سؤال: لماذا تبحث التوكيلات عن أي حجة لتخفيض سياراتها

**د.محمد** · 24-02-2009 03:46 PM

انا ملاحظ ان التوكيلات ما بتصدق تاخد اي جايزة عشان تعمل تخفيضات علي عربياتها مش عاوزين يعلنوا صراحة ان مفيش بيع ولا شراء

مثلا تلاقي المنصور بيقولك انه بمناسبة تحقيق شيفروليه أعلى المبيعات لإجمالي سوق السيارات المصري لعام 2008 وفقاً لتقرير مجلس معلومات السيارات "أميك" هنعمل تخفيضات علي شيفروليه واوبل

وغبور يقولك انه بمناسبة السنة الجديدة هنعمل تخفيضات زي ما عودناكم علي موديلات هيونداي ( قال يعني هو كان عملها قبل كده:POINTI~2[2]:)

وكمان محمد نصير وكيل كيا يعلن انه بمناسبة حصول EIT علي أفضل وكيل لسيارات كيا في الشرق الاوسط وافرقيا خصم خاص جدا علي جميع موديلات كيا سيراتو

الواحد نفسه التوكيلات دي ليه مش بتحترمنا وتعترف ان فيه ركود

ياريت تشاركوني برايكم وتقولولي تقييمكم ايه علي اللي بيحصل

**abdelmessih67** · 24-02-2009 04:00 PM

سببان

الاول : ذرا لماء الوجه لانهم قالوا سابقا : لن نخفض الاسعار و الاسعار هتعلى مش هتنزل و شكلهم هيبقى وحش جدا .

الثاني : لكيلا يطلب المستهلكون الغلابة مزيدا من التخفيض
لانه لو اتقال ان التخفيض بسبب الركود سنطلب المزيد لكن لو قيل أنه بمناسبة سيظن البعض أن التخفيض وقتي و أنه لن يدوم او يزيد

**Hosam_Optrawy** · 24-02-2009 05:52 PM

يعنى انت عايزهم يقولوا بمناسبة ان السوق نايم وفى أزمه هنرخص الاسعار ؟
اكيد لأ يعنى
وبعدين منصور واخد فعلا اعلى مبيعات فى 2008
فلازم طبعا يعتمد على حاجه زى دى
عشان التخفيضات يبقى ليها سبب

**د.محمد** · 24-02-2009 10:28 PM

المشاركة الأصلية كتبت بواسطة Hosam_Optrawy

يعنى انت عايزهم يقولوا بمناسبة ان السوق نايم وفى أزمه هنرخص الاسعار ؟
اكيد لأ يعنى
وبعدين منصور واخد فعلا اعلى مبيعات فى 2008
فلازم طبعا يعتمد على حاجه زى دى
عشان التخفيضات يبقى ليها سبب

المشكله فعلا اننا بقينا احنا والتوكيلات زي الاعداء من كتر ما عملوا فينا

**Imhotep** · 24-02-2009 10:51 PM

المشاركة الأصلية كتبت بواسطة abdelmessih67

سببان

الاول : ذرا لماء الوجه لانهم قالوا سابقا : لن نخفض الاسعار و الاسعار هتعلى مش هتنزل و شكلهم هيبقى وحش جدا .

الثاني : لكيلا يطلب المستهلكون الغلابة مزيدا من التخفيض
لانه لو اتقال ان التخفيض بسبب الركود سنطلب المزيد لكن لو قيل أنه بمناسبة سيظن البعض أن التخفيض وقتي و أنه لن يدوم او يزيد

المشاركة الأصلية كتبت بواسطة viking1616

طيب ماهو بره بيقولوا كده والناس متفهمه ده

بره علشان ناس محترمة بتحترم نفسها و تحترم عقلية الناس اللى تتعامل معها.... اما هنا فالعقليات التى نتعامل نحن معها فى التوكيلات هى العقليات الاقطاعية التى مازالت تظن انها تمن او تنعم علينا بجعلنا نركب سياراتهم..... و هم عندهم حق طالما السوق مقيد بجمارك جزافية و ضرائب و خلافه، فالجميع فى بلدنا الجميلة على المستهلك الغلبان الذى ينهرس بين مطرقة الحكومة و سندان التوكيلات، ولا كأنهم بيقسموا فى المقطوعية اللى سابهالهم جدو الباشا..... علشان كده خلوها تصدى للجميع

**د.محمد** · 24-02-2009 11:49 PM

فعلا خلوها تصدي

**Eng.Osama.Afifi** · 25-02-2009 07:21 AM

عندك حق والله

**karimone** · 25-02-2009 10:07 AM

المشاركة الأصلية كتبت بواسطة abdelmessih67

سببان

الاول : ذرا لماء الوجه لانهم قالوا سابقا : لن نخفض الاسعار و الاسعار هتعلى مش هتنزل و شكلهم هيبقى وحش جدا .

الثاني : لكيلا يطلب المستهلكون الغلابة مزيدا من التخفيض
لانه لو اتقال ان التخفيض بسبب الركود سنطلب المزيد لكن لو قيل أنه بمناسبة سيظن البعض أن التخفيض وقتي و أنه لن يدوم او يزيد

**abdelmessih67** · 25-02-2009 10:41 AM

المشاركة الأصلية كتبت بواسطة viking1616

طيب ماهو بره بيقولوا كده والناس متفهمه ده

أهلا يا أخ فايكينج , بره الوكلاء محترمين و الشعوب الغربية عموما أكثر تحضرا مننا للأسف لان هناك يحترمون آدمية الانسان في كل شئ , لايوجد طوابير للعيش و لا طوابير للبنزين و في تداول للسلطة و أنفصال تام بين الحكم و رأس المال لانه لا يمكن يسيطر رأس مال على الحكم و بالتالي فهناك صراحة بين الوكيل و المستهلك

لكن عندنا يتعاملون مع الشعب على انه عبد مسخر لخدمة مصالحهم و في النهاية يستنزفون موارده القليلة ليضعوها في بطونهم