-
عاجل جدا للاهمية
يا جماعة انا النهاردة عملت حادثة جامدة في صلاح سالم
تاكسي دخل في من ورا لبسني تحت ميني باص من بتوع الجيش انا و مراتي
المهم احنا الحمد لله تمام
العربية الصدر اللي قدام اتعوج بس والكبوت اتعجن و الفوانيس و الاشارات كل ده عادي
من ورا بقي العربي اتكبست كلها الشنطة من جوا اتكبست و الشاسيه نفسه اتكبس روحت علي واحد سمكري قاللي مصنعيته بس 1400 جنيه طبعا استهبال و تخلص بعد 10 ايام
المهم بتاع قطع الغيار قاللي كل ده مبالغ فيه سواء فلوس او وقت
نداء اخوكم تايه و انا مسافر شغل يوم الاحد فالعربية حتكون مع المدام فعايز اخلصها بسرعة
انا دلوقتي في طريقي للحرفيين اسال هناك امانة يا جماعة لو حد ينصحني بحد يكلمني علي الموبايل و ربنا يجعلها في ميزان حسناته انا اسف علي اسلوب الشحاتة
بس لنا عمري ما روحت الحرفيين فنازل و حخحبط
اخوكم هاني عبد الجواد
0105276961
شكرا جميعا
-
قدر الله وما شاء فعل والحمد لله على سلامتك انت واسرتك وان شاء الله تتصلح بأقل التكاليف
-
اتصل بكريم منير وحاول تظبط معاه, هو ساكن قريب من هناك.
-
خلاص وديتها عند اشرف دبوس
-
اشكركم على المساعدات الكتيرة !!!!!!!!!!!!!!!!!!!!!!!!!!!!!!!!!!!!
-
ممعلش لسه شايف الموضوع دلوقتي
مين اشرف دبوس ده وقاللي هايخد كام
قولي في بلوك كام وعربيتك لونها ايه ولو عايزني ادخل معاك اتابعهالك
-
الف شكر يا كريم انا بجد كنت في امس الحاجة ان اي حد منكم فاهم ينصحني لاني اول مرة يحصلي حادثة فقولت اكيد نايل موتورز حيفيدوني و يساعدوني عشان كده كنت سايب رقم موبايلي
المهم اشرف دبوس ده مكانه ورا جامع اخضر بمئذنة تقريبا بلوك 16 انا اعرف اوصله لكن معرفش عنوان
اتفق معايا على 1200 مصنعيات كنت عندوا من ساعتين بعد صلاة الجمعة و اللي انا خايف منه اني مسافر انشاء الله بعد بكرة سوريا في شغل و المدام مش حتعرف تعمل حاجة مع الناس دي
-
استاذ هاني ده لينك مركز كارتك اللي في العبور وفيه مراجعة كاملة للمركز بناء على تجارب الاعضاء ، وزى ما قولت لحضرتك في مراكز تانية عندها جهاز استعدال / قياس الشاسية بس كارتك مضمون بالنسبة لنا ده غير ان الجهاز اللي عندهم لسه جديد
http://www.nilemotors.net/Forum/view...DF%C7%D1%CA%DF
وديه عناوين توكيل كيا ( شركة عبر البلاد للصناعة والتجارة)
مركز الخدمة والمبيعات
مبنى سوق القنال الدولى امتداد جسر السويس
مصر الجديدة
ت : 26239571
مدير المركز اسمة م/ مرسى محمد خليل
وده تليفونة الشخصى 0107540334
وهو راجل خدوم جدا وواسع الصدر وممكن تروحلهم في اي وقت من 10 ص الي 5 مساء ما عدا يوم الجمعة للاطمائنان على حالة العربية عامة لانهم حافظين العربية زي اسمهم كمان هما ممكن يفيدوك عن خدمة العربية عامة
ونمر جرجس ومحمد معاك
والف سلامة عليك مرة تانية
اخوك وائل مجدى ( ابو نورا)
-
قدر الله وماشاء فعل
ربنا يعدي الأزمة دي على خير إن شاء الله
وألف حمداً لله على سلامتك
-
الف شكر اوي يا استاذ وائل مجدي على مساعدتك و ربنا يخليكم لينا احنا نخبط و نبوظ و انتوا تساعدونا :D
انا رايح بالليل اتابع العربية و ربنا يسهل و اخدها النهاردة
انا مش عارف احمل الصور ازاي
Content Relevant URLs by
vBSEO 3.6.0 PL2