ارجو النصيحة اية احسن وحدة رفع زجاج و فتحة سقف لالنسر 2008 سبورت (بومة)
سعرها كام و منين اجيبها و اية افضل انظار للعربية مع المحافظة على المفتاح الاصلى و شكرااا
عرض للطباعة
ارجو النصيحة اية احسن وحدة رفع زجاج و فتحة سقف لالنسر 2008 سبورت (بومة)
سعرها كام و منين اجيبها و اية افضل انظار للعربية مع المحافظة على المفتاح الاصلى و شكرااا
انا كمان عايز اعرف ياريت حد يفيدنا
والله يا جماعه انا بخاف اللعب في العربية وتركيب ووحدة رفع وخاصة لما تكون في فتحة السقف يعني الواحد بيخاف من الصنايعيه وخصوصا ان وحدات الرفع اليومن دول ببتبوظ بسرعه :dontudear:
انا مركب وحدتين رفع فى الباب بتاع السواق ( كل وحدة مسئولة عن رفع زجاجين ) .. كان ثمنهم تقريبا 80 جنيه .. على فكرة صاحبى اللى ركبهوملى ( طالب فى كلية هندسة بس مخه نضيف ) .. وثبتناهم فى القضيب بتاع الباب بحزام ولزق double face ..
شوف كهربائى نضيف ورحله .. مفيش من تركيبها أى مشاكل .. وانا ركبته مش عشان تبقى أوبشن زيادة بس عشان صاحبى كان جنبى ونسى يقفل الزجاج بتاعه واتسرق من العربيه حاجات .
عندك نوعين نوع بيرفع الاربع زجاجا ونوع بيرفع زجاجين وفى الحاله دى هاتشترى اتنين
الافضل انك تشترى وحدتين كل وحده مسئوله عن زجاجين تمنهم 90جنيه وبيركبوا فى باب السائق والكهربائى مصنعيته 30جنيه او 40 جنيه بالكتير
وحاول تشترى كورى مش صينى
بص ياباشا انا ركبت الوحديتين وعربيتي زي عربيك بالظبط
متخفش مفيش منهم مشكلة
بس فتحة السقف مش هتنفع او بمعني تاني
مشاكلها كتير لانها ممكن تبوظلك الوحدة بتاعت فتحة السقف نفسها
ودي انا سمعت مش متاكد من التمن دا انها ب4الاف جنيع لوحدها
ودا
مبلغ فاتوكل علي الله وركب جهازين
ومتجبش الجهاز الي بيرفع الاربعة عشان ميبقاش عليه حمل
كتير ويبوظ منك
انا توصلت للكلام دا كله بعد اسئلة 3شهور لناس كتير
وشكرا
سؤال بعد اذنكوا...انا دايما بلاقى اعضاء بتسال عن وحدات رفع للزجاج فى عربيات زى لانسر 2008 وغيرها..طيب هو الزجاج اصلا مش كهرباء اللى انا عارفه انه هو كهرباء فمفيش داعى لوحدة رفع ..انا عارف انه فيه اكيد لبس فى الموضوع وان فيه حاجة فايتانى ومش فاهمها كويس وعذرا لجهلى بهذا الجزء ..
فايدة وحدة الرفع : انك مثلا لما تنزل من العربية والزجاج مفتوح , بمجلاد انك تدوس lock فى الريموت ( الأبواب تقفل والزجاج المفتوح يقفل معاه )اقتباس:
اللى انا عارفه انه هو كهرباء فمفيش داعى لوحدة رفع ..انا عارف انه فيه اكيد لبس فى الموضوع وان فيه حاجة فايتانى ومش فاهمها كويس
وممكن تظبطها ان هى تبقى وحدة " خفض " بمعنى انك لما تعمل unlock ( الأبواب تتفتج والزجاج يتفتح أيضا ) بس المنتشر هى وحدة الرفع .
فى بعض العربيات بيتكون نازلة وفيها وحدة الرفع من الأساسيات ( على سبيل المثال اسبيرانزا تيجو ) .. بس الانسر البومة مش بتنزل بوحدة رفع لكن تركيبها سهل المهم انك تروح لواحد بيفهم ونضيف فى شغله .