محل للاكسسوارات

**أبو عمار** · 02-09-2007 02:38 PM

بص يا عم أنا من إسكندرية و عملت فرش جلد عند هانى السروجى إللى قالك عليه بيشو و اللى بيشكر فيه هانى آدم و هو ولد زى العسل و شغله فله ، الفرش بالأرضية و الشنطة إتكلف 700 جنيه
لو حبيت نتقابل تتفرج عليه فى عربيتى أكون سعيد و أنا تحت أمرك و نفسى أشوفك فى إسكندرية
دا أنا يا راجل جيبت أوبترا بإقتناعى بكلامك و أنا فى إنتظارك على أى الحالات :lol:

**mina_ramsis** · 02-09-2007 03:27 PM

بص يا عم أنا من إسكندرية و عملت فرش جلد عند هانى السروجى إللى قالك عليه بيشو و اللى بيشكر فيه هانى آدم و هو ولد زى العسل و شغله فله ، الفرش بالأرضية و الشنطة إتكلف 700 جنيه
لو حبيت نتقابل تتفرج عليه فى عربيتى أكون سعيد و أنا تحت أمرك و نفسى أشوفك فى إسكندرية
دا أنا يا راجل جيبت أوبترا بإقتناعى بكلامك و أنا فى إنتظارك على أى الحالات

مش عارف اقولك ايه يا ابو عمار ربنا يخلييك على زوقك و احترامك بس للاسف انا رجعت من اسكندرية يوم السبت و ان شاء الله هروحالقاهرة اتفرج على اسبير كار يمكن حاجة تعجبنى بس انا عاوز اسألك سؤال بما انك عملت الجلد فى الاوبترا جبت لون الجلد ايه اصل مش هيليق عليها غير اسمر و رصاصى بس الاتنين الصراحة هيغمقوا العربية جامد خصوصا علشان العربية عندى سوده
شكرا على ادبك و زوقك الجم ده

**أبو عمار** · 03-09-2007 08:38 AM

يا أخى لا شكر على واجب و المثل بيقول ( اللقا نصيب ) و برضه ما تعرفش النصيب فين

عموما بالنسبة لموضوع اللون ده أنا شفت هانى السروجى عامل فرش بيج بس لونه حكاية على عربية يارس سوداء لدرجة إن إتمنيت أكون جيبت أوبترا سوداء ( بالمناسبة أنا عربيتى فضى و هو عمل رمادى لون و نقشة التابلوه*أسود منغمش مثل الفابريكة و طالع جميل أوى)
بالنسبة للفرش الجاهز بصراحة أنا لا أحبذه مهما كان مستواه لأنه دايما بيكون واسع و مش ماسك على الكراسى خصوصا مع شهر إستعمال ..
عموما نتمنى نشوفك فى إسكندرية فى أقرب فرصة و ربنا ييسر لك حاجة كويسة