ماهي السيارة ذات البرستيج في حدود 150 الي 180 ؟

حصل لي تقدم كبير جدا في عملي مما جعلني افكر في بيع سيارتي هوندا سيتي 2006 "برغم انها سيارة رائعة بكل المقاييس " وشراء سيارة تتناسب مع وضعي الجديد "الحمد والشكر لله اولا واخيرا" وبصراحة حتي الان لم اجد ماريد برجاء المساعدة وهاهي مواصفاتي

1- سيارة ذات برستيج او مبهرة "مايحضرني هو الباسات اوالمرسيدس 200 بس طبعا فوق امكاناتي بكتير

2- سيارة من 150 الي 180 الف بحد اقصي

3 -لابد من وجود ايرباج للسائق والراكب الامامي

4- اوتوماتيك حيت اني لااعرف قيادة المانوال

5- لا اهتم بالجري حيث ان اقصي سرعة اصل اليها هي 100 كم

هل توجد سيارة بهذه المواصفات ؟ خصوصا موضوع البرسيتج

أولا أهلا و سهلا بيك فى نايل موتورز :)

ثانيا مبروك على تقدمك فى العمل و ربنا يزيدك إن شاء الله :)

ثالثا :

عندك الأوبل فيكترا - عندك السيفك الجديده - عندك الباسات - عندك الأوكتافيا

فى المستعمل عندك بى إم 520 موديل 99 2000 هاتكون فى حدود 170 180 ألف (أحلى بريستيج من غير كلام)
أو مرسيدس سى 180 بس للأسف الشكل القديم موديل 99


لو الجديد أرشحلك الباسات أفخم ثم السيفك ثم الفيكترا

لو المستعمل متفكرش وهات البى إم 520

فى حدود السعر دة فى كذا حاجة كويسة جداً كبرستيج و سمعة و سعر اعادة بيع و تنفع كـ executive style كما فهمت من سؤال حضرتك:

1- أوكتافيا A5
2- هوندا سيفيك
3- أوبل فيكترا
4- ميجان فول أوبشن
5- تويوتا افنسس و دى أنا حاططها فى الآخر عشان مانيوال بس و حضرتك طالب أوتوماتيك

اية رايك فى هيواندى سوناتا 2400 سىسى فى كماليات حلوة وياسلام لو لونها اسود وهى تقريبا با 180 الف جنية وبها 2 ايرباج ناقل حركة اتوماتيك وبها كماليات كتير وعربية مناسبة بالنسبة لسعرها وفى برضوا الية حلوة من واجهة نظرى اسكودا اوكتافيا اليجانس ويكون لونها اسود وبها كماليات كتيير

مبروك يا اخى ونتمنى لك مزيدا من التقدم ان شاء الله, من وجهة نظرى ارى انك ممكن تشوف الاسبيرانزا 620 الى بيقولوا عليها الكبيرة, او لو حضرتك مش من هوا الصينى زى حالاتى كدة يبقا ممكن نفكر جيتا وهيا طبعا عربية محترمة جدا وشكلها خرافى بس هتزيد شوية فى السعر او هوندا سيفيك الجديدة واكيد برستيجها هيبقا عالى جدا وفيها كل الى تتمناه او PT كروزر وبرضة هيا سيارة برستيجها عالى جدا جدا جدا وامريكانى وقوية بالفعل , ودل الى جم فى دماغى حاليا.

