ازاي اعرف ان عربيتي ABS ولا لا

**Mahmoud_405** · 29-08-2007 07:59 PM

انا عندي عربية peugeot 405 prestige 2L model 1998 الفيوز بتاع ال ABS موجود بس المبة بتاعتة مبتنورشي بس مكانها موجود في طريقة اشوف بها الجهاز ولا العربية مفيهاش اصلا...

**hazem_khidr** · 29-08-2007 08:12 PM

الجهاز بيبقي موجود داخل الكابود و بيبقي شكله غريب بالنسبه لمكونات غرفه المحرك و اعتقد حتلاقي مكتوب عليه بوش او حاجه زي كده

**tandeshaker** · 29-08-2007 09:11 PM

تمام زي ما قال استاذ حازم هوه جهاز مربع الشكل بكون خلف علبة زيت الباكم بتاع الفرامل خارج منه 4 مواسير صغيره الحجم متجهه كل ماسوره على العجله بتاعتها
ودائما بيكون في في التبلوه لمبه ال ABS سواء كان في العربيه او غير متوفر وعموما بيكون في لمبه بتنور مع فتح الكونتكت ولازم تطفي بعد كده لو ماطفيتش بيكون في عيب في ال ABS بس لو منورتش مع الكونتكت اصلا يبقا مفهاش اصلا ABS

**أبو عبدالله** · 30-08-2007 01:01 AM

الفيوز بتاعت ABS بتبقى مكانها موجود علشان الموديل بينزل منه فيه ABS ولكن طول ما مافيش فيوز محطوطة في المكان ده واللمبة مش بتنور ساعت التشغيل يبقى مفيش ABS

**khalid_adel** · 30-08-2007 02:00 AM

يعني ياراجل ياطيب مفيش ولا مره كده فرملت على رمله ولا ميه وحسيت بالعجل اذا كان قفش او ثبت ومش بيحود معاك ولا لأ ؟؟؟
جرب بنفسك اسهل بس طبعا في الغالب مافيهاش abs

**waleedabbas** · 31-08-2007 10:59 PM

فعلا زى ما استاذ حازم قال بيكون ليها جهاز عند الموتور مكتوب عليه abs
وبالنسبة لل abs فى ال 405 مش كل الموديلات فيها
لكن موجود abs فى بعض موديلات البيجو 405 ومنها:
sri ودى 2000 سى سى ومش موجودة كتير فى مصر وماتجمعتش فى مصر-
mi 16 ودى فئة متميزة جدا من ال 405 وتعتبر الفئة الرياضية ودى كمان 2000 سى سى 250 حصان موتورها طبعا حكاية وبرضه مش موجودة فى مصر كتير بس انا بشوفها كتير-
البرستيج وبرضه مش كل موديلاتها فيها abs -
gr الفرنساوى ال 2000 سى سى -
والله اعلم

**waleedabbas** · 31-08-2007 11:02 PM

كمان ال abs بتحسها لما تيجى تدوس فرامل بتحس برعشة فى الدواسة على السرعات العالية اعتقد اى عربية فيها abs بتعمل كده
بس برضه مش معنى كده ان اى عربية دواسة الفرامل بترعش تبقى abs
والله اعلم