هشتري Gen 2 أول شهر 3

**a_a_ragab** · 25-02-2009 12:12 PM

السلام عليكم ورحمة الله وبركاته

السادة الأفاضل / أعضاء منتدى نايل موتورز - بروتون

تحية طيبة وبعد ,,,

بعد شهر كامل من المقارنات بين العديد من الأنواع والأسعار وبعد صلاة الاستخارة قررت بعد مشيئة الله شراء Gen 2
موديل 2009 اوتوماتيك (كاملة)

ونصحني صديق مقرب مني بزيارة منتداكم الجميل لأسمع نصائح ماقبل الشراء وملاحظات عامة على السيارة
تفقدت المنتدى وازدادت رغبتي بشرائها وهاجيبها كاش إن شاء الله

وعاينت السيارة بمعرض عز العرب في العجوزة
وسعرها هناك 90900 جم
وسعرها عند اوتو سمير ريان 90000

أريد منكم شيئين :
1- عناوين معارض أخرى لربما يكون هناك فارق في السعر
2- نصائح ماقبل وعند الشراء وبداية الاستخدام

وشكرا جزيلا لكم جميعا
وبكوني عضو جديد في منتدى بروتون

**amir** · 25-02-2009 01:54 PM

ربنا يوفقك في الشراء و فعلا عربيه حلوه و هتعجبك
بالنسبه للحاجات اللي بتشيك عليها عند الاستلام هي كل حاجه
فوانيس سنسور كاسيت ابواب ريموت
و بتاخد مع العربيه طبات الطاسات و الاريال و الكوريك

**Ayman_52** · 25-02-2009 03:33 PM

اهلا بيك ياباشا فى النادى البروتونى

منور والله

بخصوص السعر...حضرتك ياباشا ممكن تخلص فيها من التوكيل على 89 او 88..وكمان حضرتك كاش يعنى هتخلص بسرعه...وافضل انك تجبها من التوكيل ..بس باردوا حضرتك اسال فى كام معرض لو جالك سعر اقل من 89 يبقى توكل على الله.

وان شاء الله لما تحجز وعربيتك تجيلك ...قبل ماتدفع الفلوس وقبل ماتعمل بوليصة التامين(لو هتامن)عاين العربيه كويس جدا...وفصصها ...عشان لو لقدر الله فى عيب معين تقدر تغيرها بسهوله.

وان شاء لما تستلم...ابقى بلغنا عشان نشرب الببسى...ومبروك مقدما وان شاء الله تستلم على خير ياباشا

واى استفسار انا تحت امرك

**a_a_ragab** · 26-02-2009 01:11 PM

جزاكم الله خيرا جميعا
سعيد جدا بتفاعلكم معايا

د.امير

شكرا جزيلا على نصائح الاستلام وباذن الله يكون معايا واحد صاحبي معاه جين 2 بقاله 3 شهور يستلم معايا

اسلام بيك

هسأل في المصرية النهارده ان شاء الله ( وهشوف قصة انه ساعة الكاش ممكن يقلل السعر في التوكيل )
شكرا جزيلا ليك

أيمن باشا

بنورك يافندم
تمام جدا موضوع التقليل ساعة الكاش مكنتش واخد بالي منه
والمعاينة إن شاء الله هجرب كل حاجة زي ماقلتوا
أما بالنسبة لموضوع التامين هل في شركة ترشحوهالي ؟؟؟
حد قالي اامن تبع كونتاكت ؟؟
ايه النظام

وبالنسبة لموضوع البيبسي ماتقلقشي
وهتابع معاكم أول بأول بإذن الله

وانا ماشي امبارح بالعربية اللي معايا ( تأجير ) لمحت واحد راكب جين 2 سودة وجامدة قربت منه وسألته عن الموديل وبكام ، اداني الكارت بتاعه ( اسمه احمد توفيق ) كلمته مباشرة
ووقفلي عند بنزينة موبيل قبل نفق الشيراتون
وحكينا مع بعض أكتر من 20 دقيقة ونصحني أشترك في جروب الجين 2 على الفيس بوك
وقاللي هما بيتقابلوا كل فترة وفي حاجات ظريفة بيعملوها
وقالي على معرض فاراياتي عند نادي الصيد بالدقي وهسأل هناك إن شاء الله

وشكرا ليكم جميعا مرة تانية

**amir** · 26-02-2009 02:17 PM

طيب انت هتاخد معاك واحد صاحبك معاه جين بقاله فتره
يبقي متقلقش خالص من النقطه دي هو هيفصصهالك و انت زي الباشا حاطط رجل علي رجل تمام

بالنسبه للتأمين فالنصيحه كالتالي
اوعي اوعي اوعي الجمعيه المصريه للتأمين
عندك كونتكت او الليانز
اغلي شويه اه
بس بلاش تسترخص ساعه دفع التأمين و تدفع دم قلبك وقت الجد سواء فلوس او حرقه دم و اعصاب و معامله من الجمعيه المصريه ممكن تدخل فيهم السجن ساعتها!!!

عندك برضو مصر للتأمين او الشرق للتأمين

انا لظروف خاصه بيا انا شخصيا امنت مع الجمعيه لكن مش عايز احتك معاهم في شيء

كل الحكايات عنهم في المنتدي هنا زباله, و لما رحت بنفسي اأمن لقيت معامله ظريفه جدا ساعه الدفع, لكن لاحظت الناس اللي جايه تصلح بيتعاملو ازاي
شفت الافلام القديمه ام ابيض و اسود اللي كانت عن العبيد؟!!
هو كده بالظبت

و يا ريت لو تقولي علي اسعار الجين 2009 الاوتوماتك بدقه لأني عايز ابيع الصني و اشتري جين قريب

**Ayman_52** · 26-02-2009 06:05 PM

المشاركة الأصلية كتبت بواسطة ahmedsiyam

العربية تخلص دلوقتى بـ 88000 جم الكاملة الاوتوماتيك

اكتر من كده هاتبقى غالية خاصة انك هاتجيب كاش

خليك مع استاذ/احمد.. وهو هيضبطلك الدنيا...راجل جدع جـــدا

وبخصوص شركة التأمين...عندك كمان ممكن تأمن مع عز...هو شغال مع شركه اسمها -التأمين التكافلى-...الصراحه كنت خايف تكون مش كويسه زى الجمعيه لحد ماجربتها والصراحه شغلهم سريع وفى اللذيذ...وميزتهم انك بتروح تودى العربيه عند عز ومالكش دعوه بأى حاجه تانيه..ونسبتهم 3%(دى ساعة ماشتريت مش عارف كام دلوقتى)....وكمان عند حضرتك -اليانز- شركه محترمه جدا..وكمان -كونتكت- جامده..

وانا تحت امرك فى اى استفسار