أشتريت فرنا على الزيرو و خايف أكون طلعت من الضمان

سلام عليكم أستفسار مهم قوى أنا أنهاردة جبت عربية فرنا أوتوماتيك على الزيرو من معرض صغير جنب بيتنا فى الهرم
و بعد ما مضيت وصل الأستلام أخذتها على البنزينة علشان أفولها
لاحظت أن عداد السرعة مابيتحركش و كذلك عداد الكيلو مترات بتاعها واقف على 16 كم
رجعت للمعرض أقول لهم على كده راح مادد أيده و مركب حاجة ما شفتهاش و قالى جرب كده أشتغلوا و بعدين لما روحت بفتح كتالوج العربية لقيت كاتبين أن اللعب فى عداد الكيلوا مترات يخرج العربية من الضمان أيه الحل دلوقتى أرجعها للمعرض و أعمل خناقة ولا أنا فاهم غلط أرجو الرد إذا سمحتم

فعلا فى بعض المعارض بتعمل الحركة دى بتفصل عداد الكيلو مترات علشان ما تعرفش العربية مشيت فعلى قد ايه لانهم بيأخدوها من الجمرك او من المصنع التقفيل هنا فى مصر ماشية لحد ما توصل المعرض مش زى التوكيل بينقل العربيات على تريلات

اقتباس:

---

المشاركة الأصلية كتبت بواسطة BooDElGn

فعلا فى بعض المعارض بتعمل الحركة دى بتفصل عداد الكيلو مترات علشان ما تعرفش العربية مشيت فعلى قد ايه لانهم بيأخدوها من الجمرك او من المصنع التقفيل هنا فى مصر ماشية لحد ما توصل المعرض مش زى التوكيل بينقل العربيات على تريلات

---

كلام سليم هو دة اللى بيحصل

لا تقلق مخرجتش من الضمان ولا حاجه لان الموضوع بسيط يعنى مش هتكون مشيت كتير علشان يكون فى اى مشكله
هقولك امتى مثلا تخرج من الضمان لما تعمل صيانه الاف ثم الخمس الاف مثلا ثم تعمل بالعربية 60 الف وتروح تنزل العداد الى 10 الاف وتقولهم عايز اعمل صيانه هنا يكتشفها لان اكيد فى اجزار هتكون تاكلت واهلكت ومن هنا هيعرف ان العداد ملعوب فيه
ارجو ان اكون طمنتك

بس انا لو مكانك كونت قفشت فى صاحب المعرض ازاى يفصل العداد معنى كدة انو كان ممكن يطلعو بيها مشاوير
المهم الف مبروووك عليك ياجميل
بس لية ماجبتهاش من الضمان
تبقا عارف عربيتك اولها من اخرها
انا عن نفسى يستحيل اشترى عربية من معرض
مش معنى كدة ان عربيات المعراض فيها حاجة
لكن مبرووووووك ياجميل
(( ههههههههههه بس حلو اوووى تعبيرك بتاع جبت فيرنا من معرض جانب البيت حسسيتنى انك اشتريت كيلو لحمة وطلعت هههههه انا بهرج معاك متزعلش )

الموضوع ده مشهور قوى ان المعارض بتفصل العداد بس ده مش حاجه كويسه وان كنت شكاك وموسوس زى حالاتى وانت بتعمل صيانه الالف خليهم يكشفوا على العربيه وفهم مهندس الاستقبال انك شاكك فى المعرض اللى اشتريتها منه لان واحد صاحبى بعد ما اشترى العربيه زيرو من معرض التوكيل قالولو ان الرفرف كان فيه خبطه ومستعدله وده لانهم الله يجازيهم معدومى الضمير بيأجروا ساعات العربيه بنمر تجارى بتاعه المعرض او بيستخدموها وعلى فكره انا اعرف واحد قبل كده كان عامل اعلان بيغيرلك العداد الديجيتال للكيلو متر للرقم اللى انتا عايزه ب 100 جنيه ولما سألت مهندس عن الموضوع ده قاللى ان كمبيوتر العربيه بيبقى مسجل الرقم الحقيقى للكيلو متر بس ما اعرفش ده بيكون موجود فى الفيرنا ولا لا لانى مش عارف اصلا اذا كان فيها كمبيوتر ولا لأ

اقتباس:

---

المشاركة الأصلية كتبت بواسطة analyzer

لا تقلق مخرجتش من الضمان ولا حاجه لان الموضوع بسيط يعنى مش هتكون مشيت كتير علشان يكون فى اى مشكله
هقولك امتى مثلا تخرج من الضمان لما تعمل صيانه الاف ثم الخمس الاف مثلا ثم تعمل بالعربية 60 الف وتروح تنزل العداد الى 10 الاف وتقولهم عايز اعمل صيانه هنا يكتشفها لان اكيد فى اجزار هتكون تاكلت واهلكت ومن هنا هيعرف ان العداد ملعوب فيه
ارجو ان اكون طمنتك

---

****
* مش عملية أجزاء تأكلت أو هلكت
* أصلاً الصيانة الدورية بتتسجل علي الكومبيوتر وبكدة ها يعرفوا لو لعبت في العداد

ألف شكر يا رجالة الله يطمنكم أنا اتصلت بغبور و سالتهم بالتليفون هل العربية تكون خرجت من الضمان و لا لا و قالوا لى ماخرجتش الحمد لله

ألف شكر على الرد يا أجدع منتدى فى العالم
محمود

ألف شكر يا رجالة الله يطمنكم أنا اتصلت بغبور و سالتهم بالتليفون هل العربية تكون خرجت من الضمان و لا لا و قالوا لى ماخرجتش الحمد لله

ألف شكر على الرد يا أجدع منتدى فى العالم
محمود

الف مبروك يا حودة وربنا يباركلك فيها ويكفيك شرها