الموضوع: مطلوب نصيحه :بخصوص النيسان تيدا سيدان 2009 اتوماتيك بلس

بص ياباشا
انا معايا تيدا سيدان 2009 اوتو بلس وهيه تحفة من تحف نيسان

هقولك ( التيدا اوتو العاديه مافيهاش كل من )
1 عجلة قيادة مزودة بمفتاح تحكم للصوت
2 وسادة هوائية للراكب الامامى
3 مسند زراعى امامى مع اماكن التخزين
4 عجلة قيادة مكسوة بالجلد الطبيعى
5 حوامل اكواب امامية
6 مقاعد خلفية قابلة للطى40/60
7 مسند يد خلفى
8 احزمة امان امامية مجهزة بنظام الشد المسبق
9 جنوط رياضية 15
10 مصابيح ضباب امامية
11 فرش مخمل فاخر
12 مرآة مضاءة للراكب الامامى
13 مصباح قراءة الخرائط
14 جيب تخزين بظهر الكرسى الامامى
15تبطين مزدوج لفرش الابواب ومساند اليد
مع الملاحظة أن السى دى مختلف بين البلس والعادى
البلس فيه سى دى شينجر 6 اسطوانات وعدد 2 تويتر
العادى ليس فيه ذلك

المشاركة الأصلية كتبت بواسطة tarekmoez

انتى اللى باشا .... وانا ممتن لك جدااااعلى المعلومات القيمه اللى بعتها
وانا ملاحظان الفروقات قيمه وجميل جداا ان تكون فى العربيه ... بس انا كنت بفكر وبادرس اهميتها علشان اشوف هل حتستاهل كلمه بلس ال 13 الف جنيه الفرق
واخيرا...انا عايز منك توضيح تانى علشان انا كنت قريت انه فى فرق فى امكانيات الفرامل (الاوتو العادى مافهاش Abc مانع الانغلاق فى الفرامل) وكمان عايزاعرف هل فى اختلافات برضه فى التكييف وهل هو ديجتال فقط فى البلس
وكمان عايز اتاكد منك ان الفروقات الى انتى ذكرتها تنطبق على موديل 2009

انا ممتن جداا لاهتمامك بتوضيح استفساراتى وانا فعلا متشوق لامتلاك نيسان تيدا وعلشان كده باقرا عنها كل حاجه بقالى اسبوعبن... بالمناسبه هل فيه لينك او سيتيوضح الفروقات بين موديلات نيسان يدا
وانا فى انتظار اسمع راى حد معاه تيدا سيدان اتوماتيك عادى

والله حقيقى انا مش عارف ازاى اشكرك على زوقك وكلامك الحلو ده
بصراحة انا من حبى فى التيدا نفسى الناس كلها تشتريها لإنها فعلاً عربيه ممتازه فوق الوصف سواء كان ب اوبشن او من غير اوبشن كفايه انها تيدا الاسم ده لوحدة عمل لنيسان مكانة عالية اوى بين سيارات العالم ده حقيقى

اولاً الامكانيات دى تستاهل 13000 ج وهاتحس بيها
بالنسبة للفرامل الاوتو العادى فيها ABS/EBD حسب ماموجود فى بورشور العربيه او كتالوج الدعاية بتاعها
التكييف ديجيتال بس فى البلس فى التانيه تكييف عادى
ايوه الفروقات دى فى 2009 والامكانيات دى فى 2009 بس
خد اللينك ده شارح لك مميزات التيدا بالتفصيل وبالصور
http://nissan-me.com/Arabic/Pages/ve...edan/index.htm
بالمناسبة العربية اللى بتنزلنا فى مصر مافيهاش مثبت سرعة وبلوتوث ودول بيكون مكانهم فى عجلة القيادة الجهة اليمنى
على فكرة العربية من جوه اوسع مما تتخيل سواء اللى قاعد قدام او على الكنبة ورا والشنطه واسعة بطريقة غريبه رغم انها شكلها صغير اوى من برة انا جربتها قبل كده فى حمولة كتيرة بصراحة شالتهم كلهم ومريحة كمان

فى حاجة مهمه كمان انا اشتريت العربية من السبع اوتوموتيف لقيتهم حطينلى فيها مفاجأه وهيه بلوتوث كاركيت واسمه باروت الجهاز ده يمعلم بيتباع ب1500 وهمه حاطينهولى هدية فى العربية بصراحة الجهاز ده مالهوسش حل ممكن من خلاله وبدون استخدام موبايلك تعمل اتصال وتسجل فيه اسامى وتختار نغمات وتحمله صور علية من موبايلك وتسمع اللى بيكلمك من سماعات العربية وحاجات تانية كتير حلوة
ياريت لو تشترى العربيه تشتريها بالجهاز ده
وده الرابط بتاع الجهاز
http://www.parrotshopping.com/fr/p_p...wed.aspx?f=223
الجهاز ده فرنسى مش صينى
وانا تحت امرك فى اى اسئلة تانيه او اى استفسارات
واسف على الاطالة

العربيه عندى بحس فيها بالنقلة تانى حاجة التابلو عندى بحس انو مش متثبت بدرجة عالية
ممكن يكون ده عيب فى عربيتى انا بس والله اعلم