1-opel vectra
2- ford focus
3- VW jetta
4- Renault Laguna

انا بقول العربيات اللى جت فى دماغى, مش مرتبهم

انا اسف الفكترا مانيوال, و تقريبا الرينو اللاجونا
حضرتك ممكن تضيف مكانهم
1- بريليانس جالينا : 2.0 اتوماتيك ب 150 الف
2- اوكتافيا A5

1.اوبل فيكترا عربيه لسه جديده و جديده علي العين كمان(لسه الناس مش متعوده عليها)
2.سكودا اوكتافيا(عربيه تقنيه الماني برضه و برستيجها معقول لكن الناس شافتها و متعوده عليها)
3.زي ما قالك السيد ميمو الفئه الخماسه اواخر التسعينات عربيه مالهاش حل و العربيه دي اول ما طلعت الخبراء في انجلترا قالو الكلمه اللي حكتبهالك دي بالضبط(قد تكون افضل سياره في العالم) ها ايه رايك بقي

استاذ عبدالله كتب:

اقتباس:

---

من وجهة نظرى ارى انك ممكن تشوف الاسبيرانزا 620 الى بيقولوا عليها الكبيرة, او لو حضرتك مش من هوا الصينى زى حالاتى كدة

---

يا راجل حرام عليك هو ده البرستيج برضه ؟؟؟؟؟ ماينفعش ابقا راكب صينى و يبقى برستيج خالص !!!!! حتى و لو قلتلى موديل 1620 مش 620 بس :lol:
و ده رأيى انا الشخصى فى موضوع البرستيج ده مش فى العربيه .

و بخصوص الأجابه انه ممكن يجييب اوكتافيا A5 او جيتا .

a7'ookom
Sherif

بما انك راكب هوندا سيتى فانت تعرف ما هى الهوندا لذللك ارشح لك السيفك الجديدة

السيفيك نوعا ما عربية شبابية رياضية اكتر منها عربية executive للاشخاص الباحثين عن البرستيج

الاختيارات كالتالي كبرستيج وامواصفات اللي حضرتك قولتاه وانا أزود عليها قوة الأستحمال وقلة المشاكل وامانها وعمرها الأفتراضي :::::
1- هوندا سيفيك .... بس هيا من رياضية لبرستيج يعني مندا على ده يعني مقدرش اقول برستيج ميه في الميه
2- الفيكترا طبعا الجديدة .....
3- الأفينسيس وانا سيبتها للأخر مع العلم اني أفضل ان تكون الأولى ولكن لعدم رغبتك في المانيوال فانا سيبتها للآخر لأنها مانيوال فقط في فئة 1600 سي سي ....

أما عن الميجان والأوكتافيا فلا أرجحهم لك لأنهم ليسوا معمرين وليسوا بالكفاءة مثل الوندا والاوبل والتويوتا وليسوا بالبرستيج المطلوب وعربيات موديلات قديمه قربت على التغيير .....

أما لو مستعمل فأنصحك بالبي أم دبليوا

الjetta الخليجي ب180 ألف تقريباً Full Options ...و خليجي من ضمان مش حتفرق في عربية زي الJetta

يرستيج = BMW أو مرسيدس حتى لو عظم في قفة
أي ماركة أخرى تبقى معادلة بين السعر والكماليات المتاحة
واعتبرنى مجنون وانا بقول ان أكترعربية في السوق المصري تساوي أكتر من تمنها بكتييير Chery A620 والدليل على ذلك ان المستورد منهاChery Oriental son تمنها في التوكيل 250 ألف أهيف.
ويفوز ياللذات كل مغامر

Volve S40 without a question

if you're talking about prestige

the only missing point is that it's Manual, not Automatic as u want

ابو عبد الله, الفكترا مانيوال بس

I Say Ocatavia A5 For the following Reasons (according to my Experience):
1-Very Stable On high Speeds without the feeling of any voice or turblence inside the car(u can even let ur hands on 180km/h in the hardest roads and it wont let u down).
2-4 Airbags, ABS, EBD, MBA, ASR, very ridgid and solid body.
3-with 180000 u get alloy wheels, radio MP3, 2 Zone Climatronic A/C, Trip Computer, Cruise Control, 6 speed Steptronic, and lots of other options.
4-the octavia is a very durable car.
5-Has more Room than the Jetta and the Vectra (u wouldnt imagine till u get in all of them).
6-it is an number 1 Small Executive Car in lots of countries, See the Following link
http://www.worldcarfans.com/news.cfm...tavia-produced
7- it has the most elegant and Executive Look for a car in its range (my opinion)
In my opinion, u have only 4 cars for ur situation 1- vectra , 2- Avensis, 3- Octavia A5, 4- JETTa
I highly Reccomend the A5 for u, for the previous reasons and because the first 2 options are only availble in Manual Eddtions.
8- finally i dont recommend a used car, my father was in ur same exact situation, but the feeling of a new car for this money is much more different than getting an used car.
9- dont Go for the basic passat (205,000), it is very poor compared to the Ocatvia 180000.

