دايو لانوس - Frv - نيو أكسنت - كيا ريو

**ahmedmido444** · 23-02-2009 11:11 PM

السلام عليكم
بعد البحث فى سيارات كتير ما بين 70 إلى 80 ألف
حصرت إختيار الشراء فى 4 سيارات
1-شيفورليه لانوس
2-بريلينس FRV
3-New أكسنت
4-كيا ريو

أتمنى مساعدتكم فى الإختيار ما بين هذه السيارات

**ezzatfox** · 23-02-2009 11:43 PM

انا كنت فى نفس حيرتك دى من شهر و حسمت الاختيار على النيو اكسنت للاسباب الاتية:
اللانوس بصراحة مفكرتش فيها خالص شكل قديم و تكنولوجيا قديمة و مفيهاش اى تجديد
ال frv كانت عجبانى بس رحت اتفرجت عليها و قلقت منها فى اخر لحظة و حسيت انها مغامرة و اكثر حاجة خوفتنى منها تقفيل الموتور كان شكلة وحش اوى خاصة انى عرفت انة صينى بالكامل مصنع بتكنولوجي خاص بشركة ميتسوبيشى و بعدين بردة ثمنها مش قليل عشان الواحد يغامر.
و كنت حصرت الاختيار بين الريو و النيو اكسنت و بعيدا عن الشكل الخارجى لانة بيعتمد على ذوق كل واحد و بالنظر الى امكانيات و مواصفات السيارة نفسها لقيت ان العربيتين واحد فى كل شىء تقريبا ما عدا 6 نقاط
اولا: الموتور و دة فى صالح النيو اكسنت 1600 بتكنولوجيا الجيل الثالث cvvt و قوتة و تسارعة رهيب بالاضافة الى تلافى عيب استهلاك البنزين الملازم لكل السيارات من نفس الفئة .
ثانيا: الصالون انا ارتحت لصالون النيو اكسنت اكثر و خصوصا التقفيل بتاعة كانة يابانى لان العربية بالكامل كورى باستثناء الكاسيت و الانذار
ثالثا : السعر و دة لصالح النيو اكسنت فرق حوالى 3 او 4 الاف جنية .
رابعا: التوكيل و دة لصالح الريو لكن غبور مش وحش اوى زى ما بتسمع .
خامسا: سعر اعادة البيع و دة لصالح النيو اكسنت
سادسا : ان انتشارها اكثر من الريو و بالتالى فان قطع غيارها ارخص
و متنساش انها دلوقتى ب 77 الف مانيوال كاملة تجميع كورى .
ارجو ان اكون قد افدتك

**mahmoud_magdy** · 24-02-2009 02:49 AM

انا ركبت العربيه اكسنت وبصراحه هيا حلوه وواسعه من جوه وكانت مريحه بالنسبالي
وال لانوس ركبتها كتير هيا كويسه وقطع غيارها رخيصه (اتأكد من قسم الدايو) ومريحه نسبيا ووسعها مش بطال
انا شايف ان الاكسنت كويسه
لكن حاول تفكر في البيرسونا مثلا عربيه كويسه وفي ناس مجرباها في المنتدى ( قسم بروتون) اعتقد انها هتكون اختيار سليم