طلب خاص من الأخ شاركى (كيفية عمل Aux )

**didomotors** · 23-02-2009 11:26 PM

السلأم عليكم اولأ
بعد اّنك يا أخ شاركى كنت عاوز اعرف طريقة تركيب كابل ال Aux للكاسيت

**Ahmed Selim** · 24-02-2009 12:24 AM

الموضوع ده ممكن يفيدك

اخيرا توصيلة Aux للميجان في مصر

**Sharky** · 24-02-2009 09:44 AM

مش لاقى رد بعد رد الوحوش أحمد و هانى

**ecybrarian** · 24-02-2009 01:00 PM

انا عندي وصلة Aux زيادة جاهزة للميجان ...وتحت أمرك لو عايزها

**renault monster** · 24-02-2009 01:43 PM

انا كنت ناوي اغير الكاسيت يا رجاله بس لو لقيت الوصلة دي طبعا مش هغيره بس انا عندي سؤال

انا الكاسيت بتاعي شريط :(

هتركب؟؟

ربنا يبارك فيكم

**chato_eg** · 24-02-2009 02:20 PM

أنا كل الكاسيتات إللى بشريط إللى شفتها فى التوكيل بيبقى مكتوب عليها " Tuner List "......غالبا بتاعك كده...إتأكد برضه
بتبقى مكتوبة تحت على اليمين عند زر ال " mode "...

على كل....كل الكاسيتات ال "tuner list " مش هتنفع معاها الوصلة دى

ده غير إن الوصلة دى لم نعثر عليها غير فى شركة واحدة فقط فى مصر...محتكرين صناعتها و زى ما شفت فى الموضوع - إللى ال link بتاعه أحمد عبد المقصود تفضل مشكورا بإرساله - إنهم بيبيعوها ب 75 جنيه...

إنت عندك حد يعمل الكلام ده...و هل ال terminals و ال mini ISO connectors موجودة فى السوق....؟؟
لإن الوصلة دى مش حاجة جاهزة..دى بتتعمل عمولة

لو عايز تريح دماغك...عليك و على ال MP3 CD بتاعها لو ينفع يركب...لكن هناك خبر بإن ال MP3 CD الأصلى لن يصلح مكان ال كاسيتات ال tuner list نظرا لاختلاف التوصيلات الخلفية....

إيه إللى مزعلك من ال mp3 player إللى معاك بال FM modulator ؟؟؟

**renault monster** · 24-02-2009 04:11 PM

الكاسيت عندي شغال بس صوته مش عاجبني

انا عندي اي بود واي تريب يشغل الايبود عالراديو بس برضو انا مش راضي عن الصوت لانه في وشه خفييييفة

طب ايه رأيك اركب سي دي تحت الشريط؟؟؟

وعايز اسأل

في طريقة للCD Changer علشان يركب عالكاست بالاسلاك ولا لازم عالراديو؟

وايه رأيك برضو cd changer ولا اركب mp3 cd؟؟؟؟

اسف عالاطاله وفي انتظار الرد

**chato_eg** · 24-02-2009 07:02 PM

لو ركبت أى Head Unit تانية...مش هتعرف تشغل ال controls إللى فى الذراع وراء الدركسيون

لو النقطى دى مش فارقة معاك....أسهل حاجة هى تركب كاسيت جديد و يكون بقى MP3 و لا DVD حتى...

لو فارقة معاك و عايز تحتفظ بالتحكم من الذراع...يبقى الحل الأسهل و الأسرع لكن مكلف.....هو ال CD changer بتاعها من التوكيل
له فتحة جاهزة فى ال head Units الأصلية سواء Update list أو Tuner List ...
إللى عندنا فى مصر فى التوكيل بيأخذ 10 إسطوانات MP3 & WMA و أماكن الأسلاك ( إن لم تكن الأسلاك نفسها ) موجودة و جاهزة ...و مكان وضع الجزء الذى يثبت داخل السيارة للتحكم فى ال changer هو تلك المنطقة تحت ال Head Unit التى نستعملها لوضع الموبايلات

**chato_eg** · 24-02-2009 07:09 PM

آآه نسيت أقولك على حاجة
فى حاجة إسمها Tune Point
عبارة جهاز ما....من ناحية يتوصل بال Head Unit و من الناحية الأخرى له 3 مخارج ( Audio , USB, IPod )....
ثمنه على موقع رينو 170 جنيه إسترلينى
فى بعض الأشخاص على منتديات أجنبية ذكروا أنه ب 80 جنيه إسترلينى فقط
ده شكله
http://www.renault.co.uk/ownerservic...tunepoint.aspx

لما سألت عليه فى التوكيل قالوا لى نبعت نجيبه من فرنسا بال DHL لكن ال system كان down ساعتها علشان السنة المالية...فلم أتمكن من معرفة التكلفة....
بس إنت طبعا كلك مفهومية و عارف 170 إسترلينى ولا حتى ال 80 بعد ال DHL و الجمارك و مكسبهم و التركيب...أفتكر الثمن هيساوى فرقة فنون كاملة بالناس و ال stage كمان