قيادة سيارة الغير في قانون المرور الجديد؟

السلام عليكم ورحمة الله وبركاته ........انا عايز استفسر عن سواقه عربيه الغير مع وجود رخصة العربيه ..هل هي ممنوعه ؟...لاني احيانا باخد عربية اخويا (عربيه شركه) وهي اساسا الشركه اجرتها له من مكتب تاجير ...والرخصه فيها اسم المكتب (المكتب عامل توكيل قياده لاخي) ...هل لو اتمسكت بيها هيبقى غير قانوني ؟؟...وايه العقوبات في قانون المرور الجديد ؟ ...وشكرا

هيا فعلا بقت مخالفه
اخويا كان سايق عربيتى ووقف فى لجنه واخدو منه الرخص لقوها مش باسمه قالهم دى عربيه اخويا قالولو لازم توكيل منه
وعمار يامصر

طيب وتطبيق الكلام دة من امتى!!!
هو مفيش موقع نعرف منه قوانين المرور الجديدة!!!
ولا كل يوم هيكون فى قانون على مزاجهم!!!
دى حاجة تحرق الدم

معقوله الكلام ده يعنى الاخ ياخد توكيل من اخوه لقيادة سيارته

طب انا عربيتى ياسم والدى وطبعا معنديش توكيل هل في مشكلة

انا خلاص حاروح اركب فى دماغى blow off valve علشان أخرج الضغط الزيادة....:_Alshmokh08[1]:يعنى احنا حانلاقيها من الطرق و الاسفلت الزبالة و لا من عادم العربيات اللى الزمن اداها ضهره و لا من سوء تخطيط الشوارع و المدن اللى معظمها من ايام الانجليز و لا من عربجية الميكروباص و الاتوبيسات و التكتك و لا من ايه و لا ايه ؟!!! هما ليه مش شايفين الا نفسهم بس ؟؟ طيب و احنا فين ؟ المنطقى ان انا لو سايق العربية من غير رخصة تسيير اتمسك و اتحبس على اساس انى سارق العربية انما لو معايا رخصة العربية اتمسك و اكع كمان ؟!!! يا خى توكه :_Alshmokh08[1]:!!!!!
احنا اتحولنا لمجرد و رق ماشى على رجلين و بكره يخلونا نعمل وشم لى ضهرنا مكتوب فيه السيره الذاتية من ساعات ما جينا الدنيا على ارض الحروسة سابقا الموكوسة حاليا

اقتباس:

---

المشاركة الأصلية كتبت بواسطة gemino

انا خلاص حاروح اركب فى دماغى blow off valve علشان أخرج الضغط الزيادة....:_Alshmokh08[1]:يعنى احنا حانلاقيها من الطرق و الاسفلت الزبالة و لا من عادم العربيات اللى الزمن اداها ضهره و لا من سوء تخطيط الشوارع و المدن اللى معظمها من ايام الانجليز و لا من عربجية الميكروباص و الاتوبيسات و التكتك و لا من ايه و لا ايه ؟!!! هما ليه مش شايفين الا نفسهم بس ؟؟ طيب و احنا فين ؟ المنطقى ان انا لو سايق العربية من غير رخصة تسيير اتمسك و اتحبس على اساس انى سارق العربية انما لو معايا رخصة العربية اتمسك و اكع كمان ؟!!! يا خى توكه :_Alshmokh08[1]:!!!!!
احنا اتحولنا لمجرد و رق ماشى على رجلين و بكره يخلونا نعمل وشم لى ضهرنا مكتوب فيه السيره الذاتية من ساعات ما جينا الدنيا على ارض الحروسة سابقا الموكوسة حاليا

---

الراجل دا بيتكلم كلام زى الفل
بس هدى اعصابك لتروح ضحيه قوانين المرور

لما تبقى عربيه الوالد قانوني انك تسوقها علشان انا عربيتي باسم الوالد ولسه الاسبوع اللي فات امين شرطه شاف الرخص في احمد عرابي وماحصلش حاجه ...انما الاختلاف في عربيات الغير ...يعني لما انوي استلف عربيه اخويا ابقى عامل حسابي قابلها بيومين تلاته علشان يعملي توكيل؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة nomercy22

طب انا عربيتى ياسم والدى وطبعا معنديش توكيل هل في مشكلة

---

ايووووووووووووه فيها خلي بالكوا يا جماعه
كذا مره واحد يرخم لما اركب عربيت والدي ويقلي فين التوكيل
اشتروا دماغكوا يا جماعه واعملوا توكيل ده ب 15 جنيه
ولو مش توكيل كموبيتر بيبقه ارخص
وحط فيه كل اسامي الي بيركبوا العربيه

المطلوب صاحب العربيه يروح ومعاه رخصت العربيه ويطلب توكيل سواقه وتعامل مع المرور في كله حاجه ما عدا البيع:44:

