس روح بقي قسم تاني عيش في الغيبوبه دي
احنا بنحب العربيه
وريح نفسك