الموضوع: هل هذا عدل أن يقوم البورسعيدى بشراء السيارة بنصف تمن ما يدفعه باقى المصريين !!

المشاركة الأصلية كتبت بواسطة Ahmed Samy

يحكى ان طفلين يعيشين مع أمهما
فجاءت الأم في ليلة
و أعطت أحدهما قطعة خبز جافة
و أعطت الأخر قطعة من الكعك

و توقعت أن يطلب صاحب الخبز منها كعكة كأخيه

و لكنها فوجئت ...بالصغير يطلب منها استبدال قطعة أخيه بالخبز بدلا من الكعك
حتى ينام مرتاح البال

ارتاح بال الصغير عندم أيقن أن أخاه يعاني كما يعاني هو


وصلت ؟

دي مش وصلت دي وصلت واتمخمخت ..
ربنا يبارك في شبابك يا دكتور ويديك على قد نيتك الصافية دي ..
بجد الواحد بيفرح لما بيلاقي شباب واعي زي حضرتك ..
حلوة الدعوة دي هات جنيه بقه يا بيه عشان اتعشى ..

المشاركة الأصلية كتبت بواسطة myr999

هل ترى فيما سأقول عدل ام لا وقول رائيك ندخل فى الموضوع ثانى بند فى الدستور (جميع المصريين متساوين فى الحقوق والواجبات )فهل يعقل ان واحد مصرى بس لة جنسية تانية وهى (بورسعيدى )يجيب عربية ب30000جنية وباقى المصريين يشترو نفس العربة ب 60000جنية بيقولو اصلهم بيعوضهوم على الى شفوة فى الحرب والعيل الى عند18 سنة شاف حرب يعنى السويس التى لم يكن بها مسكن واحد سليم وكذلك الاسماعيلية لماذا لا يتساو مع بورسعيد وممكن واحد ساكن فى الصعيد وفقد اباة واخواتة فى 67 و 73 والاخر بورسعيدى هاجر مع اهلة ثم عاد بعد الحرب فلما التفريق لنا الله تحياتى

المشاركة الأصلية كتبت بواسطة myr999

حسد اية ياعم وزوال نعمة مين استغفر الله سؤالى واضح وصريح لية التفرقة ما نكون زيهم والزميل الذى قال (جتنا نيلة فى حظنا الهباب) وكلام كتير اتقال الفارق ياسادة انانظرت من زاوية المساواة والاخرين نظرو من زاوية الحسد وزوال النعمة (كل اناء ينضح بما فية ) تصور حضرتك عندك عربية نوعها كذا والحكومة قالت العربية دى بالذات تدفع 10 جنية عند كل اشارة اعتقد انك مش حتقول انى ادفع مش مشكلة المهم ان باقى المصريين مابيدفعوش مش مهم انا ولو طلبت يالغاء هذا القانون يبقى انت كدة بتحسد باقى الشعب ام تطالب بالعدل و المساوة فى الظلم عدل ان هذا ليس اسلوب للحوار ومقارعة الحجة بالحجة فلم تحاول مثلا ان تقنعنى بسبب هذا القرار ولكن اتجهت لسبى بالحاسد ومحب زوال النعمة
وقولك لحديث الرسول (ص) حب لاخيك ماتحبة لنفسك لماذا لم يقم واحد بورسعيدى بقول القرار لازم يكن لباقى اخوانى المصريين قد تكون بورسعيدى او لك اقارب من بورسعيد يحكى ان الحجاج بن يوسف الثقافى ارسل فى احضار الامام مالك وعندما جاء كان يعلم انة يكيد لة فقال لة يحكى ان توفى قاضى عادل وصديقة فتم محاسبة الصديق وانتظر القاضى 40 عام فلما خرج قال لة كل هذا الوقت فى الحساب فقال لو اعلم اننى سأحسب هكذا ما كنت حكمت بين اثنين فى شق تمرة فقال للحجاج هذا بال القاضى العادل وشق تمرة فمابالك بما هو ليس بذلك (القاضى العادل اى انت) و بما هو اكثر من ذلك (شق التمرة )فارتجف الحجاج وامرة بالانصراف انظر لموقف القاضى العادل والحجاج انة العدل بين الرعية قال( سيدنا محمد (ص) اعدلو بين ابنائكم حتى فى القبلات) ولم يقل لاتعدلو بينهم وقل للاخر حب لاخيك ما تحب لنفسك وقال(سيدنا محمد(ص) ما من عبد يسترعية الله رعية يموت يوم يموت وهو غاش لراعيتة الا حرم الله علية الجنة ) فلنراقب اسلوبنا فى الرد بلا تجريح اوسباب قال تعالى بسم الله الرحمن الرحيم (ما يلفظ من قول الا لدية رقيب عتيد ) صدق الله العظيم وأشكر كل من وجة الى كلام جارح او تريقة او سباب

أنا عملت إقتباس لكلام حضرتك في المشاركة الأولى للموضوع و المشاركة الثانية بعد ما قمنا بالرد على حضرتك.......
طبعا واضح من كلامك في المشاركة الثانية إنك زعلان من بعض الردود ومنها الرد بتاعي "قاسم السماوي" و هنا أحب أعتذر لحضرتك لو كان كلامي تسبب في مضايقتك و أجرح مشاعرك ...بس ده كان أقل رد فعل لكلام حضرتك في حق البورسعيدية "موضوع الجنسية التانية و ليه اللي عندهم 18 سنة يركبوا عربيات رخيصة و الكلام ده.."
سيدي الفاضل لو القضية بتاعتك قضية عدل يبقى توجه إنتقاضك للحكومة مش للبورسعيدية لأن فيه فرق جامد إنك تجرح مشاعر أخوانك في محافظة بورسعيد بدلا من أن تهاجم أو تنتقد الحكومة