-
خطأ الغير
يوم الاحد عملت حادثه بالبيكانتو وكان معايا عمرو ابنى 13سنه جالس جانبى و مى 8 سنوات جالسه بالخلف
كنت فى طرقي الى هيبر فى 6 اكتوبر وماشى بسرعه ما بين 80 الى 90 ك فى الشمال وفجأه عربيه لانوس
كانت ماشيه امامى فى اليمين داس فرامل لفت منه العربيه وجت بعرض الطريق امامى فى الشمال دس فرامل بس للآسف حدث تصادم لصعوبة التوقف بسرعه 90 او 80 فى حدود6 متر تقريبا الحمد لله و فعلا الحمد لله ان محصل حاجه للرجل بتاع الانوس وكمان انا واولادى حقيقى مش مهم اللى حصل للعربيه صحيح كنت قلق و قت حدوث الحادث و ده طبيعى كلنا بشر العربيه اتخبطت خبطه جامده وقبل ما أنزل اشوف اللى حصل قولت العربيه ضاعت لكن بحمد ربنا تانى ان العربيه اتخبطت من الجنب الايمن والايسر عند الرفارف مش فى وسط العربيه ان شاءالله يتعملوا كويس
وكمان اغير كشاف امامى يمين هو اتكسر من جوا وشغال و الاكصدام اتخبط طبعا من الجانبين ليه حل ان شاء الله
اللى زعلنى ان صاحب الانوس و هو غالبا كان نائم اثناء الحادثه لآنه كان بيقول ايه الى حصل معرفش ايه اللى حصل عاوز يطلعنى غلطان و الغلطه غلطته فعلا و انا عارف انه بيقول كده عشان اسكت وأمشى وقلتله كده ومشيت لآنى فعلا مش عاوز حاجه منه وخصوصا كمان ان عربيته اتبهدلت لانه عنده اكس العجله اللى ورا أتكسر و كمان اللى قدام و قد يكون ده سبب الحادثه لأنه لما داس فرامل العربيه غربلت جامد معاه مسك فرامل اليد لفت منه جامد عندى فى الشمال فأصبح بعرض الطريق دست فرامل بس طبعا المسافه كانت قريبه جدا دخلت و الآكصدام بتاعه كمان طار فى الارض ربنا معاه خصوصا كمان بيقول انه مأجرها
معلش انا طولت فى الموضوع بس ارجو اننا نستفيد من أخطئنا واخطأ الغير و أن كان هذا لا يمنع القدر
الحمد لله الحمد لله الحمد لله
ملحوظه مهمه دائما ملتزم بحزام و أولادى وزوجتى برضه و همه معايا ملتزمين بيه وفعلا كان سبب من أسباب تلاشى حدوث أاى اصابه لنا ده طبعا بعد كرم ربنا وفضله ان محصل أذى لى و لآولادى و صاحب العربيه الانوس
أسف على الاطاله و لا اتمنى عدم حدوث هذا لآى أحد
-
حمدالله علي سلامتك انت والاولاد ومش مهم اي حاجة تانيةوربنا يعوضك وتصلح عربيتك وتبقي احسن من الاول
-
المفروض العربيات في مصريلغو الغيار الرابع والخامس لأن عشان متعملش تتجنب الحوادث في مصر لازم تمشي على 30 كم/س
يلا حمد لله على سلامتك ومتنساش تصليي ركعتين شكر
-
الحمد لله على سلامه حضرتك والاولاد.وربنا يعينك على تصليح العربيه.
-
حمدلله على سلامتك و كويس ان ربنا ستر و الكل طلع سليم و ربنا يسهل و العربية ترجع احسن من الاول
-
حمدا لله على سلامتك وسلامة الأولاد - دى أهم حاجة
وإن شاء الله عربيتك ترجع ذى الأول وأحسن
-
أشكر الجميع على المشاركه
الحمد لله العربيه كويسه فى واحد كويس عمل كل حاجه
و بمبلغ قليل 300 جنيه و كان المطلب 1000 جنيه
بس عشان معرفة ناس حبيبى خدمنى جامد انا لسه مشفت العربيه لانى فى الاسكندريه الان بس أنا متاكد منهم
ناقص بس اغير الكشاف الامامى لكن الرفارف و اللاكصدام أتعملوا كويس جدا
اشكر الجميع وربنا يحفظكم من كل شر
-
الحمد لله على سلامتك وسلامة الاولاد
وربنا يستر طريقنا جميعا
-
اللهم لك الحمد والشكر كماينبغى لجلال وجهك وعظيم سلطانك...حمدالله على سلامتك وسلامة اولادك..وكل اللى ييجى فالصفيح مش مهم
-
حمدا لله على سلامتك
وانا عايز انصح الناس,طريق هايبر ماركت مليان مطبات صناعية واحتمالات الوقوف المفاجىء كتيرة لأى عربية امامك وعشان كدة سيب على الأقل 10-15 متر خصوصا لو سرعتك عالية شوية.
وياريت مهم الحزام الخلفى للأطفال
وألف حمد لله على سلامتك.
-
حمدالله علي سلامتك انت والاولاد ومش مهم اي حاجة تانيةوربنا يعوضك
-
الحمد للة على سلامتكم و فداك اى حاجة
-
قدر الله وما شاء فعل
الحمد لله علي سلامتك وسلامة اولادك وسلامة السائق الآخر
وربنا يعوض عليك خير
-
الحمد لله يا أستاذ خالد على سلامتك إنت والأولاد وزمان كانت دايماً جدتى تقوللى اللى ييجى فى الريش بقشيش وربنا دايماً بإذن الله يحفظك طريقك
-
الحمد لله على سلامتك و سلامة اولادك و شكرا لله على انكم بخير. و ان شاء الله العربية تبقى كويسه. ربنا يسترها معانا جميعا.
-
حمد لله على سلامتك
واهم حاجة انكم بخير
وفعلا اخطاء الغير بتعمل بلاوى
وان شاء الله العربية تتصلح وترجع زى الاول واحسن
Content Relevant URLs by
vBSEO 3.6.0 PL2