الحقونى العربيه رجعت تاكل بنزين

**zozo2010** · 25-02-2009 02:31 PM

اناخلاص اتجننت العربية نوبيرا مو2001مانويل غيرت الرشاشات الىBMWواضفت المنظف عملت 230 كم/20لترعلى الطريق السريع وكنت فرحان جداوبعد 15يوم رجعت تانى داخل اكتوبر عملت150 كم/20 لتر(209كم/28لتر)اعمل اية مش عارف اعمل ايه مع العلم انا غيرت البوجيهات مع السيور وجيوان الكرتيره قبل مااغير حساس الشكمان والرشاشات ومش عارف اعمل ايه

**samirayad** · 25-02-2009 06:45 PM

أكشف كده الأول على جودة الأتصال بين البوجيهات والكابلات بتاعتها اللى جايلها من البوبينا..........

وراجع برضه على فلتر الهواء.....وظبط الكاوتش كويس على 32 ................

-برضه ياريت تشوف وضع خروج العادم أتغير ولا لسه زى ماهو......يعنى الشكمان مش مكتوم

- وعوزك برضه تشوف الجنوط وتجسها وتشوف حرارتها بعد مشوار كويس.....يمكن تكون مساترالفرامل ما بترجعش كويس وبقت محمله شويه....نتيجه ياى أرجاع ضعف ولا حاجه.......وقولى على النتيجه بعد ماتراجع على الحاجات دى.......لأن الموضوع ده عاوز شوية صبر شويه على منعرف أسبابه................

خد برضه الموضوع ده وأقرأه كويس وشوف فيه حاجه عندك زى كده http://www.nilemotors.net/Nile/showthread.php?t=60028 طبعا ملناش دعوه بالحته بتاعة شاكوش الأسبراتير .....علشان منلقيش البونديره أشتغلت......ونلاقى اللى بيقولوا عربياتنا مفيهاش أسبرا تير (وعلشان كده قولت ....وجب التنويه)..........ونلاقى الموضوع طعمه بدأ يبوظ مننا...............

**zozo2010** · 28-02-2009 01:03 AM

اشكرك على سرعه الرد انا لما كنت بغير الرشاشات فك بوجيه كان فيه زيت كتير مكانه مع انى كنت لسه مغير جوان الكرتيره ولما غيرت الزيت نقص نوص كيلو ده ممكن يكون سبب والنهارده وانا ماشى بسرعه العربيه بطلت لوحدها عملتها 3مرات

**samirayad** · 28-02-2009 07:00 AM

المشاركة الأصلية كتبت بواسطة zozo2010

وعمال تلحن ومبسوط......للأسف لازم تحل رأس السلندر وتغير سيلات الصبابات .....وبالمره أبقى أكشف على حالة البلوف (الصبابات)وأعمل روديه بالمره.......

.....

**msobhy** · 28-02-2009 08:49 AM

أستكمالا للحديث
انا عندى مشكلة اكل البنزين من زماااااااااااااااان
كنت عند الميكانيكى بتاعى امبارح وكنت بغسل دورة التبريد بضمير شوية فالعربية كانت شغاله متواصل لمدة 30 دقيقة على السلانسية والراجل قاعد يشكر فى الموتور بتاعى
بعد شوية الشكمان بدأ ينزل نقط ميه بسيطه والميكانيكا قال لى شوفت مش بقول لك ان موتورك ممتاز
لما كلمته على اكل البنزين راح كاشف على البوجيهات وقال لى ان لازم نغير الكاوتش او الجلب اللى حوالين الصبابات (مش فاكر بالظبط قال ايه) وبالمره نغير جوان وش السلندر
بصراحة سمعت وطنشت وقلت استشاركم الاول

**samirayad** · 28-02-2009 08:06 PM

المشاركة الأصلية كتبت بواسطة msobhy

أستكمالا للحديث
انا عندى مشكلة اكل البنزين من زماااااااااااااااان
كنت عند الميكانيكى بتاعى امبارح وكنت بغسل دورة التبريد بضمير شوية فالعربية كانت شغاله متواصل لمدة 30 دقيقة على السلانسية والراجل قاعد يشكر فى الموتور بتاعى
بعد شوية الشكمان بدأ ينزل نقط ميه بسيطه والميكانيكا قال لى شوفت مش بقول لك ان موتورك ممتاز
لما كلمته على اكل البنزين راح كاشف على البوجيهات وقال لى ان لازم نغير الكاوتش او الجلب اللى حوالين الصبابات (مش فاكر بالظبط قال ايه) وبالمره نغير جوان وش السلندر
بصراحة سمعت وطنشت وقلت استشاركم الاول

شوف أنت برضه حالة البوجيهات عندك .....لو مهببه وعليها لون بيلمع يبقى كلامه مظبوط..............

* وياريت تقولى بتزود زيت كل فتره ولا أيه الوضع.....علشان لو بتزود زيت والمقاس بينقص معاك يبقى الكلام مظبوط ....ولو الزيت كويس ومفيش أى تزويد .....يبقى كلامه مش صحيح....

**msobhy** · 28-02-2009 11:13 PM

المشاركة الأصلية كتبت بواسطة samirayad

وياريت تقولى بتزود زيت كل فتره ولا أيه الوضع.....علشان لو بتزود زيت والمقاس بينقص معاك يبقى الكلام مظبوط ....ولو الزيت كويس ومفيش أى تزويد .....يبقى كلامه مش صحيح....[/RIGHT]

مش بزود زيت خاااااااااااااااااااااااا لص
زى ما بحط الزيت زى ما بشيله بعد ال 10000 بيقل حاجة بسيطه جدا لاتذكر
بمعنى انى لو بحط 3.75 لتر لو فاضيت الزيت اللى فى الموتور والفلتر ممكن يبقوا 3.6

**samirayad** · 28-02-2009 11:20 PM

المشاركة الأصلية كتبت بواسطة msobhy

مش بزود زيت خاااااااااااااااااااااااا لص
زى ما بحط الزيت زى ما بشيله بعد ال 10000 بيقل حاجة بسيطه جدا لاتذكر
بمعنى انى لو بحط 3.75 لتر لو فاضيت الزيت اللى فى الموتور والفلتر ممكن يبقوا 3.6

يبقى شيل موضوع سيلات الصبابات ده من الليله كلها......وكويس أنك طنشت الكلام اللى أتقالك قبل كده