محل للاكسسوارات

**mina_ramsis** · 29-08-2007 10:44 PM

مساء الله يا اهالى منتدانا الكرام انا كنت عاوز اركب فرش للعربية عندى و دورت كتير و ملقتش حاجة حلوة فيارييت اللى يعرف حد فى اسكندرية يقولى عليه بس يكون عنده تشكيلة كبيرة علشان انقى منهم بس يارييت تقولولى على اسمه و عنوانه بالتفصيل علشان انا مش من اسكندرية
شكرا مقدما للجميع

**أبو عبدالله** · 30-08-2007 02:28 AM

امال حضرتك منين ويمكن حد يفيدك في مكان اقامتك

**mina_ramsis** · 31-08-2007 12:51 AM

شكرا يا استاذالو عبدالله على اهتمامك يظهر انك الوحيد اللى اهتميت بمداخلتى على العموم انا من طنطا و دورت فيها كويس قوى و ملقتش حاجة عجبتنى علشان كده قولت ادور فى اسكندرية بالمرة بس الصراحة محدش عبرى غير حضرتك
شكرك مرة تانية لزوقك

**معاذ الشرباصى** · 31-08-2007 12:54 AM

طب متنزل القاهرة يوم و تجيب من عند سبير كار

الفرع الرئيسى بتاعهم فى شارع نوبار امام وزارة الخارجية, فى وسط البلد

اسعارهم ممتازة و عندهم تشكيلة كبيرة جدا من الفرش و الكماليات

**mina_ramsis** · 31-08-2007 12:57 AM

شكلها ده اللى هيحصل يا استاذ معاذ على العموم انا رايح الجامعة الامريكية كمان كام يوم يارييت تقولى اروح لاسبير كار منين و انا فى التحرير
شكر كتير على زوقك و اهتمامك يا استاذ معاذ

**معاذ الشرباصى** · 31-08-2007 01:00 AM

ده سهل جدا تروحه من هناك, ده خطوتين

وزارة الداخلية ممكن تدخلها من شارع القصر العينى, قبل ميدان التحرير او من باب اللوق

انت بس اسأل هناك, و سهل جدا جدا توصل

معلش الوصفة بالظبط مش عارف اوصفها لأنى مش حافظ اسماء شوارع فى المنطقة دى

**معاذ الشرباصى** · 31-08-2007 01:02 AM

ده الموقع بتاعهم على النت

http://www.sparecar.net/

كمان لو كلمت استاذ اسلام شاهين هو يعرفهم كويس, علشان يعملولك تخفيض (هو كان قال قبل كده لو حد عاوز حاجة من هناك يقوله)

**mina_ramsis** · 31-08-2007 01:02 AM

شكرا يا استاذ معاذ ربنا يخليك :) :)

**bishoo33** · 31-08-2007 01:04 AM

أخى hoko_mosha امامك أختياران
أولا : شراء فرش جلد من شارع صلاح الدين أو الأزاريطة أومن عند سعيد نصار بسموحة والذهاب للسروجى لتركيبه
ثانيا : عمل فرش جلد أمريكى عموله بنفس قصه الفرش الأصلى متين واللون الى انت عايزه وكمان فرش للأرضيه والشنطه
أنا عن نفسى أفضل الأختيار الثانى
حيث أنا لسه مركب فرش جلد أمريكى لتوته الجديدة فى منتهى القوة والجمال عند واحد سروجى فى الأسكندريه مشهور وشاطر جدا وصديقنا فى المنتدى المهاتما يعرفه ايضا
وانا فى الخدمه لو حبيت تشوف الفرش والأرضيه

**mina_ramsis** · 01-09-2007 12:38 PM

شكرا يا بيشو على اهتمامك انا روحت الازاريطة و شوفت شويه حاجات معمولة عمولة بس الصراحة مش قوى برده يارييت تقولى هو الموضوع ده اتكلف كام كله على بعضه كده
شكرا ليك على تعاونك

الموضوع: محل للاكسسوارات

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

ايه احسن الاماكن اللي في شارع دمشق و مدينه نصر للاكسسوارات

دليل شامل للاكسسوارات والكماليات

الكلمات الدلالية لهذا الموضوع

المفضلات

المفضلات

ضوابط المشاركة