متى تعرف انك فى هندسة ؟؟

**mando_07** · 23-02-2009 07:13 PM

>>متى تعرف انك فى هندسة ؟
>>
>> لما مرة واحدة تحس ان الناس كلها شبه بعضها , ولاد و بنات مع انهم مش كدة ,
>>لكن التعبيرات ال على وشوشهم واحدة !!
>>............ ......... ......... ......... ......... .. ..
>> لما تلاقى الراجل ال على الباب بيدخل الناس كلها من غير ميسألهم فين
>>الكارنيه , لكن ييجى عندك انت و يمسكك , عرف منين انك من بره الكلية ؟ اكيد
>>عشان مش شبههم ... لو بتروح كتير ممكن تكتسب الشبه ده و لو نفسك اوى ابقى حل
>>شوية شيتات و خش ورشة مرة ...!
>>............ ......... ......... ......... ......... .. ..
>> لما تيجى تخش المحاضرة تلاقى واحد مطلع من شنطتوا كتب المنهج كلها , و
>>راصصها عالبنش كأنوا بيبيع جرانين و تيجى تسألوا يقلك : "محجوز ياباشمهندس"
>>( و لو ركزت اكتر ممكن تلاقى مجلات , وجرانين , اخبار ... اهرام ... يعنى مش
>>ده المهم , دة الي لاقاه الراجل فى البيت هيعمل ايه يعنى ؟!! )
>>............ ......... ......... ......... ......... .. ..
>> لما تمشى و تلاقى اتنين ولد و بنت , قاعدين لوحدهم , قاعدة شاعرية , فى وسط
>>جنينة خضرا , و العصافير بتزقزق , وتيجى تقرب منهم عشان تسمع بيقولوا ايه !
>>تلاقى لوحة مرمية وراهم والولد ماسك فى ايده مثلث و بيقول :" و دى ياحبيبتى
>>طريقة استنتاج المسقط الثالث , عشان تعرفى بس انا بحبك و بعزك قد ايه "!
>>............ ......... ......... ......... ......... .. ..
>> لما تيجى ماشى و تلاقى واحد بيسأل البواب القاعد على باب المبنى , بيقول له
>>" لو سمحت يا بشمهندس هو سكشن 10 فين ؟؟؟" مع انه بواب , وشكله بواب و ماسك
>>مقشة فى ايده , بس هو الواد اتعود على الكلمة خلاص !!!
>>............ ......... ......... ......... ......... .. ..
>> لما و انت بتتمشى فى الكلية , وبتبص عالحيطة بالصدفة تلاقى ورقة متعلقة ورا
>>الباب و مدلدلة وواقعة , مكتوب فيها ما يفيد بأنك عندك امتحان تانى يوم ,
>>ممكن تسقط لو مامتحنتوش , بس هيعملولك ايه يعنى انت الي ماقرأتهاش , هما
>>عملوا العليهم و علقوها !
>>............ ......... ......... ......... ......... .. ..
>> لما تخش الكافيتريا تلاقى ورقة محطوطة مكتوب عليها : "ممنوع لعب الكوتشينة"
>>و جنب الورقة بالظبت اربعة قاعدين بيلعبوا استميشن , وبيكتبوا على ظهر الورقة
>>دى نتيجة البولة البيلعبوها ... و لو نظرك يجيب بقى حاول تبص و تطلع حد مش
>>قاعد بيلعب كوتشينة فى بقيت الكافيتريا!!!!!
>>............ ......... ......... ......... ......... .. ..
>> لما تلاقى اغلبية طلاب الكلية دة لو مش كلهم بيتخذوا قانون الضرايب الجديد
>>كشعار لهم و هو
>>
>>" مصلحتك اول
منقول

**حماده عزو** · 23-02-2009 07:37 PM

جامده موت
الحمد لله أنى أنا مدخلتش كليه الهندسه رغم حبى للميكانيكا لكن عموما كل ميسر لما خلق له

**powersha** · 23-02-2009 07:52 PM

للاسف اتدبست ولى كان كان هانت قضيت نصف المده فاضل النص التانى
هو مينفعش اتخرج حسن سير وسلوك ؟؟؟؟؟

**ASKAFRAWY** · 23-02-2009 08:01 PM

ياسلام دى الكلية متغيرتش من 7 سنين!!فكرتنا بالذى مضى!!
وممكن تعرف انك فهندسة لما اول ماتدخل من باب الكلية تحس بكابة غير طبيعية وماتتحسنش حالتك النفسية الا وانت مروح بيتك!!
وممكن تعرف انك فهندسة لو لقيت الدكاترة والمعيدين على وشهم كابة الدنيا!!
تحس انك فهندسة لما تلاقى نفسك مش لاقى وقت تشم نفسك من كتر الامتحانات!!

كفاية بقى لحسن هعيط

**mando_07** · 23-02-2009 08:32 PM

طب الحمدلله أني مش أنا بس اللي متعقد من هندسة دي تالت سنة ليا بس حاسس كأني بقالي ٣٠ سنة فيها أنا مدني على فكرة ويا ريت يكون الموضوع عجبكوا

**islambana** · 23-02-2009 09:03 PM

كلامك كله صح هوا اللي بيحصل في كليات الهندسه

**mando_07** · 23-02-2009 10:15 PM

للاسف بس خلاص اتعودنا المفجأة بتبقى في أول سنة

**ASKAFRAWY** · 23-02-2009 10:43 PM

المشاركة الأصلية كتبت بواسطة mando_07

للاسف بس خلاص اتعودنا المفجأة بتبقى في أول سنة

يس بعد 7 سنين من التخرج بتحس انك فعلا استفدت من الكلية حتى لما بتحتاج اى معلومة فشغلك بتبقى سهلة جدا عليك انك تلاقيها!!
هتحس بكلامى بعد التخرج!!انا طبيعة شغلى بتخلينى كل 5 سنين ادرس فالاكاديمية البحرية بحس انها ولاحاجة جنب الدراسة فهندسة!!لا تندم فان الافادة بعد التخرج!!

-

-

الموضوع: متى تعرف انك فى هندسة ؟؟

LinkBack

أدوات الموضوع

عرض

متى تعرف انك فى هندسة ؟؟ - انشر الموضوع فى :

-

-

-

-

-

-

المواضيع المتشابهه

عايز تعرف انت مكتئب ولا طبيعي خش وجاوب وانت تعرف ؟

تنظيم ..هندسة...فيديو

تعرف منين أنه المساعد و تعرف منين انها السوستة

هندسة ميكانيكا سيارات

الكلمات الدلالية لهذا الموضوع

المفضلات

المفضلات

ضوابط المشاركة