للسادة خبراء المنتدى(خاصة فى الميكانيكا): هل اشترى هذه السيارة؟

قدامى سيارة فيتارا 2000cc موديل 97، صاحبها من النوع الذى يراعى سيارته باستمرار(حسب كلام واحد زميلى فى الشغل). انا احتاج مثل هذه السيارة نظرا لانى اقطع 70 كيلومتر يوميا على الدائرى، الذى يتميز بهبداته، لذلك احتاج الى عفشة ناشفة.
المشكلة انها عاملة 200.000 كيلومتر. انا احس ان هذا الرقم كبير، وان العمر الافتراضى لاجزاء كثيرة من السيارة و الموتور قد تكون قاربت على الانتهاء. وكما قلت هذا احساس، لانى لست خبيرا فى الميكانيا عامة، والفيتارا بشكل خاص. الرجاء الافادة ممن يملكون المعرفة، فى ميكانيكا السيارات عامة، والفيتارا بشكل خاص ان امكن.
وشكرا مقدما للردود.

ممكن تسأل فى القسم الخاص بالسوزوكى فيتارا
http://www.nilemotors.net/Nile/archi....php/f-56.html

اقتباس:

---

المشاركة الأصلية كتبت بواسطة zazw

ممكن تسأل فى القسم الخاص بالسوزوكى فيتارا
http://www.nilemotors.net/Nile/archi....php/f-56.html

---

شكرا يا باشا، بس اللى خلانى اعمل الموضوع فى القسم العام هو انى عملت قبل كده موضوع فى قسم السوزوكى ولم يرد على غير اخ فاضل واحد فقط لاغير. يبدو ان الاخوة فى قسم السوزوكى فى حالة بيات شتوى :36_1_50[1]: :POINTI~2[2]:

على فكرة العربية اوتوماتك

اقدر اقولك ان العربية عجزت اوى وممكن فى اى لحظة تعمل معاك الدنيئة فى الدائرى فبلاش احسن ... غير ان واحد قريبتى معاها العربية موديل 2003 ولازم العربية كل اسبوع تبات يومين برة كدة عند الميكانيكى .... بلاش بلاش بلاش

ايه يا جماعة، هم فين الخبراء بتوعنا، هم كمان فى سبات شتوى ولا ايه؟
يا سبعااااااااوى ....... يا محمد ممدوووووووح.... يا Aquasherif
:eee::eee::eee:

اقتباس:

---

المشاركة الأصلية كتبت بواسطة amrrashed

اقدر اقولك ان العربية عجزت اوى وممكن فى اى لحظة تعمل معاك الدنيئة فى الدائرى فبلاش احسن ... غير ان واحد قريبتى معاها العربية موديل 2003 ولازم العربية كل اسبوع تبات يومين برة كدة عند الميكانيكى .... بلاش بلاش بلاش

---

ياه للدرجة دى.... حتى الموديل الحديث نسبيا كمان بيعمل الدنيئة؟ شكرا يا باشا على المعلومة.