If u need any details about the Octavia im at ur service..
NAder NAbil

for 200,000 you can get A C180 2001 to 2003 or BMW 318i 2002 to 2004

w rabbena yew3eda ya man :mrgreen:

Octavia A5
VW Jetta

if i were u i'll buy the sonata 2.4l it is wonderfull car but the problrm is
is ghabour assemble it well or not
wish u luck coz u r in really deep problem to choose a car in Egypt speacially if u don't know which one u r dreaming of

السلام عليكم

رأى الشخصى و عن تجربة الرينو ميجان فول أوبشن عربية تحفة فيها كل اللى إنت عايزه :
1- برستيج و فخمحة جدا
2- فول أوبشن سيبترونيك (أوتوماتيك و مانيوال)
3- 6 إيرباج (مش 2 فقط)
4- موتور قوى جدا و ناعمه جدا فى سواقتها.
5- لسه قدامه 3 سنين كمان علشان الشكل يتغيير .
6- الموديلات القديمة بتاعتها ( 99 لحد 2003) معمرة لحد دلوقتى .

أنصحك بفولكس JETTA 2007
و لو تقدر تكسر الـ 200ألف شوف الفولكس PASSAT ، ابسط تعليق سمعته عنها (اوعا) زى الشباب مابيقولوا :)

برستيج وتوكيل سهل محترم يبقى اكيد فولكس جيتا بالضمان ..اوتوماتيك
فى برضه الاوكتافيا الستبترونيك جنوط وفتحة سقف وكل الكماليات فى حدود 180000 وهى الافضل فى الكماليات بالسعر ده

مع احترامى للاستاذ احمد, توكيل الفولكس فاجن من اسوأ التوكيلات فى مصر و ده عن تجربة

انا نا اتعاملتش معاه بس واحد قريبنا عنده الجيتا المانيوال وبيشكر فى العربية والتوكيل .... عموما انا شايف ان الاسكودا افضل

عموما ياأبوحميد :

مع الفولكس الجديد لا حتاج التوكيل (فيما عدا الصيانة الدورية)، الا بعد 100 الى 150 ألف، و أكيد ساعتها هاتغير و تبيعها لزبونها الجديد ، ده برضه عن تجربة، أعتقد الفولكس مستوى متميز جدا فى الصناعة و المميزات ، كمان مراقبة الجودة تكاد تكون 100%

اقتباس:

---

المشاركة الأصلية كتبت بواسطة جندى مجند

فى حدود السعر دة فى كذا حاجة كويسة جداً كبرستيج و سمعة و سعر اعادة بيع و تنفع كـ executive style كما فهمت من سؤال حضرتك:

1- أوكتافيا A5
2- هوندا سيفيك
3- أوبل فيكترا
4- ميجان فول أوبشن
5- تويوتا افنسس و دى أنا حاططها فى الآخر عشان مانيوال بس و حضرتك طالب أوتوماتيك

---

+1

و فيه الجيتا برضه

عليك و ع المرسيدس ممكن اواخر التسعينات تلاقى حاجه كويسه

الموضوع ده عدى عليه أكتر من سنة يا جماعة

دا زمانه عمل بالعربية 30 40 الف

شريف 80 هو إللي رفعه مش عارف ليه؟؟!

1-Jetta
2-Civic
3-Sonata
بس لو تقدر فعلا تكسر ال200 الف يبقى عليك و على البيجو 407 دي بقى قمة الفخامة و الروعة و مش منتشرة اوي