كان فى موضوع بنفس الأستفسار دة من فترة وناس كتير أكدو انة مفيهاش مشكلة
وفى واحد مش فاكر والدة ظابط تقريبا قال ان الموضوع مفيهوش اى مشكلة خالص الا لو العربية متبلغ عنها انها مسروقة

وانا عمرها ما حصلت معايا وحد علق على الموضوع دة حتى فى الكمائن اللى فى المناطق اللى فيها قلق زى سيناء برضو مقابلنيش اى مشكلة

القانون الجديد مفهوش نص للموضوع دة اساسا بس هما بيسئله عليه رخامة وتلكيك فقط ، قال يعني ممكن تكون العربية مسروقة وصاحبها سيب الرخصة فيها، أو الواد واخد العربية من ورا اهله، بس حلها بسيط انك تسئله العربية دي متبلغ بسرقتها ولا اية هيقالك لأ اتفضل وخلاص.
وكن في مشاركة ثانية عن الاستفسار عن توكيل القيادة اللى يحب يطلع عليها اللينك http://nilemotors.net/Nile/showthread.php?t=59165

انا سافرت بعربيه اخويا شرم قبل كده

كل اللى وقفونى سألونى عن التوكيل قلت لهم دى عربيه اخويا

محدش رخم معايا

بس بيسألوا دى عربيه مين

بس توقع الرخامه لانك مصرى عايش فى مصر

بس كنت بركب مع اجانب بيبقوا سايقين ولا حد بيشوف اكتر من الرخصه ورخصه السواقه ومحدش عمره قدر يسألهم عن التوكيل

صاحبي بيسوق عربيت أبوه وعلى طول بيخنقوا عليه في اللجان بس بيعدوه في الآخر

طب انا وضعى اية ... ؟؟

العربية اصلا بأسم الوالد ... و طبعا واضح فى رخصة السواقة و البطاقة الشخصية بتاعتى انى ابنه ( من الأسم ) ... لكن انا بسوقها اكتر من 10 شهور فى السنة نظرا لظروف عمل الوالد ..

لازم اعمل التوكيل والكلام اللى سمعت عنه ده ؟؟

اقتباس:

---

المشاركة الأصلية كتبت بواسطة pro_samir

كان فى موضوع بنفس الأستفسار دة من فترة وناس كتير أكدو انة مفيهاش مشكلة
وفى واحد مش فاكر والدة ظابط تقريبا قال ان الموضوع مفيهوش اى مشكلة خالص الا لو العربية متبلغ عنها انها مسروقة

وانا عمرها ما حصلت معايا وحد علق على الموضوع دة حتى فى الكمائن اللى فى المناطق اللى فيها قلق زى سيناء برضو مقابلنيش اى مشكلة

---

بس مسيرك هتقابل حد

طيب ما اخويا ماشي من غير نمره وره وفاميه بقاله سنتين معنه كده ان مفيش حد مسكه يبقه الي بيعمله صح ؟؟؟؟؟؟؟؟؟

علي رأي ضابط في المرور بيقولي هيا ارزاق :C_laugh[1]:

اقتباس:

---

المشاركة الأصلية كتبت بواسطة M_Nabil

القانون الجديد مفهوش نص للموضوع دة اساسا بس هما بيسئله عليه رخامة وتلكيك فقط ، قال يعني ممكن تكون العربية مسروقة وصاحبها سيب الرخصة فيها، أو الواد واخد العربية من ورا اهله، بس حلها بسيط انك تسئله العربية دي متبلغ بسرقتها ولا اية هيقالك لأ اتفضل وخلاص.
وكن في مشاركة ثانية عن الاستفسار عن توكيل القيادة اللى يحب يطلع عليها اللينك http://nilemotors.net/Nile/showthread.php?t=59165

---

+1111111111

فعلا بالبحث فى نصوص القانون تعذر الاستدلال على نص مانع من هذا الموضوع .. وبالتالى يظل على الأصل فى الأشياء وهو الاباحة ... وده برده متفق مع المنطق .. هو ايه المطلوب فى قانون المرور ..... مش أن السائق يكون مجاز فى القيادة ... وأن تكون السيارة مرخصة ومستوفية عوامل الأمن والمتانة؟

طب ما هو ده يتم اثباته من واقع رخصة قيادة السائق .... ورخصة تسيير المركبة ... بغض النظر عن ملكيته للسيارة من عدمه .... طالما كان السائق يقود سيارة من الفئات التى يملك قيادتها ..... يعنى مثلا رخصة القيادة الخاصة لا تجيز قيادة ميكروباص ولا نقل....

