مقبض فتيس بولو

**M.Mostafa80** · 24-02-2009 12:25 PM

ممكن حد يقولى أجيب منين مقبض فتيس بولو 98 بالجلده بتاعته ولو حد عارف سعرها يقولى

**umoussa** · 24-02-2009 02:41 PM

جديد أصلي عند أشرف الشهابي بحوالي 290 جنيه

ممكن تشوفه في الشركة كمان

غير كدا مش حتلاقي أصلي

**original** · 24-02-2009 05:18 PM

لما تزهق من الأسعار وتلائى أو متلائش!!!
هات مقبض فتيس اللانوس أو النوبيرا إستعمال لأنها نفس رسمة الغيارات!! والجلده سهلة بأا يا إما تفصيل فى حدود 15 جنيه أو إستعمال!!
أنا كان نفسى أجيبها أصلى جديدة أو إستعمال فشلت فلما رحت بورسعيد إشتريت عصاية دايو كاملة ب 5جنيه وفى زيارة تانية جبتها إستخصار ب 10 جنيه وخلعت منها الدومة وركبتها و 100 100..

**original** · 24-02-2009 05:33 PM

خللى معاك رقم المقبض

**umoussa** · 24-02-2009 06:51 PM

اعتقد الموضوع بالنسبة لي على الأقل يتعلق بإحساس داخلي بتركيب القطعة الأصلية مهما كان ثمنها

أمال لو عرفت ثمن العصاية ال Gti حتعمل أيه؟؟؟

دي بتعدي 750 جنيه

ودا لأن الخياطة الحمرا الي فيها ماشية مع الخياطة الحمرا عصاية فرامل اليد والطارة والكراسي وحزام الأمان ودواسة العربية وفرش الأبواب

دا موضوع تاني وفرق مش أي حد يقدره

**original** · 24-02-2009 08:18 PM

المشاركة الأصلية كتبت بواسطة umoussa

اعتقد الموضوع بالنسبة لي على الأقل يتعلق بإحساس داخلي بتركيب القطعة الأصلية مهما كان ثمنها

طيب نعمل إيه فى قطع الغيار اللى مش موجوده!!!
مش مشكلة فلوس!! مشكلة قطع غيار مش موجوده وشحة وتجار ساعات مابيرضوش يبيعو أصلا غير الحاجة على بعضها!!
مرة لأيت العصاية راكبة فى نص عربية أمامى التاجر مصر يدينى النص كامل مش العصاية لوحدها!!!
رضينا بالهم والهم مابيرضاش بينا..

**umoussa** · 24-02-2009 09:20 PM

أولاً التجار كتير بس واضح ان ده كان مخه كبير شويتين

ثانياً بنسبة كبيرة العصاية بتيجي في الاستيراد مدمرة نتيجة التحميل

ثالثاً في نوع من التجار بيكون في دماغه انه يبيع النص على بعضه علشان يخلص منه

رابعاً انت واضح انك لا بتروح التوكيل ولا تعرف أشرف الشهابي وعلشان كدا مبتعرفش تلاقي حاجات عربيتك

خامساً حاجات البولو 98 بدأت في الانقراض من السوق والتجار الي انا اعرفهم وبيجيبوا شغل شمال من أوروبا بطلوا أصلاً يجيبوها وحتى الشغل الموجود عندهم بالنسبة للمواتير بيبعوه بيع وشراء مفيش حاجة اسمها ياخد القديم وتدفع فرق لأن العربية خلاص حاجتها بقت برخص التراب وكمان مش موجودة

سادساً أمال لو كنت مسقط موتور شاذ في العربية كنت حتعمل أيه، إذا كنت بتقول على قطع الغيار المتوفرة في التوكيل اكتر من الهم على القلب - وذي منتا بتقول الموضوع مش موضوع فلوس - مش موجودة في السوق

**M.Mostafa80** · 25-02-2009 10:15 AM

انا متشكر ليك يأوجنال على النصيحه بس ياترى هتركب بنفس الطريقه بتاعت البولو وطبعا متشكر يبشمهندس أسامه بس 290 ج غاليه موتف بالنسبه لأنها بتبوظ بسرعه وانت عارف وسيد العارفين هما عالجو الموضوع ده فى الموديل الى بعد كده

**umoussa** · 25-02-2009 11:12 AM

عجيبة دي انها بتبوظ بسرعة مع إن الي في عربيتي من ساعة ما جبت العربية وبقالها 8 سنين وبحالة الزيرو

**M.Mostafa80** · 25-02-2009 11:57 AM

والله يا بشمهندس أنا جبت العربيه كانت بايظه ودا من 3 سنين ولو انت عربيتك موديل 2000 فيما فوق العصايه أختلفت خامتها وانت سيد العارفين انها كاوتش طرى وفيها حته كبيره بدون أى تقويه من جوا وانت عارف الناس لما بتبقى متعصبه ايه الى بيبقى فى أيدهم وهما سايقين فا بيطلع الغل الى فيهم على العصايه فابيبوظوها

الموضوع: مقبض فتيس بولو

LinkBack

أدوات الموضوع

عرض

-

-

-

-

المواضيع المتشابهه

فتيس بولو 2001 للبيع وبسعر مناسب

تركيب فتيس اوتوماتيك على بولو 98 ؟؟؟

عصاية فتيس بولو 2001

احسن فتيس بولو

مقبض فتيس لـ 127

الكلمات الدلالية لهذا الموضوع

المفضلات

المفضلات

ضوابط المشاركة