تعمل إيه مع سواق نقل غلس؟؟

**m_aash** · 29-08-2007 03:28 PM

تعمل إيه لو ماشى فى الطريق و قدامك نقل أو تريللا و سواقها ماشى معرضها و مش عاوز يعديك ( وهاتفرق لو كان ميكروباص؟)
أرجو أن يقوم كل واحد بإبداء رأيه و طريقة تصرفه .

**khalid_adel** · 29-08-2007 04:05 PM

بص ياسيدي طبيعي جدا انك وانت ماشي شمال (طبعا دي الحاره الخاصه بالتريلات فقط ) تلاقي تريلايه طالعه بتكسر عليك ورايحه شمال عشان يعدي من تريلا تانيه ماشيه يمين ( ماهو مش حيفضل ماشي ورا تريلا ابطأ منه) المهم يطلع وافضل اديلو نور بغباء فيها بتاع نص ساعه ( لحد ماالمبه اليمين عندي اتحرقت :| ) على بال مايعدي من التريلا اللي جنبه ويدخل يمين تاني
المهم بعد ساعه كده بطلع قدامه واقوم مهدي ولما اسمع صوت فرملته الجميله وافضل ماشي بتاع 40 او 20 كمان واخنقه شويه كده وامشي بعد كده عادي ( عشان يحرم يطلع شمال تاني واضيع وقته)
اما بقى ساعات كتير ابقى ماشي بسرعه والاقي نقل ماشي شمال واكيد ماشي بطئ اديله نور كتير من بعيد(تأكيد ان اللمبه اتحرقت ومش حتشتغل تاني :shock: ) الاقيه برضه مش حيتحرك وانه مقتنع بكده فانا مش بضيع وقتي واخد يمين واخلص يمكن انا الغلطان برضه والله اعلم

**Nile Heart** · 29-08-2007 08:48 PM

د انا بقيت معلم فى تأديب سواقين النقل دول!!

رايح جاى على طريق الأساعيليه كل يوم, اللى ماشى شمال وعامل فيها اهبل اجى امامه واهدى حبه حبه لحد ما أقف تماما وبعدها استمتع بصوت موتوره وهو بيموت عشان يجمع ويا سلام لما يكون محمل أو فى مطلع!
وفى 90% من الحالات الاقيه راح لليمين ومشى مؤدبَ!
انا مش عارف انا موهوم ولا لآ بس فعلا بقيت أحس ان نسبة اللى بيمشوا شمال بقت أقل :) يظهر انى ربيتهم

**bassam nagy** · 29-08-2007 09:59 PM

اخوانا بتوع النقل الكبير ما ينفعش الهزار معاعم خالص دول مش بيتفاهموا

**kareem_Ashmawy** · 29-08-2007 10:25 PM

اخوانا بتوع النقل الكبير ما ينفعش الهزار معاعم خالص دول مش بيتفاهموا

صح معاك حق بس ممكن برده تهزر من بعيد لبعيد ن اى اقتراب منهم مش هيكون فى مصلحتك بتاتا :D :D :D :D

**amrrashed** · 30-08-2007 02:35 AM

ولا حاجة احاول اعدى منه واشتمه ولكن انت الخسران لو حاولت تفهمه ان هوا غلطان لانه فاكر ان هوا الانسان الصح الوحيد فى العالم

**Karim_Monir** · 30-08-2007 03:19 AM

وانا كمان مش باسيبهم ابدا
لازم بعد ماعدي منهم افرمل واغلس عليهم قوي وفي منهم كتير جدا بيضرب السرينة العالية اللي بتسرع دي ولا بتاثر معايا

اظرف واحد بقي كان من اسبوعين كانت تريلا بمقطور مرسيدس وكان ماشي اكتر من 140 والمقطورة عمالة تطوح ومبهدل الناس وراه زلط وعامل رعب
جريت وراه وحرقت وجيت قدامة اغلس علية قعد يغرس وكان هايقلب عربيات ناس وبهدل جامد قوي قمت جريت وعند كمين الكيلو 42 دخلت الكمين بسرعتي وهديت مرة واحد واناعارف اني اتصور رادار عشان في ردار دخلت على الامين اللي هناك انا اعرفة قولتة السواق ده مبهدل الطريق كلة وبيجري ورايا وهو عارف اني عارف اني في رادار ثابت يومي هنا قاللي شايفينة جاي بيطوح ومستنينة عداني من غي رما ياخد الرخص وطلع جدع جدا وقال للظابط كمان فهمة ومسكوة روقة المهم وانا في المراية شايفة شاب صغير ماكملش 25 سنة وشكلة كان شارب طينة

ونفس الحركة عملتها في طريق اسكندرية اللي بعد البوابات بلغت نقيب المباحث اللي واقف في الكمين وقلتلة عمل لولادي رعب برضه قاللي ده مش شغلي بس والله يا اروقهولك بجد :mrgreen: :mrgreen: :mrgreen: :mrgreen:

**Islam_galal** · 30-08-2007 09:55 AM

الهزار مع النقل خطر و خاصة لو الطريق فاضي او مهجور شوية لأنه ببساطة ممكن يخلص عليك
ايوه يخلص عليك ، صدقوني بتحصل دي عالم رايحه فداهيه و دايما سكرانين طينه
لازم الواحد يتأكد من الطريق مأمون قبل ما يفكر يرد عليهم

-

الموضوع: تعمل إيه مع سواق نقل غلس؟؟

LinkBack

أدوات الموضوع

عرض

تعمل إيه مع سواق نقل غلس؟؟ - انشر الموضوع فى :

-

-

-

المواضيع المتشابهه

عيب سواق ولا عيب عربية؟

سواق ميكروباص

لو راكب عربية وفى اشارة وبتبص يمينك لقيت سواق بيشرب مخدرات تعمل اية

سواق درجة أولى بجد

تعمل ايه لو لقيت واحد سواق مات وهو سايق(موقف حقيقي).

الكلمات الدلالية لهذا الموضوع

المفضلات

المفضلات

ضوابط المشاركة