حتى أنا زمان والدى - رحمه الله - كان علمنى حاجة .. إياك تسيب رخصة السيارة فى الشماسة أو التابلوه وما إلى ذلك .. عشان لو السيارة اتسرقت بتبقى الرخصة مستند إن حيازة السيارة مع قائدها حيازة شرعية ... إلى أن يثبت العكس بقى .. وحل لى ...

اقتباس:

---

المشاركة الأصلية كتبت بواسطة moudy88

لما تبقى عربيه الوالد قانوني انك تسوقها علشان انا عربيتي باسم الوالد ولسه الاسبوع اللي فات امين شرطه شاف الرخص في احمد عرابي وماحصلش حاجه ...انما الاختلاف في عربيات الغير ...يعني لما انوي استلف عربيه اخويا ابقى عامل حسابي قابلها بيومين تلاته علشان يعملي توكيل؟؟؟؟؟؟؟؟؟؟؟؟؟

---

ده امين كويس بس لو حد عاوز يتلككلك حيطلعلك اى عيب

اقتباس:

---

المشاركة الأصلية كتبت بواسطة احمد عز

ده امين كويس بس لو حد عاوز يتلككلك حيطلعلك اى عيب

---

حتى ولو كان ابن ستين....... مايقدرش يعمل حاجه لان العربيه بتاعت والدي وانا عندي 20 سنه وماينفعش امتلك عربيه باسمي وماينفعش يعملي توكيل لذلك سياده الامين يخبط راسه في اجدع حيطه لاني ماشي قانوني

اقتباس:

---

المشاركة الأصلية كتبت بواسطة moudy88

حتى ولو كان ابن ستين....... مايقدرش يعمل حاجه لان العربيه بتاعت والدي وانا عندي 20 سنه وماينفعش امتلك عربيه باسمي وماينفعش يعملي توكيل لذلك سياده الامين يخبط راسه في اجدع حيطه لاني ماشي قانوني

---

ازاي ما ينفعش يعملك توكيل ؟؟

اقتباس:

---

المشاركة الأصلية كتبت بواسطة ramylanos

بس مسيرك هتقابل حد

طيب ما اخويا ماشي من غير نمره وره وفاميه بقاله سنتين معنه كده ان مفيش حد مسكه يبقه الي بيعمله صح ؟؟؟؟؟؟؟؟؟

علي رأي ضابط في المرور بيقولي هيا ارزاق :C_laugh[1]:

---

مش عارف ليه عندى احساس ان اخوك بعد الكلمتين دول هيتحبس :C_laugh[1]:

اقتباس:

---

المشاركة الأصلية كتبت بواسطة omardeneo

مش عارف ليه عندى احساس ان اخوك بعد الكلمتين دول هيتحبس :C_laugh[1]:

---

اخويا طيارfighter :10D5C8~1107:

اقتباس:

---

المشاركة الأصلية كتبت بواسطة ramylanos

ازاي ما ينفعش يعملك توكيل ؟؟

---

تحت 21 سنه....اظن انه ماينفعش يتعمل توكيل

اقتباس:

---

المشاركة الأصلية كتبت بواسطة moudy88

تحت 21 سنه....اظن انه ماينفعش يتعمل توكيل

---

لا ينفع عادي جدا والد حضرتك يروح الشهر العقاري ومعاه رخصه العربيه وبيملي الراجل الاسامي الي يكتبها في التوكيل من غير بطاقه ولا رخصه ولا اي حاجه

انا العربية باسم والدى ووقفونى مرتين لانى ماكنش معايا توكيل وفى الاخر عملت واحد وريحت دماغى

حتى لو انت صاحب العربية اعملها توكيل باسمك :36_1_1[1]: اذا كان الامين ولا العسكري مبيعرفش يقرا اصلا هو بيقارن صورة الاسم أحمد في الرخصة = أحمد في الرخصة التانية =مع السلامة يا استاذ أحمد :_Alshmokh08[1]: الصح والقانون ان القريب من الدرجة الأولى ينفع يسوق من غير توكيل بس مين عارف يمكن يغيرو الفانون وانا بكتب الرد دلوقتي
وابعد عن الجاهل وغنيله

اقتباس:

---

المشاركة الأصلية كتبت بواسطة aaooaa2004

حتى لو انت صاحب العربية اعملها توكيل باسمك :36_1_1[1]: اذا كان الامين ولا العسكري مبيعرفش يقرا اصلا هو بيقارن صورة الاسم أحمد في الرخصة = أحمد في الرخصة التانية =مع السلامة يا استاذ أحمد :_Alshmokh08[1]: الصح والقانون ان القريب من الدرجة الأولى ينفع يسوق من غير توكيل بس مين عارف يمكن يغيرو الفانون وانا بكتب الرد دلوقتي
وابعد عن الجاهل وغنيله

---

كلامك جامد جدا :C_laugh[1]:

اى بتنجان فى قانون المرور الحديث اهم حاجة المصلحة وابجنى تجدتنى خدام السيادة وكل سنة وانت طيب

