الموضوع: هل الكورى معمر؟؟؟

انا بقى ليا مقياس تاني
وهو قصدك بكلمة معمره
لو قصدك انها هتكون ماشيه وبتروح وتيجي ايوه
لكن تعالى نحسب الموتور هيفقد كام من قوته
الشاسيه هيفكك من بعضه كمان قد ايه
طبعا ده بفرض الاستخدام العادي زي ماقاللك الأخ الفاضل
اما بالنسبه لجزئية التاكسي في السعوديه
فاللي بيجيب تاكسي وهو عامل حسابه انه سنتين وهيترمي في الزباله بيجيب كوري
اربع او خمس سنين وهيترمي في نفس الزباله بيجيب ماكسيما او كامري
لكن على العموم كده لأ مش معمره تماما وعمرها الافتراضي قليل جدا
طيب ما احنا عندنا 128 وسيات لسه ماشيين بالبركه
يبقوا معمرين ؟ لأ طبعا احنا بس بنتحايل على الظروف عشان نمشيها
وتشكر الحكومه اللي خلتنا نشغل دماغنا برضه هههههه
لكن مثلا انا اعرف واحد عنده لانوس ووالله مش بيستخسر فيها حاجه
واي قطعه بيجيبها اصلي
وكل شهر او اتنين يطلع فيها حاجه عايزه تتظبط, طبيعي العربيه موديل 2003
لو ماصرفش عليها كل ده واسترخص برضه هتمشي مش هتقول لأ على فكره
بص لو عايز تقيسها تجرب عربيه كوري مثلا وواحده حاجه تانيه
الاتنين تكون سوقتهم وهما جداد وسوقهم دلوقتي
على افتراض انهم مش متهانين
وشوف الفرق

المشاركة الأصلية كتبت بواسطة land_cruiser

بس فى المجمل هى كانت كويسه اول ما طلعت كسعر مقابل الامكانيات لكن اليومين دول سعرها بقى مبالغ فيه جداً

احنا اللي عملنا كده في نفسنا يافندم
عرض وطلب
لما توصل ان الانترا (المفروض انها كامله) ديسكات قدام بس وفقيره جدا في كل شئ ومافيهاش فرق عن اللي قبليها غير الشكل والفتيس انها تتباع ب 160 الف ونشتريها يبقى نستاهل
ولما بالتبعيه الفيرنا توصل 100 ألف كمان شويه يبقى عادي جدا

المشاركة الأصلية كتبت بواسطة abdulkhaleq

احنا اللي عملنا كده في نفسنا يافندم
عرض وطلب
لما توصل ان الانترا (المفروض انها كامله) ديسكات قدام بس وفقيره جدا في كل شئ ومافيهاش فرق عن اللي قبليها غير الشكل والفتيس انها تتباع ب 160 الف ونشتريها يبقى نستاهل
ولما بالتبعيه الفيرنا توصل 100 ألف كمان شويه يبقى عادي جدا

متفق مع حضرتك تماماً و نفس فكره الاوفربرايس اللعين احنا برضه السبب فيه اللى بيخللى المعرض ياخد ٢٠ او ٢٥ الف زياده غير تمن العربيه اللى هو برضه مبالغ فيه و اللى بيشترى بيشجع البائع الجشع على التمادى فيه للاسف

المشاركة الأصلية كتبت بواسطة mody3on

لان الامكانيات زادت ومبقاش اقل من الياباني في حاجة وتفوق عليه كمان

اسمح لى اختلف مع حضرتك لان بصراحه ما اعتقدش هو ده السبب اللى أدى للارتفاع الرهيب ده فى اسعارها. جزء كبير من السبب هو قله وعى المستهلك و السطحيه فى التفكير و التقليد و الاهتمام بالشكل على حساب المضمون و عدم وجود رقابه كمان على اللى بيستورد فبيخللى التوكيلات تجيب اى حاجه و تعرضها بالسعر اللى على مذااجها و النقطه الاخيره دى تحديدا على كل الانواع مش كورى بس

المشاركة الأصلية كتبت بواسطة land_cruiser

متفق مع حضرتك تماماً و نفس فكره الاوفربرايس اللعين احنا برضه السبب فيه اللى بيخللى المعرض ياخد ٢٠ او ٢٥ الف زياده غير تمن العربيه اللى هو برضه مبالغ فيه و اللى بيشترى بيشجع البائع الجشع على التمادى فيه للاسف

للأسف أه, بص على حملة (خلليها تصدي) عملت ايه في السعوديه في الوكلاء (هناك اصلا الدخل اعلى من هنا)
ولما حاولنا نعملها هنا...... لا حياة لمن تنادي وبننحل وبرنا عشان نقسط بفوايد خزعبليه !!