MEGANE II - Hatch Back

**spero** · 25-02-2009 10:29 PM

السلام عليكم اولا بصراحة انا متعشم في رجالة الرينو انا ناوي اغير العربية بس بفكر في الهاتش باك ميجان ومش عارف سعرها اية نظامو وممكن الاقي فين واحدة نضيفة واية الحجات اللي اخلي بالي منها وانا بشتريها ودة طلب خاص لاصحاب الميجان هاتش باك واللي ركبها هوا اكيد عارف الليلة بتاعتها وياريت تنصحوني ...

1- البنزين بتعمل كام ف ال 20 لتر
2- قطع الغيار
3- اعادة البيع
4-نظام التوكيل كويس وحش كدة يعني
5- دي بئا اللي يعرف حد عاوز يبيع يقولي

**fahd_628** · 25-02-2009 10:32 PM

لو حضرتك بتفكر فى مستعمل احسن حاجة تكشف عليها فى التوكيل و تشوف اية نظامها حيجيبلك كل صغيرة فيها

**spero** · 25-02-2009 10:35 PM

اكيد هعمل كدة يا فهد شكرا علي ردك بس متعرفش رينج السعر بتاعها كام والعداد بردو يعني تكون عملا كذا الف وسعرها كذا فاهم المتوسط بتاعها ...

**fahd_628** · 26-02-2009 01:51 AM

اكيد هعمل كدة يا فهد شكرا علي ردك بس متعرفش رينج السعر بتاعها كام والعداد بردو يعني تكون عملا كذا الف وسعرها كذا فاهم المتوسط بتاعها ...

موديل كام ؟

بالنسبة للحاجات الى انت زودتها

1- البنزين بتعمل كام ف ال 20 لتر

حسب استعمالك ممكن تعمل معاك 7 لتر لكل 100 كم فى الطرق الطوالى او مع قيادة هادئة جدا
و ممكن تعمل معاك فى المتوسط 200 - 220 كم فى الصفيحة و دة فى القيادة المتوسطة

قطع الغيار متوفرة داخل التوكيل و خارجة و الأسعار ممكن تعرفها من الموضوع المثبت

اعادة البيع فى الميجان سيئة و دة بسبب الأشاعات الى طلعت عليها بس هية بتبقى فى رينج 70 - 90 - 100 ممكن 120 حسب الموديل و الحالة

التوكيل 100 100 و محترم جدا

**blazer** · 26-02-2009 04:17 AM

معظم موديلات 2005 سعرها فى حدود 80-70 الف

**Amr_Moh** · 26-02-2009 02:57 PM

المشاركة الأصلية كتبت بواسطة fahd_628

اعادة البيع فى الميجان سيئة و دة بسبب الأشاعات الى طلعت عليها بس هية بتبقى فى رينج 70 - 90 - 100 ممكن 120 حسب الموديل و الحالة

التوكيل 100 100 و محترم جدا

الله عليك يا فهد
اسمحلي أوضح نقطة تانية فموضوع سعر إعادة البيع
هي مش بس مسألة إشاعات ده ثقافة بيع و شرة
الغالبية العظمة مننا كمصريين عايزين عربية متحتجش صيانة
سعرها صيني وكمالياتها أوروبي - بتقول ماما و بابا يفضل تصرف على نفسها
ودة مش حال الرينو " عشان كدة بترخص "
عربية بإمكانية عالية بس محتاجة زبون حريص و مستعد يصرف عليها
وأصاد الحيدفعو حياخد بكل جنيه " متعة القيادة "
اما لو عايز
Maintenance free car
تبئة الرينو مش طلبك . وحديك مثال
أبل المجان كان معايا عربية مختلفة تماماً
فيات سينا كنت جايبها ذيرو وبعتها عملة ٧٠٠٠٠ كم فبريكة بالكامل بمعنى الكلمة
العربية د صرفت من الزيرو كل كل كل حاجة عدى البنزين مايساوي صيانة ال-٦٠ فالمجان

يابلاش
مل أخر لو تقدر تحافظ وتصون هات المجان
خلص الكلام

**spero** · 26-02-2009 05:02 PM

الف شكر يا جماعة طيب لو 70 مقفولين اجيب حاجة محترمة ولاا ازود عشان بصراحة انا والدي عامل معاة 13 الف خناقة عشان الرينو دي عمال يقولك هات حاة سيدان ومش عارف اربعة باب وحاسس ان عندي الف سنة لو حد يعرف معارض محترمة يقولي لو سمحتو ....

