عرض للطباعة
السلام عليكم ورحمة الله وبركاته
اريد ان استفسر عن الشركات اللي بتطلب عربيات للتأجير في الجرائد
علشان تشغلها في السفارات والوزارات وشركات البترول والسياحة والخاصة كمان
ما هيا المشاكل الموضوع ده لمن لديه معرفة في الموضوع ده
لأن صديق لي معروض عليه 2400 جنيه في الشهر
لكورولا 2006
فرجاء الأفادة
وشكرا للجميع
والله فى حاجة انا شخصيا مش متاكد منها 100 بالمية
بس لازم اقولهالكم قد تكون صحيحة عشان تاخدو حذركم
انا سمعت والعهدة على الراوى
ان فى شركة عملت الموضوع دة ولمت عربيات كتير من ناس عاوزة تاجر عربياتها ب 3000 جنية فى الشهر حوالى 12 عربية كلهم زيرو اصحابهم اشتروها مخصوص للتاجير ومعظمهم اكيد قسط عشان يدفع القسط من الايجار......والشركة او مكتب التاجير باعتهم كلهم بتوكيلات مزورة ومش لاقيينهم لغاية دلوقتى
ياريت بلاش الموضوع دة...
طيب لو شركة معروفة او شغاله من زمان
ياريت يا اخواني اللي عنده معلومات اكتر
وشكرا لك يا ايهاب باشا على النصيحة وجزاك الله خيرا
والله انا نفسى اعمل الموضوع ده من زمان .. بس اللى اعرفه انه بيكون فيه فرق بين السعر اللى بيدهولك المكتب او الشركه اللى انت هاتديها العربيه والسعر اللى هوا بيتفق عليه مع شركه البترول او السياحه .. يعنى مثلا اتفق معاك على 2400 ممكن يكون الاتفاق معاهم على 3000 والباقى بيطلع لحسابه هوا
مفيش مشكلة في الفرق ولكن ايه مشاكل الموضوع او اضرارهاقتباس:
المشاركة الأصلية كتبت بواسطة mada121977
للي عنده معلومات ياريت يفيدنا
فعلا وعلى ما اعتقد ان الموضوع ده كان فى الغربية والله اعلم وفى اعضاء هنا كانوا ضحايا الشركة دىاقتباس:
المشاركة الأصلية كتبت بواسطة ehabbasha30
الصراحه وعن ركوب عربيات ايجار كتير
العربيه بتبهدل بمعنى الكلمه كموتور و عفشه و صالون
ده انا كنت قاعد فى عربيه ايجار الناس مطفيه السجاره فى الفرش وكانت موديل 2008 ومكملتش 40 الف كليو وبتنطر خامس
شوف بقى الناس بتعمل فيها ايه علشان يحصل فيها كده
نصحيه روح محل ايجار وشوف معظم العربيات حالتها ايه وانت هتعرف قصدى ايه