الموضوع: ركنت أمام محل كماليات في المنصورة رجعت لاقيته مفضيلي الكاوتش!!

المشاركة الأصلية كتبت بواسطة ahmadkeshta

امبارح الظهر ركنت قدام محل الجزار للكماليات في طلخا ، المحل له ثلاثة أبواب واحد مقفول عبارة عن فاترينة عرض والاثنين التانيين مفتوحين، فركنت قدام الباب المقفول، فالصبي بتاع المحل قالي مش هينفع تركن هنا يا أستاذ علشان بيجيلنا شغل وبنوقفه قدام المحل" فأنا قلتله إن عنده المساحة قدام البابين التانيين فاضية وبعدين أنا مش هاتأخر دى هية نص ساعة بالكتير وراجع، فمااقتنعش وبدا ينادي على واحد اسمه حسام ، أو مش عارف يبدو انه صاحب المحل أو حاجة زي كده ، لكن أنا طنشتهم ومشيت ، ولما رجعت بعد نص ساعة لقيت عجل العربية متفرغ لنصة وكاوتش من الأربعة الجداد إللي لسه بشوكهم مخروم . طبعا اتخانقت مع المدعو حسام ده ، وهو بمنتهى البرود وهو بيتكلم عن المحل والابواب الثلاثة وما ينفعش تركن هنا ، وبيقولي "علشان متعملش كده تاني" الحقيقة أنا يا جماعة مكنتش عارف أعمل إيه فيه ، أنا مش من طبعي إني أمد إيدي على حد أو حتى أشتم حد ، فزعقت شوية وكان فيه الحمد لله محل كاوتش جنب العربية فمليت العجل ومشيت ، في الوقت ده مكنتش أعرف إن فيه عجلة مخرومة ، فروحت وركنت قدام البيت، ولما نزلت بالليل لقيت العجلة نايمة على الأرض ، وطبعا الكاوتش جديد، فأنا مهمل الاستبن تماما ومفيش معايا كوريك حتى، فالاستبن فاضي ومفيش معايا كوريك، ، استلفت كوريك وحليت العجلة وشلتها في تاكسي ورحت لحمتها ورجعت تاني ركبتها عند البيت وبعدين رحت مشواري. طبعا بعد ما ضاع ساعة أو أكثر ده غير البهدلة، الآن أنا أتسائل : هل من حق أي صاحب محل إنه يمنعك تركن قدام المحل بتاعة وخصوصا لو كان له أكثر من بابين، وإذا ركنت قدامه ورجعت لقيته عامل حاجة في العربية ممكن تعمل إيه؟؟؟

****
نصيحة بسيطة ؛ لو لك معارف في القسم خد معاك أمين شرطة بس يكون لابس مدني وخلية يتابعك من بعيد ( عشرة متر تقريباً ) وروح اركن هناك تاني وخليهم يعملوا معاك أي حاجة وهو هيبقي شاهد عليهم ويعمل لهم المحضر اللازم
وطبعاً زي ما الأخ الفاضل /yehia قال

المشاركة الأصلية كتبت بواسطة yehia

ودى جنحة وفقا لنص المادة 81 مكرر 2 من القانون رقم 66 لسنة 1973 بشأن المرور والمضافة بالقانون رقم 121 لسنة 2008 : -"

ياباشا بص انت بتفكرنى بواحد صاحب محل تحتينة عمل زى كدة بس وقع مع واحد تقيل اولا جاب 3 عربيات ركنهم قدامة جب شروكى 94 وسابة حوالى اسبوعين شهر الراجل خلاص بقا بيشد فى شعرو لغايت محاول ينقل وحدة جبلة القسم وخربو بيتة انا بتعرض لحجات دية كتير اللسان الحلو بيخلص اى حاجة

المشاركة الأصلية كتبت بواسطة mido777

شكلك انت حسام اللى صاحب الموضوع بيقول عليه

لا ياعم ايه اللى جاب المنصورة للهرم

المشاركة الأصلية كتبت بواسطة sh23

****
أفهم من كلام سيادتك أنه إشتري الرصيف

لا مشتراش الرصيف بس فى محلات مينفعش تقف قدامها لأن ده رزقهم فى الركنة دى
زى ورش الميكانيكا ومحلات كماليات السيارات وورش تصليح كوالين السيارات
انا معاك انها حاجة تحرق الدم طبعا اللى عملوه بس هو السبب انهم يعملو كده
انت لو عندك محل من دول هتسيب حد يقف قدامك ؟؟

المشاركة الأصلية كتبت بواسطة abou_ruqi

لا يا شيخ ؟؟

لاتعـــــــــــــــليق

انا عارف المحل دا
لو منك ابلغ فيهم والله