**chato_eg** · 26-02-2009 05:37 PM

المسألة مش بس ال 70 ألف جنيه
الهاتشباك أصلا قليلة جدا مقارنة بالسيدان
و علشان تلاقى واحدة ميجان مستعملة حالتها كويسة دى بتأخذ وقت
فما بالك لو هاتشباك.....
الموضوع مش مستحيل لكن عايز صبر
لو إنت عايزها و فاهم ماهيتها ...يبقى تصبر لحد ما ربنا يوفقك لواحدة كويسة....
و أهم حاجة الكشف فى التوكيل...هما 550 جنيه لكن بتبقى عارف إنت حاتحط ال 70 ألف و لا أكتر فى إيه بالظبط....
نظام الكشف ...بتكلم 16202 و تحجز ميعاد للكشف...و تروخ تقضى اليوم هناك و فى النهاية بتأخذ تقرير مفصل عن كل صغيرة و كبيرة...
و بالتوفيق إن شاء الله

**spero** · 26-02-2009 11:40 PM

بجد انا عاوز اشكر كل اللي ردو عليا انا بصراحة المشكلة بتاعتي اني بضايق من التجار بحس انو بيشتغلني وانا هندي وانا حابب العربية بصراحة انا بحسها شيك ومحترمة والرينو مش وحشة انا معرفش الناس بتقول كدة لية انا عجباني من زمان ركبتها حوالي شهرين كانت مع واحد قريبنا وسافر وانا استخدمتها بس مكنش ف دماغي انا بحسها مرفهة وشيك كدة بس انا هتجنن من التدوير لقيت واحدة خليجي وعاملة 97000 الف موديل 2005 بس لسة مكلمتش صاحبها وواحدة تانية 2004 عاملة 70000 الف بس مش عارف لما اكلموا يبئا انا المفروض اعرف توبها كام عشان ميقلش تمن وهوا بيتكلم صح وابان اني ولاا فاهم ف البطاطا

**chato_eg** · 26-02-2009 11:46 PM

العربيتين دول ماشيين مسافات طويلة....حاول تدور على عربيات مش ماشية كتير إلا إذا فى شرطين مهمين
1- العربيات دى معمول لها صيانات فى التوكيل أو مراكز خدمة معتمدة و فى المواعيد المظبوطة ( طبعا كده كده هتكشف فى التوكيل )
2- عندك استعداد تصرف على العربية...لأنها هتحتاج صيانات محترمة ( علشان وصلت لمرحلة ال 80 ألف و 100 ألف كيلو )
طبعا لازم هيكون سعرهم نازل كتير علشان المسافات الطويلة المعمولة
كام بالظبط مش عارف بصراحة

الموضوع: MEGANE II - Hatch Back

LinkBack

أدوات الموضوع

عرض

MEGANE II - Hatch Back - انشر الموضوع فى :

-

-

-

-

-

-

-

-

-

المواضيع المتشابهه

Honda CIVIC Hatch Back TypeR 1998

مطلوب رينو ميجان hatch back

honda civic--hatch back

عمالقة الفئة العائلية الصغيرة ( Hatch Back )

.:: ميتسوبيشى ترد على السوبارو ب EVO-S protype هاتش باك ؟؟!؟!Hatch-Back (صور)

الكلمات الدلالية لهذا الموضوع

المفضلات

المفضلات

ضوابط المشاركة