أمشي صح يحتار عدوك فيك

اقتباس:

---

كلامك جامد جدا

---

روميو باشا منور والله هو كلامي بيضحك انا عارف بس والله حصلي موقف مشابه بالظبط على كمين بورسعيد قبل كده اظاهر حتى اختبار الأمناء بقى فيه كوسه :policeman:

أعتقد مفيش مشكله لأنى كنت سايق عربيه أخويا الإسبوع اللى فات و صادف أنهم سألوا على الرخص كذا مرة و فى أماكن محتلفه و منهم كمين غلس بالليل و محدش طلب يشوف توكيل أو حتى علق

اقتباس:

---

المشاركة الأصلية كتبت بواسطة waleedrahmy

أمشي صح يحتار عدوك فيك

---

ما هو الصح أصلا انك لو من الدرجة الأولى يبقى تمشي من غير توكيل

اقتباس:

---

المشاركة الأصلية كتبت بواسطة medomada

أعتقد مفيش مشكله لأنى كنت سايق عربيه أخويا الإسبوع اللى فات و صادف أنهم سألوا على الرخص كذا مرة و فى أماكن محتلفه و منهم كمين غلس بالليل و محدش طلب يشوف توكيل أو حتى علق

---

لا انت مخدتش بالك هو مسألكش بس عشان العربية اللي وراك كان فيها واحدة سايقة بالليل لوحداها :S_thum1[1]: ايوة انا كنت شايفه :Ob_mak1[1]:

لو مش معاك رخص وداخل على لجنة ادخل قبل واحدة حلوة وهما هيتنحوا ولا كانك معدي وانت طبعا :driving: وادعيلي

هو الي انا سمعته ان الاقارب من الدرجه الاولي ليهم الحق في انهم يسوقوا العربيه من غير مايتسألوا عن توكيل ولا اي بتنجان ...
من كام يوم كنت رايح مشوار ووقفي امين شرطه من الواقفين في كماين الفراخ دي .. من الي هم بتوع قبضني تجدني .. العربيه فيها توكيل من صاحبها لوالدي .. المهم بيقولي علي فكره انا همشيك بس لو واحد تاني غيري .. هيعملك مخالفه علشان المفروووض والدك يعملك توكيل ... طبعا مفيش تعليق اقولهوله ..
بس الي انا اعرفه او العقل بيقووول
دي عربيه لازم ليها رخصه ........
ده شخص سايقها لازم ليه رخصه .....
كده قانوني رخصه عربيه +رخصه السائق
يسألوا لما يكووون فيه بلاغ ان العربيه مسروووقه
بس نعمل ايه بقي سلطه والله سلطه

في مره كنت مسافر بعربيه واحد صاحبي كان لسه شاريها
كان لسه مفيش توكيل رخصه فقط ..
المهم انا الي سوووقت العربيه ..
وقفت في كمين كبير ..
طبعا رخص وكده
طلعت رخصتي ورخصه العربيه ..
ويااااااااااااااااه علي الي شفته ..
رايح فين وجااي منين وعربيه مين وماشي بيها ازاااي .. وكده غلط .. وفتش العربيه .. وكانت ليله .. بس احنا لاااااااااااااااااء
صاحبي يقوله لسه شارينها ولا الهوا


بس عدت الحمد الله :majd(4):
بس علي فكره كان يووومها فعلا فيه قلق ومكانش فيه عربيه بتعدي من الكمين كده من غير رخص ..

اقتباس:

---

المشاركة الأصلية كتبت بواسطة medomada

أعتقد مفيش مشكله لأنى كنت سايق عربيه أخويا الإسبوع اللى فات و صادف أنهم سألوا على الرخص كذا مرة و فى أماكن محتلفه و منهم كمين غلس بالليل و محدش طلب يشوف توكيل أو حتى علق

---

ساعات في حاجات بتعدي عليهم

اقتباس:

---

المشاركة الأصلية كتبت بواسطة aaooaa2004

لا انت مخدتش بالك هو مسألكش بس عشان العربية اللي وراك كان فيها واحدة سايقة بالليل لوحداها :S_thum1[1]: ايوة انا كنت شايفه :Ob_mak1[1]:

لو مش معاك رخص وداخل على لجنة ادخل قبل واحدة حلوة وهما هيتنحوا ولا كانك معدي وانت طبعا :driving: وادعيلي

---

ايه ده هو حضرتك اللى كنتى ورايا و خبطينى من ورا و كسرتى الفانوس ؟؟؟؟؟

اقتباس:

---

ايه ده هو حضرتك اللى كنتى ورايا و خبطينى من ورا و كسرتى الفانوس ؟؟؟؟؟

---

:C_laugh[1]::C_laugh[1]::C_laugh[1]: