تقييم سعر تويوتا كورولا 2005 مانيوال 1300 cc

ممكن يا جماعة حد يقيم التويوتا دى عشان عاوز اشتبريها وحاسس ان سعرها عالى شوية بس فعلا العربية حالتها ممتازة
ـ مو 2005 ـ سماوي ـ فرش بيج ـ ج الكماليات ـ مانيوال ـ سينسور + Cd ـ 35.000 كم ـ فابريقه بالكامل

رأى الشخصى77 -80 -الف مناسب لها

أظن انها تعملها 93 الف لو حالتها زي ما بتقول
ممكن تقل او تزيد الفين
انت وشطرتك

متشكر جدا يا جماعة بس انتم كده حيرتونى زيادة :stuart:
ممكن طب تقولولى ليه التفاوت ده انا مش عارف فين الصح وبعدين اشترى الوقتى ولا استنا

حضرتك بتقول كرولا 1300 فول اوبشن مانيوال موديل 2005
سعرها الحالى فى سوق السيارات فى حدود 80 الف على الاكثر

ممكن تقولنا هى معروضة عليك بكام ؟؟

بيتكلم فى 87 بس بيقولى برده شوف انت اه اللى يناسبك انا بردوشايف انو كتيييير بس المشكلة ان العربيه فابريكة

هو كتير فعلا و خاصة إن السوق نايم
أنا رأى إن 80 الف عليها كويس حاليا

الف شكر يا احمد:)
و يا جماعة لو حد عايز يضيف اى حاجة يحب ينصحنى بيها قبل ما اشتيرى يا ريييييت

العفو يا باشا
إحنا كلنا هنا إخوات

فعلا يا باشا هى مش بتزيد عن 80 الف حاليا

يا جماعة بتتكلموا في ايه عربية زيي دي مش هتقل ابداً عن 87 الف طالما حالتها تمام