السلام عليكم , نفسى اجيب للحاجة الوالدة هدية عيد الام جهاز قياس السكر فى الدم بدل ما كل شوية بتنزل تقيسه فى الصيدلية , ياريت لو حد يعرف الاسعار يقولنا عليها و ياترى ايه احسن الانواع و ممكن نشتريها منين , و لكم جزيل الشكر.
عرض للطباعة
السلام عليكم , نفسى اجيب للحاجة الوالدة هدية عيد الام جهاز قياس السكر فى الدم بدل ما كل شوية بتنزل تقيسه فى الصيدلية , ياريت لو حد يعرف الاسعار يقولنا عليها و ياترى ايه احسن الانواع و ممكن نشتريها منين , و لكم جزيل الشكر.
فى اعلانات الاهرام اسمه اكوا تشيك السعر لا اعلمه تحديدا
ومعه علبة بها الاشرطة التى توضع عليها قطرة الدم وهو الاشهر والصناعه امريكى
مشكوررررر , بس ايه الحكاية المنتدى ما فيهوش دكاترة و لا ايه علشان يدونى معلومات تفصيلية دقيقة؟
Accu Check Go
والدي شغال بيه ذي الفل
معنديش فكرة عن سعر
بص انا سألت واحد شغال في الأجهزة الطبية قالي ان
الأكوا تشيك بحوالي 230 جنيه بس مشكلته ان الشرايط بتاعته غالية 25 شريط ب 85 جنيه
وفيه اجهزة كوري بحوالي 150 جنيه وسعر الشرايط بتاعتها 50 شريط ب 100 جنيه وشغال تمام
انا مش عارف الأسعار دي دقيقة ولا لأ بس ده على العموم رينج الأسعار
عن تجربه أحسن نوع هو ( الفرى ستايل ) الأمريكى جربت أنواع كتير والجهاز ده أريح من ناحيه الإستخدام كتيير لأن موش بتشك صباعك - بتشك أى حته فى جسمك وموش ضرورى ينزل دم كتير - بيشتغل على نقطه صغيره جدا
بكرة ياباشا هجيبلك افضل الاسعار بس اما اعمل كام تليفون الصبح اعرفلك الاسعار و الانواع من السو علشان انا بقالى كتير جدا مشتغلتش فيهم
أفضل نوع على الأطلاق أسمة
ACCU_CHEK
Active
ودة صناعتة ألمانى و سعرة حوالى 235 جنية
و هتلاقية فى شارع القصر العينى
و فعلا شرائطة غالية ب 95 جنية عدد 25 شريط
لكن نتائجة غاية فى الدقة
بس خلى بالك كل ما تغير علبة شرائط لازم تاخد بالك انك تغير الكود للجهاز
و كل علبة شرائط بيكون معاها الكود بتاعها بتغيرة عادى جدا
بتسحب اللى فى الجهاز و تركب الكود الجديد اللى جاى مع علبة الشرائط
و أى أستفسار انا تحت أمرك
الف شكر لكل اللى اهتموا و ردوا , بس محدش رد على التساؤل بتاعى و هو ايه هى الشرايط و بتستخدم فى ايه , بمعنى اخر ايه هى كيفية استخدام الجهاز , و هل كل مرة يقاس فيها السكر بتستهلك شريط من الشرايط دى؟
بص يا سيدي...
الشرايط دي هي اللي بنحط عليها نقطة الدم وبعدين تتركب في الجهاز,وبعد كده الجهاز بيحلل نسبة السكر في نقطة الدم دي
فيه طبعا اجهزة بتركب الشريط الأول وبعدين تاخد العينة
ممكن الصورة اللي جاية توضحلك اكتر...
http://www.postimage.org/aVbV0CA.jpg
وطبعا الشريط بيستخدم مرة واحدة بس!!!
بص يا سيدي
بما ان انا بابيع واشترب فيهم بحكم عملي
فاحسن 3 اجهزه هم
accucheck
one touch
free style
وان كنت لا انصح ب one touch لان شرايطه دابما ناقصه وتاريخها وحش
فبالتالي خليك في
accucheck
or
free stlye
غالباً بيكون تاريخ الانتاج قديم.
المقصود ان تاريخها وحش
زي ما نادر قال كده
وبيكون تاريخ الانتهاء بعد شهزر قليله