اختفاء اطفال الشوارع ,وتجارة الأعضاء البشرية ,هل توجد علاقة؟

**pro_samir** · 25-02-2009 01:47 AM

معقولة !!!!

**MoToRiZeR** · 25-02-2009 07:28 PM

الموضوع للأسف فعلاَ شكله حقيقي
من فترة حوالي 3 شهور أو أكتر لقوا في أحد صناديق القمامة القريبة مننا جثتين لطفلين مسروق أعضائهم و أجسامهم مفتوحة ، و كانوا طفلين مخطوفين مش أطفال شوارع .

ربنا يستر .

**ahmed1981** · 25-02-2009 11:35 PM

المشاركة الأصلية كتبت بواسطة asbeats

المهم سألني الرجل سؤالا اقشعر له بدني:

"تفتكر يا دكتور العيال اللي كانوا بيناموا في الشوارع دول و بيقرفونا في كل شارع وكل حتة راحوا فين؟مش ملاحظ ان عددهم قل اوي؟
لعلمك بأه يا دكتور دول اتخطفوا واتقطعوا واتباعوا لأصحاب نصيبهم!!!!!"

صدمت حين قال هذا الكلام وانهيت الحوار معه ثم استغرقت في التفكير.....

هل فعلا اختفى عدد كبير من اطفال الشوارع؟
هل هذا هو الحل الجذري الذي ابتدعوه للقضاء على هذه الظاهرة؟
ها الدنيا بهذه القسوة؟اما يكفي عذابهم بين الأحياء لتنتهي حياتهم هذه النهاية القاسية؟

و درت ابحث بعيني عنهم وانا ارجو من الله ان يكون كلام هذا الرجل هو محض خيال وافتراء

سبب إختفاء بعض أطفال الشوارع هو حملة حكومية
أيوه حملة حكومية
تقوم بجمع المشردين من الشوارع من الأطفال ووضعهم في ملاجيء خاصة أو حكومية
وحتى لو كانوا مشردين مع أهاليهم فيتم أخذهم من أهاليهم وإيداعهم ملجأ لحين أن يقوم رب الأسرة أو المسئول عنها أب أو أم بإيجاد مكان مناسب للمعيشة توافق عليها الشؤون الإجتماعية
وإن لم يفعل يتم إيداع أبناؤه في الملاجيء

هذا الموضوع سمعت عنه من أم لأسرة كانت تعيش في جزيرة أحد الشوارع في منطقة في القاهرة وتم أخذ أبنائها منها وإيداعهم دار رعاية (ملجأ) لحين قيام أمهم بتهيئة مكان مناسب لسكنهم أو يظلوا في المركز

**asbeats** · 27-02-2009 04:58 AM

المشاركة الأصلية كتبت بواسطة ahmed1981

سبب إختفاء بعض أطفال الشوارع هو حملة حكومية
أيوه حملة حكومية
تقوم بجمع المشردين من الشوارع من الأطفال ووضعهم في ملاجيء خاصة أو حكومية
وحتى لو كانوا مشردين مع أهاليهم فيتم أخذهم من أهاليهم وإيداعهم ملجأ لحين أن يقوم رب الأسرة أو المسئول عنها أب أو أم بإيجاد مكان مناسب للمعيشة توافق عليها الشؤون الإجتماعية
وإن لم يفعل يتم إيداع أبناؤه في الملاجيء

هذا الموضوع سمعت عنه من أم لأسرة كانت تعيش في جزيرة أحد الشوارع في منطقة في القاهرة وتم أخذ أبنائها منها وإيداعهم دار رعاية (ملجأ) لحين قيام أمهم بتهيئة مكان مناسب لسكنهم أو يظلوا في المركز

ما شاء الله
دي حاجة كويسة جدا,مع العلم ان المشاريع اللي زي دي بتكون غالبا ممولة من منظمات دولية لأن البلد هنا مش في دماغها الحوارات دي.

الف شكر على الإيضاح.

**dr.nemo** · 28-02-2009 06:10 PM

والله موضوع سرقة الاطفال ده بقى منشر جدا
وكذلك النصب على الكبار في المستشفيات بسرقة بعض الاعضاء في العملية
وآخرها فضيحة بني مزار اللي لقوا اختفاء قرنيات بعض الضحايا والتي لا يقوم بها الا متخصص
وعلشان كده مش بنخلي اخواتنا الصغيرين ينزلوا الشارع ابدا الا معانا بس
انا فاكر من 10 سنين كده كان في فضيحة بيع اعضاء بشرية
عن طريق التجارة في اطفال الملاجيء
وكان عندنا شغالة اشتغلت في ملاجىء
وكانت كل شوية بتلاحظ ان العدد بقل وأطفال بتروح ومبترجعش
كل واحد يخلي باله من قرايبه الاطفال

وربنا يحفظنا وينتقم من المفسدين